មហាសេដ្ឋីចិន​ លោក ជេក ម៉ា (Jack Ma) បានបាត់ដំណឹងសូន្យឈឹង តាំងពីចុងខែតុលាកន្លងទៅ បន្ទាប់ពីលោកត្រូវបាន​អាជ្ញាធរចិនកោះហៅ ភ្លាមៗក្រោយការថ្លែងសុន្ទរកថាមួយ របស់លោក ដែលរិះគន់ទៅដល់របបក្រុងប៉េកាំង។

សារព័ត៌មានអង់គ្លេស «The Financial Times» បានអះអាងថា លោក ម៉ា បានបាត់ខ្លួនតាំងពីថ្ងៃទី២៤ ខែតុលា។ នៅថ្ងៃនោះ មហាសេដ្ឋីដែលមានប្រាក់លំដាប់ទី២៥ ក្នុងពិភពលោក បានថ្លែងសុន្ទរកថាមួយ រិះគន់នយោបាយដឹកនាំ របស់រដ្ឋាភិបាលចិន​កុម្មុយនីស្ដិ៍ ដោយបានអំពាវនាវក្រុងប៉េកាំង ឲ្យធ្វើកែទម្រង់វិស័យហិរញ្ញវត្ថុ។

សារព័ត៌មានបារាំង «Ouest France» បានពន្យល់លំអិតថា ភ្លាមៗក្រោយការថ្លែងនោះ ស្ថាបនិកសហគ្រាសយក្ស «Alibaba» លោក ជេក ម៉ា ត្រូវបានអាជ្ញាធរ​កោះហៅ ហើយក៏បាត់ដំណឹងរបស់លោក សូន្យឈឹងចាប់ពីពេលនោះមក។ នៅលើបណ្ដាញសង្គម​ទ្វីសធើរ សារចុងក្រោយបង្អស់របស់លោក ត្រូវបានបង្ហោះ នៅថ្ងៃទី១០ ខែតុលា ឆ្នាំ២០២០។

រឿងរ៉ាវបន្តបន្ទាប់ ក៏កាន់តែអាក្រក់ដែរ សម្រាប់រូបលោក នឹងសហគ្រាសយក្ស «Alibaba»។ នោះ គឺរដ្ឋាភិបាលចិន​បានសម្រេចព្យួរ​ធនាគារ «ANT» ពីទីផ្សារភាគហ៊ុន។ ធនាគារមួយនេះ ជាផ្នែកមួយនៃសហគ្រាស «Alibaba» ហើយការសម្រេចរបស់រដ្ឋាភិបាល បង្កឲ្យតម្លៃភាគហ៊ុន របស់សហគ្រាស ធ្លាក់ចុះយ៉ាងខ្លាំង។

«Jack Ma» VS «Pékin»

កាលពីថ្ងៃទី២៤ ខែធ្នូ ឆ្នាំ២០២០ ក្រុងប៉េកាំង បានប្រកាសបើក​ការស៊ើបអង្កេត​មួយឡើង ដោយសង្ស័យសហគ្រាសរបស់លោក ជេក ម៉ា ថាបានអនុវត្តន៍ជំនួញ ដែលមាន«ភាពអុងអាត់»តែឯង។ នៅចំពោះហេតុការណ៍ទាំងនេះ គេមិនឃើញមហាសេដ្ឋីរូបនេះ ចេញមុខមកធ្វើប្រតិកម្ម ឬដោះស្រាយទេ។

ក្នុងខែវិច្ឆិកា លោក ម៉ា ត្រូវចូលរួមធ្វើជាចៅក្រម ដើម្បីសម្រេចសេចក្ដី នៅក្នុងកម្មវិធីផ្ដាច់ព្រ័ត្រមួយ ហៅថា «Africa’s Business Heroes» ដែលរូបលោកផ្ទាល់ ជាអ្នកផ្ដួចផ្ដើមគំនិត។ តែគេបែជាឃើញសហសេវិនី របស់លោក ជាអ្នកទៅចូលរួមជំនួសវិញ។ សហសេវិនីរូបនោះ បានបកស្រាយពីអវត្តមាន របស់លោក ម៉ា ថាមកពីលោកមានកម្មវិធីច្រើនផ្សេង ដែលពិបាក​ឲ្យលោកដកខ្លួន មកចូលរួមក្នុងកម្មវិធីខាងលើ។

សារព័ត៌មានបារាំង «Le Monde» បានរាយការណ៍បន្ថែមថា របបកុម្មុយនីស្ដិ៍ចិន តែងមានទម្លាប់កម្ចាត់នរណាក៏ដោយ ដើម្បីបំបិទមាត់ជននោះ កុំឲ្យធ្វើការរិះគន់ ទៅលើខ្លួន។

«Le Monde» ក៏បានលើកយកសំដី របស់លោកមហាសេដ្ឋីចិនមួយរូបទៀត ឈ្មោះ «Guo Wengui» ដែលបាននិយាយទុកមុន  អំពីលោក ជេក ម៉ា មកបញ្ជាក់ដែរ។ លោក «Guo Wengui» ដែលបានរត់គេច​ពីប្រទេសចិន ក្នុងឆ្នាំ២០១៤ បានអះអាង​កាលពី​ឆ្នាំ២០១៩​ ថាក្នុងឆ្នាំ២០២០ខាងមុខ លោក ម៉ា អាចនឹងមានវាសនា ដេកក្នុងគុក ឬដល់ថ្នាក់ស្លាប់  ដោយហេតុថា ប្រទេសចិន​មានបំណង ចង់ត្រួតត្រាលើ​សហគ្រាស​របស់លោក៕



លំអិតបន្ថែមទៀត

រូបភាពចំអក របស់សកម្មជនការពារសេរីភាពសារព័ត៌មាន នៅក្នុងប្រទេសវៀតណាម។ (រូបភាពរបស់ RSF)
ទស្សនៈប្រិយមិត្ត

លិខិតប្រិយមិត្ត៖ «ទិវាសិទ្ធិមនុស្ស ខណៈនិន្នាការ​ផ្ដាច់ការនិយម​កើនឡើង»

ក្នុងខែធ្នូនេះ​ នៅពេលដែលអង្គការ​សហប្រជាជាតិ​ប្រារព្ធ«ទិវាសិទ្ធិមនុស្ស» ពិភពលោក​ទាំងមូល​​កំពុងតែពើបប្រទះ នូវបញ្ហាប្រឈមនានា ចំពោះមុខ​លទ្ធិប្រជាធិបតេយ្យ និងសិទ្ធមនុស្ស។ របបផ្តាច់ការនានា កំពុងតែបន្តគាបសង្កត់សង្កិន ពួកអ្នកប្រឆាំង ឬអ្នកដែលតវ៉ា​ទាមទារសិទ្ធិស៊ីវិល ជាមូលដ្ឋាន។ បណ្តារដ្ឋដែលប្រកាន់របបប្រជាធិបតេយ្យ ក៏កំពុង​ដោះស្រាយនូវរលក ...
ដំណឹង

ក្រុមបាតុករនៅហុងកុង ព្រមានធ្វើបាតុកម្ម«យក្ស»ខ្លាំងជាងមុន នៅថ្ងៃអាទិត្យ

នៅក្រុងហុងកុង ក្រុមអ្នកជំទាស់នឹងគម្រោងច្បាប់ ដ៏ប្រទាំងប្រទើស ដែលអនុញ្ញាតឲ្យធ្វើបត្យាប័នអ្នកទោស ទៅឲ្យអាជ្ញាធរចិនកុម្មុយនីស្ដិ៍ បានព្រមាននៅថ្ងៃព្រហស្បត្តិ៍នេះ ថាពួកគេនឹងបន្តជួបជុំ ក្នុងទំហំ«យក្ស»ដ៏ធំសម្បើមជាថ្មីទៀត នៅថ្ងៃអាទិត្យខាងមុខ។ ការប្រកាសរបស់ក្រុមអ្នករៀបចំបាតុកម្ម ធ្វើឡើងមួយថ្ងៃ បន្ទាប់ពីបាតុកម្មយក្សកាលពីថ្ងៃពុធម្សិលម៉ិញ ដែលមានផ្ទុះអំពើហិង្សាយ៉ាងខ្លាំងក្លា ...
ដំណឹង

ចិនអំពាវនាវឲ្យភូមា កាត់បន្ថយ​អំពើហិង្សា និង​វិលមករក​កិច្ចសន្ទនា

ប្រទេសចិនបានរំពឹងថា ដល់ពេលវេលា ដែលប្រទេសភូមា ត្រូវចាប់ផ្ដើម កាត់បន្ថយ​អំពើហិង្សា និងជាពេលវេលា ដែល​វិលមករក​កិច្ចសន្ទនា។ នេះ បើតាមលោក ហ្សាង ជុង (Zhang Jun) ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

ដំណឹង

អាហ្វហ្គានីស្ដង់៖ ISIS ទទួលស្គាល់​ភេរវកម្ម​៧ដង ក្នុងក្រុង​«ភាគខាងកើត»

អង្គការភេរវនិយម ក្រុមរដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​​ហៅ EI ​​​អង់គ្លេស​​​ហៅ ISIS ) បានចេញមុខមកទទួលស្គាល់ ភេរវកម្មបំផ្ទុះគ្រាប់បែក ច្រើនដងកាលពីថ្ងៃសៅរ៍ និងថ្ងៃអាទិត្យ ...
ដំណឹង

កំពូល​អ្នកប្រដាល់​ហ្វីលីពីន ប្រកាសបេក្ខភាព​ប្រជែងប្រធានាធិបតី ឌូតែតេ

កំពូល​អ្នកប្រដាល់​ហ្វីលីពីន ដ៏មានប្រជាប្រិយភាព លោក មានី ផាគីអៅ (Manny Pacquiao) បានប្រកាសបេក្ខភាពរបស់លោក ក្នុងថ្ងៃអាទិត្យនេះ ដើម្បីឈានទៅប្រកួតប្រជែង ក្នុងការបោះឆ្នោតប្រធានាធិបតី នៅឆ្នាំ២០២២ខាងមុខ។ លោក ...