កំសាន្ដវីដេអូ ពីនេះពីនោះ

បើករថយន្ដ​ធ្លាក់ស្ទឹង បន្ទាប់ពី​ទទួលបាន​ប័ណ្ណបើកបរ ១០នាទី​មុន

ក្ដីសប្បាយរីករាយ បន្ទាប់ពី​ទទួលបាន​ប័ណ្ណបើកបរ កាលពី១០នាទីមុន ពិតជាមានរយៈពេល ត្រឹមតែ១០នាទីនេះមែន ! តើមានរឿងអ្វីទៅ?

ព្រោះភាពជោគជ័យ ដែលអនុញ្ញាតឲ្យយុវជនរូបនេះ អាចកាន់ចង្កូតយានយន្ដ បើកលើទ្រូងផ្លូវបាននោះ បានបណ្ដាលឲ្យញាតិមិត្ត បងប្អូនច្រើននាក់ ផ្ញើរសារអបអរតាមរយៈទូរទស័ព្ទ ទៅកាន់យុវជន។

ហើយគឺនៅពេល ដែលយុវជនខាងលើ កំពុងអានសារទាំងនោះហើយ ដែលរថយន្ដបានងាកចេញ ពីស្ពានដ៏តូចចង្អៀត ហើយធ្លាក់«ប្រូង» ចូលទៅក្នុងស្ទឹង។

សារព័ត៌មានអង់គ្លេស «Sun» បានស្រង់សំដី របស់យុវជនម្ចាស់ប័ណ្ណបើកបរថ្មីថ្មោង ដែលជាអ្នករស់នៅ ក្នុងក្រុង «Zunyi» នៃខេត្ត «Guizhou» ភាគនារតីប្រទេសចិន មកបញ្ជាក់ថា៖

«ខ្ញុំព្យាយាមកាន់ទូរស័ព្ទ ដើម្បីបើកអានសារ… ហើយក្នុងពេលតែមួយ មានមនុស្សពីរនាក់ នៅលើស្ពាន បានឲ្យសញ្ញា… ធ្វើឲ្យខ្ញុំបែកអារម្មណ៍ ក៏ច្រឡំកាត់ចង្កូតបត់ឆ្វេង។»

សំណាងល្អ ដែលយុវជនបានចេញទាន់ពេល ពីរថយន្ដដែលត្រាំក្នុងទឹក មុននឹងត្រូវបានជួយសង្គ្រោះ ឲ្យឡើងគោក ដោយសុវត្ថិភាព។ តែមិនជាស្រួលប៉ុន្មានទេ បើតាមការអះអាង របស់យុវជនរូបនេះ ប្រាប់សារព័ត៌មាន។

«ទ្វារឡាន ដែលជាប់នឹងខាងអ្នកបើក បានជាប់គាំង។ អញ្ចឹង ខ្ញុំត្រូវធាក់ទ្វារឡាន ម្ខាងទៀត រហូតទាល់តែវារបើក។ គ្រោះណា នឹងត្រូវជាប់ នៅក្នុងរថយន្ដនោះរហូត…»

នៅក្នុងហេតុការណ៍នេះ ដែលកើតឡើង តាំងពីថ្ងៃទី២១ ខែកុម្ភៈ ឆ្នាំ២០២០ យុវជនម្ចាស់យានយន្ដ បានរងការគ្រេចស្មារ ប៉ុន្តែមិនមានសេចក្ដីរាយការណ៍ថា យុវជនខាងលើបានទទួលការពិន័យ ឬទណ្ឌកម្មនោះទេ។ រីឯរថយន្ដ ត្រូវបានអាជ្ញាធរ ប្រើយានស្ទូច ស្រង់ឡើងមកលើវិញ នៅប៉ុន្មានម៉ោងក្រោយ៕



លំអិតបន្ថែមទៀត

របាយការណ៍

Covid-19៖ ភស្ដុតាង​បង្ហាញថា ចិន​លាក់​តួលេខ​អ្នកស្លាប់ យ៉ាងធំសម្បើម

នៅពេលដែលចិនកុម្មុយនីស្ដិ៍ កំពុងអួតអាងថា ការរាតត្បាតនៃជំងឺ​«កូរូណា» ឬ​«Covid-19» កំពុងថមថយកម្លាំង ក្នុង​ប្រទេសខ្លួន និងបម្រាមនានា កំពុងត្រូវបានលើកចេញ ជាបន្តបន្ទាប់នោះ ស្រាប់តែភស្ដុតាង​ដែលបង្ហាញឲ្យដឹង ពីចំនួន​អ្នកជំងឺស្លាប់ ដោយសារមេរោគខាងលើ យ៉ាងធំសម្បើម ...
ដំណឹង

រដ្ឋសភា​ហុងកុង ​ត្រូវ​អាជ្ញាធរ​គ្រប់គ្រង​បានវិញ ក្នុងយប់​ថ្ងៃចន្ទ​នេះ

នគរបាលប្រឆាំងកុបកម្ម បានដណ្ដើមគ្រប់គ្រង រដ្ឋសភា​ហុងកុង បានមកវិញ ក្នុងយប់ថ្ងៃចន្ទ ចូលមកថ្ងៃអង្គារនេះ បន្ទាប់ពីស្ថាប័ននីតិបញត្តិមួយនេះ បានធ្លាក់ក្រោមការកាន់កាប់ របស់ក្រុមបាតុករអស់រយៈពេល ជាច្រើនម៉ោងរួច។ រូបភាពតាមកញ្ចក់ទូរទស្សន៍ បានឲ្យឃើញថា ក្រុមកងកម្លាំងអាជ្ញាធរ ...
ដំណឹង

ចិន​ឆេះដុំ​ដាក់​អាមេរិក ក្នុង​ការលក់​យន្ដហោះ​«F-16»​៦៦គ្រឿង​ឲ្យ​តៃវ៉ាន់

សហរដ្ឋអាមេរិកបានប្រកាស កាលពីថ្ងៃអង្គារម្សិលម៉ិញ ថាខ្លួនបានយល់ព្រមលក់យន្ដហោះប្រដេញ ប្រភេទ «F-16» ចំនួន៦៦គ្រឿង ដែលមានតម្លៃសរុប ប្រមាណជា៨ពាន់លានដុល្លារ ឲ្យទៅកោះតៃវ៉ាន់។ ច្បាស់ណាស់ហើយថា ការសម្រេចចិត្តនេះ បានបង្កការឆេះដុំ ដល់ក្រុងប៉េកាំង ...

យល់ស៊ីជម្រៅផ្នែក កំសាន្ដ

កំសាន្ដ

ខឹម វាសនា ថា«ស្រីចរិតថោក»​ស្លៀកពាក់ប្រពៃណី​«ដេញប្រុស»

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កីឡាការិនីអេស្ប៉ាញមួយរូប ត្រូវបានប្រធានសហព័ន្ធបាល់ទាត់ នៃប្រទេសអេស្ប៉ាញចាប់«ថើបមាត់» បន្ទាប់ពីក្រុមជម្រើសជាតិផ្នែកស្ត្រី របស់ប្រទេសនេះ បានប្រកួតឈ្នះក្រុមអង់គ្លេស នៅក្នុងការប្រកួតវគ្គផ្ដាច់ព្រ័ត្រ កាលពីយប់ថ្ងៃអាទិត្យ ទី២០ ខែសីហា ក្នុងកីឡដ្ឋាន«Australia stadium» នៃក្រុងស៊ីដនី ...
កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...

Comments are closed.