ដំណឹងអាស៊ី-ប៉ាស៊ីភិក

អាជ្ញាធរចិន​រឹបអូស​គ្រឿងចម្លាក់​មកពី​កម្ពុជា ដែល​សង្ស័យ​«ធ្វើពីភ្លុកដំរី»

អាជ្ញាធរគយខេត្តណានណីង (Nanning) ក្នុងភាគខាងត្បូងប្រទេសចិន បានរឹបអូសគ្រឿងចម្លាក់ចំនួនបួន ដែលសង្ស័យថា«ធ្វើពីភ្លុកដំរី»។ នេះ បើតាមសេចក្ដីរាយការណ៍របស់ទីភ្នាក់ងារព័ត៌មានផ្លូវការចិន «ស៊ីនហួរ» ដោយស្រង់ប្រភពពីមន្ត្រីគយ មកបញ្ជាក់។

គ្រឿងចម្លាក់ទាំង៤នោះ មានបីគ្រឿងជាសម្ភារៈតុបតែង ក្នុងព្រះពុទ្ធសាសនា និងមួយគ្រឿងជារូបចម្លាក់មុខមនុស្ស។ សម្ភារៈទាំងបួននេះ មានទំងន់សរុប២០៨,៧ក្រាម និងត្រូវបានខ្ចប់ជាពីរកញ្ចប់។ មួយកញ្ចប់ ផ្ញើរចេញពីប្រទេសកាឡេដូនីថ្មី និងមួយទៀត ផ្ញើរចេញពីប្រទេសកម្ពុជា។

ទីភ្នាក់ងារផ្លូវការចិន បានស្រង់ប្រភពមន្ត្រីគយ មកអះអាងបន្តថា គ្រឿងលំអទាំងនេះ នឹងត្រូវបញ្ជូនទៅឲ្យមន្ទីរពិសោធន៍ ដើម្បីពិនិត្យមើល ថាវាពិតជា«ធ្វើពីភ្លុកដំរី» ឬយ៉ាងណា។

កាលពីពាក់កណ្ដាលខែធ្នូ ឆ្នាំទៅម៉ិញ អាជ្ញាធរខ្មែរបានរកឃើញ ភ្លុកដំរីចំនួន ១០២៦ភ្លុក ដែលមានទំងន់ ជាង៣,៥តោន។ ភ្លុកទាំងនោះ ត្រូវបានលាក់ក្នុងកុងទឺន័រមួយ ដែលមានវត្តមានទុកចោល ក្នុងកំពង់ផែស្វយ័តភ្នំពេញ តាំងពីខែកក្កដាកន្លងមក។

ការរកឃើញភ្លុកដំរី ក្នុងចំនួនដ៏សម្បើមនោះ ធ្វើឡើងដោយសារ ការផ្ដល់ដំណឹងសម្ងាត់ ពីសំណាក់ស្ថានទូត សហរដ្ឋអាមេរិក ប្រចាំនៅប្រទេសកម្ពុជា ដោយមានការស្រាវជ្រាវ ជាមុន ពីសំណាក់ផ្នែកជលផល និងសត្វព្រៃអាមេរិក រួមនឹងផ្នែកព័ត៌មានសំងាត់ របស់ក្រសួងសន្តិសុខមាតុភូមិអាមេរិក។

តាំងពីចុងឆ្នាំ២០១៧មក ប្រទេសចិនបានបង្ហាញ ពីការប្ដេជ្ញាចិត្តរបស់ខ្លួន ចំពោះការថៃរក្សាការពារសត្វដំរី ដោយធ្វើការហាមឃាត់ នូវរាល់ការជួញដូរ ឬការធ្វើពាណិជ្ជកម្ម ចំពោះអ្វីក៏ដោយ ដែលធ្វើចេញពីភ្លុកដំរី នៅលើទឹកដីរបស់ខ្លួន៕



លំអិតបន្ថែមទៀត

ដំណឹង

ចិន​ទាមទារ​ឲ្យ​កាណាដា​ដោះលែង​នាយិកា​ហិរញ្ញវត្ថុ ក្រុមហ៊ុន​«Huawei»

ក្រសួងការបរទេសចិន បានទាមទារកាលពីម្សិលម៉ិញ ឲ្យមានការដោះលែងជាបន្ទាន់ អ្នកស្រី «Meng Wanzhou» នាយិកា​ទទួលបន្ទុក​ហិរញ្ញវត្ថុ របស់ក្រុមហ៊ុនទូរស័ព្ទចិន យីហោ «Huawei» និងជាកូនស្រី របស់ស្ថាបនិកក្រុមហ៊ុនយក្សមួយនេះ។ អ្នកស្រីនាយិការូបនេះ ...
កំសាន្ដ

«តើ​សត្វ​ស្វាឪ ស៊ី​សណ្ដែកដី​យ៉ាងដូច​ម្ដេច?» សំណើច​ខ្លី

«តើ​សត្វ​ស្វាឪ …»៖ ពីរនាក់ ឪពុក​និងកូនប្រុស កំពុងដើរកំសាន្ដ នៅក្នុងសួនសត្វមួយ ហើយបានមកឈប់មើល សត្វស្វា«ឪ»ដ៏ធំ ដែល​កំពុងអង្គុយចោងហោង នៅក្នុងទ្រុងរបស់វា។ កូនប្រុស ចង់ឃើញកាយវិការ ស៊ីចំណីរបស់សត្វស្វា«ឪ» ...
រូបសញ្ញារបស់ក្រុមហ៊ុន «Huawei» នៃប្រទេសចិន នៅចំពោះបច្ចេកវិទ្យាថ្មី «» សម្រាប់ប្រព័ន្ធទូរស័ព្ទដៃ។ (រូបថតផ្តិតពីអេក្រង់)
កីឡា និងបច្ចេកវិទ្យា

5G៖ ស៊ុយអែតសម្រេច​ហាមឃាត់​ក្រុមហ៊ុន«Huawei»និង«ZTE»

ក្រោមវិធានការការពារសន្តិសុខជាតិ ប្រទេសស៊ុយអែត បានសម្រេចធ្វើការហាមឃាត់ នូវរាល់សម្ភារៈបរិក្ខា របស់ក្រុមហ៊ុនចិនចំនួនពីរ គឺក្រុមហ៊ុន «Huawei»​និង«ZTE» សម្រាប់បំពាក់​លើបច្ចេកវិទ្យាថ្មី «5G» នៃសេវាកម្មទូរស័ព្ទដៃ។ នេះ បើតាមការប្រកាស របស់អាជ្ញាធរជាតិ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.