កំសាន្ដវីដេអូ ពីនេះពីនោះ

នេះ ជា​«ឡានហោះ​តូច​ជាងគេ»​ក្នុង​ពិភពលោក

ពីក្នុងចំណោមឡានហោះ ដែលទើបត្រូវបានបង្កើតឡើង ប្រមាណជាង១០ប្រភេទ ក្នុងរយៈពេលប៉ុន្មានខែចុងក្រោយ ខាងក្រោមនេះជាប្រភេទ«ឡានហោះ​តូច​ជាងគេ» ដែលឆ្នៃម៉ូដ និងបង្កើតឡើង ដោយជនជាតិហ្វីលីពីនមួយរូប។

លោក «Kyxz Mendiola» ដែលជាអ្នកជំនាញ ខាងថតវីដេអូ និងភាពយន្ដ ដោយការបង្ហោះដ្រូន (Drone) តាំងពី១០ឆ្នាំ ទើបនឹងសម្រេចបាននូវការឆ្នៃម៉ូដ ស្ដីពី​«ឡានហោះ»​លើកដំបូង​របស់លោក។

អ្វីដែលពិសេសនោះ គឺ«ឡានហោះ»​របស់លោក មានរូបរាងតូចជាង «ឡានហោះ» ដទៃទៀត ដែលបច្ចុប្បន្ន មានប្រមាណជាង ១០ប្រភេទ និងដែលកំពុង​ត្រូវបាន​ក្រុមហ៊ុនធំៗ (ដូចជាក្រុមហ៊ុន ប៊ូអីង – អ៊ែរប៊ូស និងក្រុមហ៊ុន យូប៊ើរ ជាដើម) និងអ្នកជំនាញផ្សេងទៀត បង្កើតឡើង។

«ឡានហោះ​តូច​ជាងគេ តែហោះបានក្នុងល្បឿន…»

ជនជាតិហ្វីលីពីនរូបនេះ ក៏បានសម្រេចការសាកល្បង «រថយន្ដពិសេសថ្មី»មួយនេះ ដោយរូបលោកផ្ទាល់ ជាអ្នកបើកបរបង្ហោះវាឡើង ដោយខ្លួនឯង។ បើមើលតាមវីដេអូ (ខាងក្រោម) ដែលលោក «Kyxz Mendiola» បង្ហោះនៅលើគេហទំព័រយូរធូប «ឡានហោះ» ឈ្មោះ «Koncepto Millenya» ទំនងជាអាចដំណើរការបាន។

ឡានហោះ «Koncepto Millenya» អាចហោះឡើងបាន ដោយសារកង្ហារដ៏ខ្លាំងរបស់វា ចំនួន១៦ និងកំព្យូទ័របញ្ជា នៅក្នុងរថយន្ដនេះតែម្ដង។ ក្នុងពេលនេះ វាអាចទទួលបានមនុស្សជិះត្រឹមតែម្នាក់ប៉ុណ្ណោះ (ទំងន់ទទួលបាន រហូតដល់ ១០០គីឡូក្រាម) និងហោះបានក្នុងល្បឿនលឿនបំផុត ៦០គីឡូម៉ែត្រ/ម៉ោង។

លោក «Kyxz Mendiola» កំពុងបង្កើត «Koncepto Millenya» មួយប្រភេទទៀត ដែលអាចទទួលមនុស្សជិះ២នាក់ (ទំងន់ទទួលបាន រហូតដល់ ២០០គីឡូក្រាម)។ មកដល់​ម៉ោងនេះ គ្មានការបញ្ជាទិញ​ណាមួយ ត្រូវបានបង្ហាញ​តួលេខ​នៅឡើយ បើទោះជា លោកមានកិច្ចសហការ ជាមួយសហគ្រាស «Star8 green» រួចហើយក្ដី។

ប៉ុន្តែការវិវត្តន៍ដ៏លឿន ក្នុងវិស័យឡានហោះនេះ គេជឿថា​មិនយូរឡើយ ពិភពលោកទាំងមូល នឹងមានមហាវិថី​ល្បឿនលឿន នៅលើអាកាស ហើយមានពោរពេញ ដោយ​«ឡានហោះ»​ចម្រុះ ដូចដែល​រថយន្ដ​ច្រើនបែបច្រើនយ៉ាង កំពុងមាន​វត្តមាន នៅលើ​ផ្លូវថ្នល់សព្វថ្ងៃដែរ។៕



លំអិតបន្ថែមទៀត

ដំណឹង

យន្ដហោះ​ក្រុមហ៊ុនចិន​មួយ​ធ្លាក់បោកខ្លួន ជាមួយ​អ្នកដំណើរ​១៣២នាក់

យន្ដហោះមួយគ្រឿង របស់ក្រុមហ៊ុនអាកាសចរណ៍ចិន «China Eastern Airlines» បានធ្លាក់បោកខ្លួន ជាមួយ​អ្នកដំណើរ​១៣២នាក់ នៅក្នុងតំបន់មួយ ស្ថិតក្នុងភាគខាងត្បូងនៃប្រទេសចិន។ ក្នុងពេលភ្លាមៗ មិនទានមានតុល្យភាពជាផ្លូវការ បង្ហាញឲ្យដឹងអំពីចំនួនជនរងគ្រោះ ឬយ៉ាងណាទេ។ ...
ដំណឹង

MH17៖ ប្រទេសម៉ាឡេស៊ី ទាមទារ​រក​យុត្តិធម៌

ប្រទេសម៉ាឡេស៊ី បានទាមទាររកយុត្តិធម៌ នៅថ្ងៃពុធម្សិលម៉ិញ តាមរយៈចំណាត់ការ​​ដ៏ម៉ឺងម៉ាត់​មួយ ទៅកាន់​តុលាការ​អន្តរជាតិ ដើម្បី​វិន្និច្ឆ័យ​ទោស​អ្នកទទួលខុសត្រូវ ក្នុងការធ្លាក់យន្ដហោះប៊ូអីង ដែលមានជើង​ហោះ​ហើរ​លេខ «MH17» ក្នុង​ប្រទេស​អ៊ុយក្រែន កាល​ពី​ខែ​កក្កដា ឆ្នាំ២០១៤កន្លងទៅ។ ការទាមទារនេះ ...
ដំណឹង

យន្ដហោះ​«Boeing 737 MAX»​មួយ​ទៀត​ចុះចត​បន្ទាន់​ នៅ​អ័រឡេនដូ

យន្ដហោះប៊ូអីង (Boeing) ប្រភេទ «737 MAX» មួយគ្រឿង របស់ក្រុមហ៊ុនអាកាសចរណ៍ «Southwest» ដែលត្រូវហោះ ឆ្ពោះទៅកាន់រដ្ឋកាលីហ្វ័នី (ភាគខាងលិចអាមេរិក) ថ្ងៃអង្គារនេះ បានជួបបញ្ហា ...

យល់ស៊ីជម្រៅផ្នែក កំសាន្ដ

កំសាន្ដ

ខឹម វាសនា ថា«ស្រីចរិតថោក»​ស្លៀកពាក់ប្រពៃណី​«ដេញប្រុស»

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កីឡាការិនីអេស្ប៉ាញមួយរូប ត្រូវបានប្រធានសហព័ន្ធបាល់ទាត់ នៃប្រទេសអេស្ប៉ាញចាប់«ថើបមាត់» បន្ទាប់ពីក្រុមជម្រើសជាតិផ្នែកស្ត្រី របស់ប្រទេសនេះ បានប្រកួតឈ្នះក្រុមអង់គ្លេស នៅក្នុងការប្រកួតវគ្គផ្ដាច់ព្រ័ត្រ កាលពីយប់ថ្ងៃអាទិត្យ ទី២០ ខែសីហា ក្នុងកីឡដ្ឋាន«Australia stadium» នៃក្រុងស៊ីដនី ...
កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...

Comments are closed.