ដំណឹងពិភពលោក

យន្ដហោះ​«Boeing 737 MAX»​មួយ​ទៀត​ចុះចត​បន្ទាន់​ នៅ​អ័រឡេនដូ

យន្ដហោះប៊ូអីង (Boeing) ប្រភេទ «737 MAX» មួយគ្រឿង របស់ក្រុមហ៊ុនអាកាសចរណ៍ «Southwest» ដែលត្រូវហោះ ឆ្ពោះទៅកាន់រដ្ឋកាលីហ្វ័នី (ភាគខាងលិចអាមេរិក) ថ្ងៃអង្គារនេះ បានជួបបញ្ហា ផ្នែកម៉ាស៊ីនប្រតិកម្មរបស់ខ្លួន ដែលត្រូវបង្ខំចិត្តចុះចតជាបន្ទាន់ នៅក្រុងអ័រឡេនដូ ក្នុងរដ្ឋផ្លរីដា (ភាគអាគ្នេយ៍អាមេរិក)។

ទីភ្នាក់ងារសហព័ន្ធ ផ្នែកអាកាសចរណ៍ស៊ីវិល របស់សហរដ្ឋអាមេរិក ដែលហៅកាត់ថា «FAA» បានប្រកាសឲ្យដឹងពីដំណឹងនេះ តាមរយៈសេចក្ដីប្រកាសព័ត៌មាន ដែលចេញផ្សាយភ្លាមៗ នៅក្រោយហេតុការណ៍។ ទីភ្នាក់ងារបានឲ្យដឹងថា៖

«យន្ដហោះបានហោះវិលត្រឡប់ក្រោយវិញ និងបានចុះចតដោយគ្មានបញ្ហាអ្វីធំដុំ នៅព្រលានយន្ដហោះ ក្រុងអ័រឡេនដូ។»

យន្ដហោះមួយគ្រឿងនេះ មិនមានផ្ទុកអ្នកដំណើរទេ ប៉ុន្តែយន្ដហោះត្រូវហោះ ទៅសំចតទុក ដើម្បីត្រួតពិនិត្យផ្នែកបច្ចេកទេស នៅក្នុងក្រុង «Victorville» នៃរដ្ឋកាលីហ្វ័រនី។

ទីភ្នាក់ងារ «FAA» បានផ្អិបយន្ដហោះប្រភេទ «737 MAX» ចំនួន១៣គ្រឿងរួចហើយ ដោយហាមយន្ដហោះប្រភេទនេះ មិនឲ្យហោះងើបខ្លួនពីដីឡើយ បន្ទាប់ពីគ្រោះថ្នាក់ពីរដង បានកើតឡើង តែក្នុងរវាងប៉ុន្មានខែ។

ប៉ុន្តែទីភ្នាក់ងាររដ្ឋអាមេរិក បានអនុញ្ញាតឲ្យយន្ដហោះ ដែល«ជាប់ចោទ»នោះ អាចហោះដោយគ្មានផ្ទុកមនុស្ស ចេញពីព្រលានយន្ដហោះមួយ ទៅកាន់ព្រលានយន្ដហោះមួយទៀត សម្រាប់ទុកសំចត។

ហេតុការណ៍ខាងលើ ត្រូវបានទីភ្នាក់ងារមួយនេះ ប្រកាសបើកការស៊ើបអង្កេតមួយឡើង ដើម្បីស្វែងយល់ពីមូលហេតុ។

រីឯក្រុមហ៊ុន «Southwest» វិញ បានបញ្ជាក់ថា យន្ដហោះបានជួបបញ្ហា នៅត្រង់ម៉ាស៊ីនប្រតិកម្ម បន្ទាប់ពីហោះងើបខ្លួនបានបន្តិច។ អ្នកនាំពាក្យក្រុមហ៊ុនបានបញ្ជាក់ថា ក្រុមអ្នកបើកបរ​យន្ដហោះ បានអនុវត្តន៍តាមវិធានសុវត្ថិភាព ដោយបង្ហោះយន្ដហោះ ឲ្យត្រឡប់មកចុះចត់នៅព្រលានយន្ដហោះដើមវិញ នៅមុនម៉ោង១៥បន្តិច៕



លំអិតបន្ថែមទៀត

កីឡា និងបច្ចេកវិទ្យា

សាកសព​ដែលស្រង់បាន​ពីសមុទ្រ ពិតជា​«រូបរាងសេសសល់»​របស់ សាឡា

អាជ្ញាធរអង់គ្លេសត្រូវការរយៈពេលរហូតដល់៣៦ម៉ោង ដើម្បីបញ្ជាក់ថា សាកសពដែលត្រូវបានស្រង់ចេញ​ពីក្នុងសមុទ្រ កាលពីព្រឹកថ្ងៃពុធ គឺពិតជា«រូបរាងសេសសល់» របស់កីឡាករ អេមីលីយ៉ាណូ សាឡា (Emiliano Sala) ខ្សែប្រយុទ្ធដែលបានចាកចេញពីក្រុម ណង់ (Fc ...
កំសាន្ដ

នៅកាណាដា យន្ដហោះតូចមួយ បាន​ចុះចតជាបន្ទាន់… លើផ្លូវរថយន្ដ

បណ្ដាជនដែលបានឃើញហេតុការណ៍ នៅបន្តការហួសចិត្ត នៅឡើយ។ អ្នកបើកយន្ដហោះតូចមួយគ្រឿង ត្រូវបានបង្ខំចិត្តចុះចតជាបន្ទាន់… លើផ្លូវរថយន្ដ ដែលកំពុងមានចរាចរណ៍ យ៉ាងពេញទំហឹង នៅក្នុងតំបន់មួយ ស្ថិតនៅជាយក្រុង កេប៊េច (Québec) នៃប្រទេសកាណាដា ...
ដំណឹង

មានសាកសពមួយ ក្នុង​យន្ដហោះ​ដឹក​កីឡាករ សាឡា ដែលធ្លាក់​ក្នុងសមុទ្រ

មានសាកសពមួយ ត្រូវបានគេរកឃើញ នៅក្នុងយន្ដហោះ ដែលដឹកកីឡាករ អេមីលីយ៉ាណូ សាឡា (Emiliano Sala) និងអ្នកបើកយន្ដហោះ ដេវីដ អាយបូតសុន (David Ibbotson)។ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.