ដំណឹងអាស៊ី-ប៉ាស៊ីភិក

វិបត្តិ​នៅ​កាស្មៀរ៖ បុណ្យ​សាសនា «Aïd» ប្រព្រឹត្តិទៅ​ក្រោម​ភាព​តានតឹង

ពិធីបុណ្យសាសនា «Aïd al-Adha» ដ៏សំខាន់របស់មូស្លីម បានប្រព្រឹត្តទៅ ក្នុងស្ថានភាពដ៏តានតឹង បន្ទាប់ពីប្រទេសឥណ្ឌា បានធ្វើវិសោធនកម្មរដ្ឋធម្មនុញ្ញ កាលពីសប្ដាហ៍មុន លប់ចោលស្វ័យភាពនៃទឹកដីកាស្មៀរ មុននឹងបញ្ជូនកម្លាំងប្រដាប់អាវុធ យ៉ាងសន្ធឹកសន្ធាប់ ទៅកាន់ទីនោះ។

ពិធីបុណ្យនេះ តម្រូវឱ្យធ្វើការបូជាសត្វចៀម តាមទំនៀមទំលាប់រៀងមក។ តែឆ្នាំនេះ បណ្ដាជននៅកាស្មៀរ បានសំដែងភាពលំបាកលំបិន របស់ផងខ្លួន ក្នុងការប្រារព្ធពិធី ដោយសារពួកគេត្រូវបានហាមឃាត់ នូវរាល់ការជួបជុំគ្នា។

បុរសម្នាក់ ដែលរស់នៅចំងាយ ជាង១០គីឡូមែត្រ ពីក្រុង «Srinagar» នៃតំបន់កាស្មៀរ ត្រូវបានទីភ្នាក់ងារព័ត៌មានបារាំង «AFP» ស្រង់សំដីមកបញ្ជាក់ថា៖

«តម្លៃចៀមមួយក្បាល ថ្លៃខ្លាំងណាស់។ អ្នកលក់ចៀមនិយាយថា ពួកគេអាចមានគ្រោះថ្នាក់ដល់ជីវិត ប្រសិនបើពួកគេចេញមកលក់ដូរ នៅតាមផ្លូវ។»

នាយករដ្ឋមន្ត្រីឥណ្ឌា លោក «Narendra Modi» ដែលមាននយោបាយជាតិនិយម បានអះអាងជាមុនថា បណ្ដាជនមូស្លីម អាចប្រារព្ធពិធីបុណ្យ «Aïl» ក្នុងសប្ដាហ៍នេះ ដោយមិនមានការបារម្ភអ្វីឡើយ។ ប៉ុន្តែនាយករដ្ឋមន្ត្រីរូបនេះ ក៏ជាអ្នកចេញក្រឹត្យ ក្នុងការហាមឃាត់ការជួបប្រជុំគ្នា និងបញ្ជាឲ្យធ្វើការផ្ទុះអាវុធ ប្រសិនជាមានករណីល្មើសដែរ។

លោក «Narendra Modi» បញ្ជាក់ទៀតថា ការបញ្ចប់ស្វ័យភាព នៃតំបន់កាស្មៀរ មិនត្រឹមតែបំបាក់ចោល នូវជម្រកភេរវជន និងជននិយមផ្ដាច់ទឹកដីប៉ុណ្ណោះទេ តែក៏អនុញ្ញាតឲ្យរដ្ឋាភិបាល អាចអភិវឌ្ឍសេដ្ឋកិច្ច នៅក្នុងតំបន់នេះដែរ។

យ៉ាងណា ពលរដ្ឋកាស្មៀរនៅតែសំដែងកំហឹងរបស់ពួកគេ នៅចំពោះចំណាត់ការ របស់រដ្ឋាភិបាលក្រុងញូដេលី ដោយបានចាត់ទុកទង្វើខាងលើ ថាជាការមិនអើពើ នឹងជំនឿសាសនារបស់ពួកគេ។ ពលរដ្ឋម្នាក់ ដែលរស់នៅក្នុងក្រុង «Srinagar» (កាស្មៀរ) ត្រូវបានស្រង់សំដី មកអះអាងថា៖

«យើងគ្មានសេរីភាពទេ សម្រាប់ការប្រតិបត្តិជំនឿសាសនា របស់យើង។ រឿងនេះ ធ្វើឲ្យខ្ញុំខ្វល់ខ្វាយណាស់៕»



លំអិតបន្ថែមទៀត

ដំណឹង

«សង្គ្រាមឃោសនា»​ឥណ្ឌា-​ប៉ាគីស្ដង់ ក្រោយ​ការដោះលែង​អ្នកបើក​យន្ដហោះ

វីដេអូមួយផ្សាយចេញពីប្រទេសប៉ាគីស្ដង់ បង្ហាញពីទាហានបើកយន្ដហោះឥណ្ឌា និយាយអរគុណអាជ្ញាធរប៉ាគីស្ដង់ ដែលត្រៀមដោះលែងខ្លួនកាលពីថ្ងៃសុក្រ​(ម្សិលម៉ិញ)​នោះ បានបញ្ជេះកំហឹងរបស់បណ្ដាជនឥណ្ឌា ឲ្យផ្ទុះជាអណ្ដាតភ្លើងឡើង យ៉ាងសន្ធោសន្ធៅ។ ផ្ទុះជាអណ្ដាតភ្លើង ដោយហេតុថា ប្រទេសប៉ាគីស្ដង់បានប្រើប្រាស់ការដោះលែង​ទាហាន​បើក​យន្ដហោះរូបនោះ ដើម្បីធ្វើ«សង្គ្រាមឃោសនា»របស់ខ្លួន ខណៈប្រទេសនេះបានប្រកាសកាលពីថ្ងៃព្រហស្បត្តិ៍ ថានឹងធ្វើការដោះលែងឈ្លើយសិក ...
កម្រមាន

សង្ឃព្រាហ្ម​អង្គនេះ​បាន​លាចាក​លោក បន្ទាប់ពី​«មិនឆី​មិនផឹក»​៨០ឆ្នាំ

បន្ទាប់ពីបានអះអាង តាំងពីច្រើនឆ្នាំមក ថា បានធ្វើការស្មឹងស្មាធ ដោយ​«មិនឆី​មិនផឹក» អស់រយៈពេល​៨០ឆ្នាំនោះមក សង្ឃព្រាហ្មដ៏ល្បីល្បាញ របស់ប្រទេសឥណ្ឌា ព្រះនាម «Prahlad Jani» បានទទួលមរណភាពហើយ នៅថ្ងៃទី២៦ ...
ដំណឹង

ប៉ាគីស្ដង់​ប្រកាស​ដោះលែង​អ្នក​«បើកបរយន្ដហោះ»​ឥណ្ឌា ដើម្បីសន្តិភាព

ប្រទេសប៉ាគីស្ដង់ នឹងដោះលែងទាហាន«បើកបរយន្ដហោះ» នៃកងទ័ពជើងអាកាសឥណ្ឌា ដែលត្រូវបានប្រទេសនេះចាប់ខ្លួនបាន កាលពីថ្ងៃពុធ។ ការដោះលែងនេះ ត្រូវបានប្រទេសប៉ាគីស្ដង់អះអាងថា ជាកាយវិការ«សន្តិភាព»ជាមួយប្រទេសឥណ្ឌា ដែលនៅជាប់ព្រំប្រទល់គ្នា តែជារឿយៗ តែងមិនមុខគ្នាមិនចំ បើនិយាយពីតំបន់កាស្មៀរ នៅភាគខាងជើង។ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.