ដំណឹងអាស៊ី-ប៉ាស៊ីភិក

ឥណ្ឌា៖ កុមារ​ធ្លាក់ចូល​អណ្ដូង​តាំង​ពី៤ថ្ងៃ​ត្រូវបាន​យកចេញ តែគ្មាន​ជីវិត

ក្នុងភូមិ «Sangrur» នៃខេត្ត «Pendjab» ភាគខាងជើងឥណ្ឌា កុមារអាយុ២ឆ្នាំម្នាក់ ដែលបានធ្លាក់ចូលក្នុងអណ្ដូងមួយ តាំងពីជាង៤ថ្ងៃមុន ត្រូវបានស្រង់ឡើងមកលើវិញ តែគ្មាន​ជីវិត កាលពីព្រឹកម៉ិញ។ នេះ បើតាមការអះអាងរបស់អាជ្ញាធរតំបន់ ដែលត្រូវបានដកស្រង់ យកមកចុះផ្សាយ ដោយសារព័ត៌មានក្នុងស្រុក។

តាំងពីថ្ងៃព្រហស្បត្តិ៍មុន កុមារតូចឈ្មោះ «Fatehvir Singh» បានធ្លាក់ចូលអណ្ដូង មានទំហំ២៣សង់ទីម៉ែត្រ និងជម្រៅ ៣៣ម៉ែត្រ ដែលជីកដោយក្រុមគ្រួសារកុមារ ដើម្បីយកទឹកស្រោចដំណាំ។ ប៉ុន្តែអណ្ដូងនោះ រីងទឹក និងត្រូវបានបោះបង់ចោល តាំងពីឆ្នាំ១៩៩១ មកម្លេះ។

បើតាមមន្ត្រីអាជ្ញាធរតំបន់ បានអះអាងថា អណ្ដូងតូចនោះ មានបាវខ្សាច់គ្របពីលើ តែកុមារទំនងជាបានដើរជាន់ បណ្ដាលឲ្យធ្លាយបាវខ្សាច់ ហើយរអិលខ្លួន ធ្លាក់​ចូល​ទៅក្នុង​អណ្ដូង។

មន្ត្រីអាជ្ញាធរបានបន្តទៀតថា កុមារត្រូវបានក្រុមអ្នកជួយសង្គ្រោះ ស្រង់ឡើងមកលើវិញ នៅវេលាម៉ោងប្រមាណជា៥ព្រឹកម៉ិញ តែកុមារបានស្លាប់ទៅហើយ ដោយទំនងជាកុមារតូចរូបនេះ គ្មានទឹក គ្មានចំណីអាហារ តាំងពីច្រើនថ្ងៃមកនោះ។

យ៉ាងណា ឧទ្ធម្ភាគចក្រមួយ បានព្យាយាមបញ្ជូនកុមារ ទៅកាន់មន្ទីរពេទ្យ តែក្រុមគ្រូពេទ្យ​បានអះអាង នៅទីបំផុតថា កុមារពិតជាបានស្លាប់ និងមិនអាចជួយសង្ក្រោះវិញ បានឡើយ។

» ទិដ្ឋភាពពេលយកកុមារចេញ ៖

ដំណឹងមរណភាពរបស់កុមារ បានបង្កកំហឹងខ្លាំងក្លា ដល់បណ្ដាជនឥណ្ឌា នៅក្នុងតំបន់។ ពួកគេបានបន្ទោសអាជ្ញាធរ នៅទីនោះ ថាគ្មានសមត្ថភាពជួយសង្ក្រោះកុមារ ឲ្យទាន់ពេល រួមទាំងកង្វះសម្ភារៈ និងបច្ចេកទេស សម្រាប់បម្រើដល់ការជួយសង្គ្រោះ ជាពិសេស សម្រាប់គ្រោះថ្នាក់ ដែលបានកើតឡើងរបៀបនេះ៕



You may also like

កំសាន្ដ

អេស្ប៉ាញ៖ នៅពេល​ដែលកូន​​«ឌីណូស័រ»​មួយក្បាល ចេញដើរ​យកខ្យល់…

បម្រាមដែលហាមពលរដ្ឋ មិនឲ្យដើរចេញក្រៅផ្ទះ បើគ្មានការចាំបាច់នោះ ទំនងជាមិនត្រូវបានកូន«ឌីណូស័រ»មួយក្បាលនេះ គោរពតាមនោះទេ នៅក្នុងប្រទេសអេស្ប៉ាញ រហូតលុះត្រាមានអន្តរាគមន៍ ពីកងកម្លាំងនគរបាល ទើបកូនសត្វដ៏ចម្លែកមួយនេះ វិលត្រឡប់ចូលគេហដ្ឋានវិញ។ រឿងរ៉ាវនេះ កើតឡើងកាលពីថ្ងៃចន្ទ ដើមសប្ដាហ៍នេះ ...
កម្រមាន

ចាប់ខ្លួន​គិលានុបដ្ឋាក​ម្នាក់ ព្រោះ​ទារករបស់អ្នកជំងឺ​មាន «DNA ដូច»

ក្នុងរដ្ឋអារីហ្សូណា (Arizona) ភាគខាងលិចសហរដ្ឋអាមេរិក គិលានុបដ្ឋាកមួយរូប ត្រូវបានអាជ្ញាធរចាប់ខ្លួន បន្ទាប់ពីបានសង្ស័យ​បុរសថែទាំអ្នកជំងឺរូបនេះ ថាបានចាប់រំលោភស្ត្រីអ្នកជំងឺម្នាក់ ដែលសន្លប់ស្ដូកស្ដឹងមិនដឹងស្មារតី តាំងពីច្រើនជាង១០ឆ្នាំមកហើយ ខណៈទារកដែលកើតមក ត្រូវបានរកឃើញថាមាន «DNA ដូច»ជនសង្ស័យ។ ...
ទស្សនៈប្រិយមិត្ត

លិខិតប្រិយមិត្ត៖ តើចិនអាចធ្វើដំណើរ ទៅដល់ណា?

តើចិនអាចធ្វើដំណើរ ទៅដល់ណា? ៖ ប្រទេសចិនកុំម្មុយនីស្ត ប្រឈមមុខនឹងគូប្រជែង និងគូសត្រូវមួយចំនួន ដើម្បី​សម្រេចបាន​នូវ​«មហិច្ឆតាខួប១០០ឆ្នាំ»នៃរបបនេះ នៅឆ្នាំ២០៥០៖ – គូប្រជែង​និងគូសត្រូវលេខ១ របស់ចិន​គឺ អាមេរិក សហគមន៍អឺរ៉ុប២៦ប្រទេស ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...