នៅសប្ដាហ៍ខាងមុខ ភ្នាក់ងារអ៊ឺរ៉ុបទទួលបន្ទុកសន្តិសុខ នៃការហោះហើរ ហៅកាត់ថា «EASA» នឹងអនុញ្ញាត​ឲ្យយន្ដហោះ «Boeing 737 MAX» ហោះហើរ​ជាថ្មី នៅក្នុងលំហរមេឃ នៃសហភាពអ៊ឺរ៉ុប បន្ទាប់ពីយន្ដហោះប្រភេទនេះ ត្រូវបានកែលំអររួចរាល់។ នេះ បើតាមការអះអាង របស់លោក «Patrick Ky» នាយកស្ថាប័នខាងលើ។

យន្ដហោះខាងលើ ត្រូវបានហាមឃាត់មិនឲ្យហោះ ងើបខ្លួនពីដី ចាប់ពីខែមីនា ឆ្នាំ២០១៩រហូតមក ក្រោយពី​ប្រព័ន្ធបញ្ជា​ការបើកបរ «MCAS» របស់យន្ដហោះ ត្រូវបានរកឃើញ ថាជាមូលហេតុ ដែលធ្វើឲ្យមាន​គ្រោះថ្នាក់​​ធ្លាក់យន្ដហោះ​ជាបន្តបន្ទាប់ និងស្លាប់មនុស្ស​ច្រើនរយនាក់។

គ្រោះថ្នាក់ដំបូង គឺនៅក្នុងខែតុលា ឆ្នាំ២០១៨ យន្ដហោះ«Boeing 737 MAX» ដែលភ្ជាប់ជើង​ហោះហើរលេខ «610» របស់ក្រុមហ៊ុន​​«Lion Air» នៃប្រទេស​ឥណ្ឌូនេស៊ី បានធ្លាក់បោកខ្លួន ​ក្នុងសមុទ្រជ្វា បណ្ដាលឲ្យមនុស្ស នៅក្នុងយន្ដហោះ ទាំង១៨៩នាក់ ស្លាប់ទាំងអស់។

គ្រោះថ្នាក់បន្ទាប់មក គឺនៅក្នុងខែមីនា ឆ្នាំ២០១៩ យន្ដហោះ​«Boeing 737 MAX» ដែលភ្ជាប់ជើងហោះហើរលេខ​ «302» របស់ក្រុមហ៊ុន ​«Ethiopian Airlines» នៃប្រទេសអេត្យូពីរ បានធ្លាក់​នៅក្បែរ​ព្រលានយន្ដហោះ នៃរដ្ឋធានី ​«Bole Medhanealem» បង្កឲ្យមនុស្ស​​នៅក្នុងយន្ដហោះ ទាំង១៥៧នាក់ ស្លាប់ទាំងអស់។

ថ្លែងនៅក្នុងសន្និសីទសារព័ត៌មាន ជាមួយសមាគមសារព័ត៌មានអាកាសចរណ៍ របស់ប្រទេសអាល្លឺម៉ង លោក «Patrick Ky» បានឲ្យដឹងថា៖

«យើងគ្រោងនឹងចេញផ្សាយ សេចក្ដីសម្រេចឲ្យហោះហើរ នៅសប្ដាហ៍ខាងមុខ។ តាមការយល់ឃើញរបស់យើង យន្ដហោះ “Boeing 737 MAX” នឹងអាច ហោះហើរ​ជាថ្មី ចាប់ពីសប្ដាហ៍ក្រោយនេះ។»

លោក «Ky» បានបន្តអះអាងថា ស្ថាប័នរបស់លោកទទួលបាន នូវការបំពេញលក្ខខណ្ឌទាំងបួន ដែលត្រូវបានទាមទារ ក្នុងពេលកន្លងមក ជុំវិញការផ្លាស់ប្ដូរ និងការកែលំអ ទៅលើប្រព័ន្ធបញ្ជាការបើកបរ របស់យន្ដហោះ។

កាលពីខែវិច្ឆិកា​ ឆ្នាំកន្លងទៅ ភ្នាក់ងារអាកាសចរណ៍ស៊ីវិល របស់សហរដ្ឋអាមេរិក ហៅកាត់ថា «FAA» បានផ្ដល់ភ្លើងខៀវរួចហើយ ដើម្បីឲ្យ​យន្ដហោះខាងលើ បានហោះហើរឡើងវិញ។ បន្ទាប់មក អាជ្ញាធរអាកាសចរណ៍ របស់ប្រទេសប្រេស៊ីល ក៏បានចេញ​ការអនុញ្ញាតដូចគ្នា។ កាលពីដើមសប្ដាហ៍នេះ ប្រទេសកាណាដា​បានប្រកាសដែរថា យន្ដហោះ «Boeing 737 MAX» នឹងអាច​ហោះហើរជាថ្មី ចាប់ពីថ្ងៃពុធ ទី២០ ខែមករានេះតទៅ៕



You may also like

ដំណឹង

MH17 ៖ ជនសង្ស័យ​៤នាក់ ក្នុងនោះ​រ៉ុស្ស៊ី​៣នាក់ នឹងត្រូវ​នាំមក​កាត់ទោស

ហេតុការណ៍បានកន្លងទៅ ៥ឆ្នាំហើយ ដែលយន្ដហោះដឹកអ្នកដំណើរ ដែលមានជើង​ហោះហើរ​លេខ «MH17» របស់ក្រុមហ៊ុនអាកាសចរណ៍ ម៉ាឡេស៊ីអ៊ែរឡាញ ត្រូវបានបាញ់កម្ទេច ដោយកាំជ្រួចផលិតនៅរ៉ុស្ស៊ី នៅខណៈពេលយន្ដហោះនេះ បានហោះរំលង ពីលើតំបន់ប្រទាញប្រទង់គ្នា ភាគខាងកើតនៃប្រទេសអ៊ុយក្រែន។ ...
ដំណឹង

យន្ដហោះ​ចុះចត​ខុសផ្លូវ ហើយ​ធ្លាក់ចូល​ទន្លេ នៅ​ផ្លរីដា

ការភ័យតក់ស្លុត បានកើតឡើងនៅភាគអាគ្នេយ៍ នៃសហរដ្ឋអាមេរិក៖ យន្ដហោះប្រភេទ ប៊ូអីង (Boeing 737) មួយគ្រឿងបានបញ្ចប់ការហោះហើររបស់ខ្លួន នៅក្នុងទឹកទន្លេ ដែលនៅក្បែរព្រលានយន្ដហោះយោធា «Jacksonville» ក្នុងរដ្ឋ​ផ្លរីដា ។ ...
ដំណឹង

រុស្ស៊ី៖ ឧទ្ធម្ភាគចក្រ​យោធា​មួយ​គ្រឿង​ធ្លាក់បោកខ្លួន ស្លាប់​ទាំងអស់

ឧទ្ធម្ភាគចក្រមួយគ្រឿង របស់យោធារុស្ស៊ី បានធ្លាក់បោកខ្លួន នៅក្បែររដ្ឋធានីមូស្គូ បង្កឲ្យមនុស្សជិះ​នៅក្នុងនោះ ស្លាប់​ទាំងអស់ តែមិនដឹងថា មានចំនួនប៉ុន្មាននាក់ នោះទេ។ ឧទ្ធម្ភាគចក្រនោះ ជាប្រភេទ «Mi-8» របស់កងទ័ពរុស្ស៊ី។ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...