«ម្ឈូសបុរាណ​ធ្វើពី​សំណ»មួយ ដែលមានវ័យចំណាស់ ទំនងតាំងពីសតវត្សទី១៤ ត្រូវបានកាយរកឃើញ នៅក្រោមព្រះវិហារ«Notre-Dame» នៃរដ្ឋធានីប៉ារីស ប្រទេសបារាំង។ នៅក្នុងរណ្ដៅកំណាយ នៅកណ្ដាលព្រះវិហារ ក្រុមអ្នកបុរាណវិទូនៅបាន​រកឃើញ​វត្ថុបុរាណ ជាច្រើនផ្សេងទៀត ដែលមានទម្រង់ជាសំណល់សាកសព តែអ្វីដែលគួរឲ្យកត់សម្គាល់ជាងគេ គឺ«ម្ឈូសបុរាណ​ធ្វើពី​សំណ»នេះតែម្ដង។

កំណាយរបស់ក្រុមអ្នកបុរាណវិទូ គឺជាផ្នែកមួយ នៃការជួសជុលឡើងវិញ នូវព្រះវិហារដ៏ល្បីមួយនេះ ដែលត្រូវបានអគ្គិភ័យលេបត្របាក់អស់មួយភាគ កាលពីខែមេសា ឆ្នាំ២០១៩។

សម្រាប់ក្រសួងវប្បធម៌បារាំង បានឲ្យដឹងថា ការកាយរកឃើញនូវវត្ថុបុរាណទាំងនេះ គឺ«គុណតម្លៃមានលក្ខណៈវិទ្យាសាស្ត្រ ដ៏គួរឲ្យកត់សម្គាល់»។ ជាពិសេស គឺការរកឃើញនូវម្ឈូសបុរាណធ្វើពីសំណ ដោយរក្សាបាននូវរូបរាងដើមទាំងស្រុង របស់វា។ ក្រសួងបញ្ជាក់ទៀតថា ម្ឈូសបុរាណមួយនេះ ទំនងជាបានខ្ចប់សពឥស្សរជនជាន់ខ្ពស់ណាម្នាក់ តាំងពីសតវត្សទី១៤។

ក្នុងថ្ងៃអង្គារទី១៥ ខែមីនា ឆ្នាំ២០២២នេះ អ្នកស្រី«Roselyne Bachelot» រដ្ឋមន្ត្រីក្រសួងវប្បធម៌ ដែលបានចុះទៅមើលផ្ទាល់ ដល់រណ្ដៅកំណាយបានលើកឡើង អំពី«វិញ្ញាសារផ្នែកបច្ចេកវិទ្យាដ៏អស្ចារ្យ» ដែលក្រុមអ្នកធ្វើកំណាយ បានរកឃើញបុរាណវត្ថុទាំងនេះ៕



លំអិតបន្ថែមទៀត

ដំណឹង

ទិដ្ឋភាព​ខ្ទេចខ្ទាំ​នៃ​ការផ្ទុះ​ចេញពី​​ហាង​នំប៉័ង​ម្សិលម៉ិញ នៅប៉ារីស

ជារូបភាពដ៏រន្ធត់ ប្រៀបបាននឹងសមរភូមិ ដ៏ក្ដៅមួយ ដែលទើបឆ្លងកាត់ការប្រយុទ្ធរួច។ រូបភាពនេះ ថតដោយអ្នកសារព័ត៌មានអ៊ីតាលីមួយរូប ឈ្មោះ «Valerio Orsolini» ដែលមានវត្តមាន នៅក្នុងសណ្ឋាគារ ទល់មុខហាងលក់នំប៉័ង ដែលរងការផ្ទុះដ៏ខ្លាំងមួយ ...
ដំណឹង

ផ្ទុះ​ការប៉ះទង្គិច​ ក្នុង​រលក​ទី៨នៃ​បាតុកម្ម​អាវកាក់​លឿង នៅ​ប៉ារីស

ការប៉ះទង្គិចគ្នាជាថ្មី រវាងកងកម្លាំងអាជ្ញាធរ និងក្រុមបាតុករ អាវកាក់លឿង បានកើតមានឡើង នារសៀលថ្ងៃសៅរ៍ ទី៥ ខែមករា ឆ្នាំ២០១៩នេះ ក្នុងរដ្ឋធានីប៉ារីស ប្រទេសបារាំង។ នៅជាច្រើនក្រុងធំៗ នៃប្រទេសបារាំង ...
លោក អេម៉ានុយអែល ម៉ាក្រុង ប្រធានាធិបតីបារាំង នៅក្នុងវិមានប្រធានាធិបតី។ (រូបថតលើទ្វីសធើរ)
ដំណឹង

Covid-19៖ បារាំងប្រកាស​ដាក់តំបន់​មួយចំនួន ក្នុង​ភាពអាសន្នវិញ

ចាប់ពីថ្ងៃសៅរ៍ខាងមុខនេះ រហូតដល់យ៉ាងតិច ៤សប្ដាហ៍ខាងមុខ តំបន់មួយចំនួន នៃប្រទេសបារាំង ត្រូវបានដាក់ ក្នុង​ភាពអាសន្នវិញ ដោយបិទការធ្វើដំណើរ រវាងពីម៉ោង​៩យប់ រហូតដល់ម៉ោង៦ភ្លឺ។ ប្រធានាធិបតីបារាំង លោក អេម៉ានុយអែល ...

យល់ស៊ីជម្រៅផ្នែក គំនូរ ចម្លាក់

គំនូរ ចម្លាក់

«អាថ៌កំបាំង» នៃប្រអប់ពីរ៉ាមីដ របស់​សារមន្ទីរ​លូវ្រ៍ រដ្ឋធានី​ប៉ារីស

Comments are closed.