ដំណឹងអាស៊ី-ប៉ាស៊ីភិក

បើករថយន្ដ​បុកចូល​ហ្វូងមនុស្ស​នៅចិន ស្លាប់​យ៉ាងតិច​៦នាក់

បុរសម្នាក់បានបើករថយន្ដ បុកចូលហ្វូងមនុស្ស ក្នុងព្រឹកថ្ងៃសុក្រនេះ នៅកណ្ដាលក្រុង « Zaoyang» នៃខេត្ត «Hubei» ភាគកណ្ដាលនៃប្រទេសចិន។ ហេតុការណ៍បានបណ្ដាលឲ្យមនុស្ស ស្លាប់​យ៉ាងតិច​៦នាក់ និងរបួសយ៉ាងហោច ៧នាកផ្សេងទៀត។ នេះ បើតាមរបាយការណ៍របស់ទូរទស្សន៍ជាតិចិន ដោយអះអាងបន្ថែមថា ជនបង្កត្រូវបាននគរបាលបាញ់សម្លាប់។

ទូរទស្សន៍ «CCTV» បានឲ្យដឹងថា ហេតុការណ៍បានកើតឡើង នៅវេលាម៉ោងជាង៦ព្រឹក ប៉ុន្តែមិនបានបញ្ជាក់ ពីមូលហេតុច្បាស់លាស់ ដែលនាំឲ្យបុរសខាងលើ ប្រព្រឹត្តិទង្វើនោះនៅឡើយ។

ហេតុការណ៍បើករថយន្ដ បុកចូលក្នុងហ្វូងមនុស្ស នៅក្នុងប្រទេសចិន បានកើតឡើង​សឹងមិនលោះពេល ក្រោមហេតុផលផ្សេងៗគ្នា។

កាលពី៥ថ្ងៃមុននេះ កូនសិស្ស៥នាក់ និង១៩នាក់ទៀតបានរងរបួស បន្ទាប់ពីត្រូវរថយន្ដមួយបើកបុក។ អ្នកកាន់ចង្កូតរថយន្ដ ជាបុរសម្នាក់អាយុ២៩ឆ្នាំ គ្មានការងារធ្វើ។ សារព័ត៌មានផ្លូវការចិន បានរាយការណ៍ថា បុរសរូបនេះ បានបើករថយន្ដបុកមនុស្ស បន្ទាប់ពីបានឈ្លោះ ជាមួយភរិយាខ្លួនរួច។ 

កាលពីខែវិច្ឆិកាកន្លងទៅ ករណីប្រហាក់ប្រហែលគ្នាចំនួនពីរបានកើតឡើង បង្កឲ្យមានមនុស្សស្លាប់ច្រើននាក់។

កាលពីខែកញ្ញាមុន បុរសម្នាក់ទៀតអាយុជាង៤០ឆ្នាំ ប្រដាប់ដោយកាំបិត បានបើក​រថយន្ដ «4X4» របស់ខ្លួន ចូលក្នុងទីលានសាធារណៈមួយ សម្បូរដោយមនុស្ស ក្នុងខេត្ត «Hunan» បណ្ដាលឲ្យមនុស្ស១១នាក់ស្លាប់ និង៤៤នាក់ផ្សេងទៀតរងរបួស។ ជននេះ ត្រូវបានអាជ្ញាធរចាប់ខ្លួន។

មានករណីមួយ ដែលត្រូវបានអាជ្ញាធរចាត់ទុកថា ជាអំពើភេរវកម្ម គឺនៅក្នុងឆ្នាំ២០១៣។ រថយន្ដមួយគ្រឿង ត្រូវបានបើកឡើងចិញ្ចើមថ្នល់ នៅលើទីលានធានអាមេញ នៃរដ្ឋធានីប៉េកាំង បណ្ដាលឲ្យអ្នកទេសចរណ៍ពីរនាក់ស្លាប់។ រថយន្ដបានផ្ទុះឆេះឡើង ហើយមនុស្សនៅក្នុងរថយន្ដបីនាក់ បានស្លាប់។

អាជ្ញាធរបានទម្លាក់ការទទួលខុសត្រូវ នៃទង្វើបើករថយន្ដ ឡើងលើចិញ្ចើមថ្នល់នេះ ទៅលើក្រុមចលនាបំបែកទឹកដី នៃបណ្ដាជនមូស្លីម «អ៊ុយហ្គ័រ» ក្នុងខេត្ត «Xinjiang» ភាគពាយ័ព្យនៃប្រទេស។

នៅប្រទេសចិន ចរាចរណ៍យានយន្ដជាបញ្ហាមួយ។ របាយការណ៍ផ្លូវការបានឲ្យដឹងថា គ្រាន់តែនៅក្នុងឆ្នាំ២០១៥មួយ មនុស្សរហូតដល់ទៅ ៥៨ ០០០នាក់ បានស្លាប់នៅក្នុងគ្រោះថ្នាក់ចរាចរណ៍៕



You may also like

ដំណឹង

អាល្លឺម៉ង់ថា​ចិន​ដាក់សម្ពាធ ឲ្យ​និយាយល្អ ពី​ប៉េកាំង​ជុំវិញ​​«Covid-19»

មន្ត្រីការទូតចិន បានជួបជាមួយ​អ្នកទទួលខុសត្រូវមួយចំនួន នៃរដ្ឋាភិបាលអាល្លឺម៉ង់ ដើម្បីបញ្ចុះបញ្ចូលអ្នកទទួលខុសត្រូវទាំងនោះ ឲ្យ​និយាយល្អ អំពីការគ្រប់គ្រង របស់ក្រុងប៉េកាំង ទៅលើការរាតត្បាត នៃជំងឺ«Covid-19»។ នេះ បើតាមការអះអាង របស់ក្រសួងមហាផ្ទៃអាល្លឺម៉ង់ តាមរយៈលិខិតមួយ ...
ដំណឹង

អាមេរិក៖ ផ្ទុះរថយន្ដកំពីង​ ក្នុងក្រុង​«Nashville» ព្រហាម​ថ្ងៃណូអែល

បើតាមនគរបាល បានឲ្យដឹងថា ការផ្ទុះរថយន្ដកំពីង ក្នុងក្រុង«Nashville» (រដ្ឋ«Tennessee») កាលពីព្រឹកព្រហាមថ្ងៃសុក្រនេះ ទំនងជាទង្វើដែល«គ្រោងទុកជាមុន»។ អាគារនៅជុំវិញ ប្រមាណជាង២០អាគារ បានរងការខូតខាតស្រាល (បែកកញ្ចាក់បង្អួច) តែរថយន្ដដែលចតក្បែរនោះ បានរងការខូចខាតធ្ងន់ធ្ងរ។ ...
ដំណឹង

ភេរវកម្ម​នៅ​ស្រីលង្កា៖ «ជនរងគ្រោះ»​កើនឡើង​ជិត​៣០០នាក់

តុល្យភាពថ្មីដែលធ្លាក់មកដល់ នៅក្នុងថ្ងៃចន្ទនេះ បានឲ្យដឹងថា «ជនរងគ្រោះ»ដល់ជីវិត បានកើនឡើងដល់ ២៩០នាក់ ខណៈជនរងរបួស មានប្រមាណជា៥០០នាក់។ អាជ្ញាធរស្រីលង្កា បានអះអាងថា បានដោះបង្កៃគ្រាប់បែកមួយ ដែលត្រូវបានរកឃើញ នៅក្បែរព្រលានយន្ដហោះអន្តរជាតិ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...