វប្បធម៌ និងជីវិតស្នេហា

វិធី​ធ្វើ​ឱ្យ​មិត្ត​ស្រី​ខ្លួន​មាន​អារម្មណ៍​ថា នាង​ជា​មនុស្ស​ពិសេស

មនុស្សពីរនាក់ស្រលាញ់គ្នា និងអាចបន្តទំនាក់ទំនងជាមួយគ្នាបានដោយរលូន មិនមែនត្រឹមតែការមានចិត្តស្មោះត្រង់ចំពោះគ្នាប៉ុណ្ណឹងទេ តែការធ្វើឱ្យដៃគូទទួលបាននូវភាពកក់ក្តៅ ផ្អែមល្ហែម គឺរឿងមួយដែលមនុស្សស្រីគ្រប់គ្នាតែងចង់បានពីមនុស្សដែលខ្លួនស្រលាញ់។

ជាការពិតណាស់ នារីគ្រប់រូបចង់មានអារម្មណ៍ថានាងជាទ្រព្យសម្បត្តិដ៏មានតម្លៃនិងពិសេសសម្រាប់បុរសជាទីស្រលាញ់របស់នាង។ តើអ្នកនឹងបង្ហាញនាងយ៉ាងដូចម្តេចថានាងពិតជាពិសេសចំពោះអ្នក? គ្មានអ្វីគួរអោយចាប់អារម្មណ៍ចំពោះនារីម្នាក់ ជាងបុរសម្នាក់ដែលចាត់ទុកនាងជាព្រះនាងម្ចាស់នោះទេ។

ខាងក្រោមនេះ គឺជាចំណុចមួយចំនួន ដែលអ្នកអាចអនុវត្តជាមួយមិត្តស្រីរបស់អ្នកដើម្បីឱ្យនាងយល់ថានាងជាមនុស្សពិសេសសម្រាប់អ្នក។

១. សរសើរនាង

  • ជាការពិតណាស់ មនុស្សស្រីទាំងអស់ចូលចិត្តពាក្យសរសើរ។ ដូច្នេះ អ្នកមិនត្រូវភ្លេចសរសើរនាងនោះទេ គឺសរសើរនាងឱ្យត្រូវនឹងចំណុចល្អៗ ឬគុណសម្បត្តិដែលនាងមាន ដែលមិនមែនជាការបញ្ជោរ។ សរសើរទាំងរូបរាងខាងក្រៅ និងអត្តចរិតខាងក្នុងរបស់នាង។ ចួនកាលអ្នកអាចសរសើរពីម៉ូតសក់របស់នាង ពីរបៀបដែលនាងស្លៀកពាក់ ឬក៏ស្នាមញញឹមរបស់នាងផងដែរ។

២. បង្ហាញឱ្យនាងដឹងថាអ្នកខ្វល់ពីនាងខ្លាំង

  • ចំណាយពេលជាមួយនាងឱ្យបានច្រើន ទោះបីជាអ្នករវល់យ៉ាងណាក៏ត្រូវតែឆ្លៀត ដូចជាមើលកុន ហែលទឹក ញ៉ាំអាហារ។
  • បង្ហាញឱ្យនាងដឹងថា អ្នកចូលរួមចំណែកក្នុងសកម្មភាពដែលនាងចូលចិត្ត។
  • ប្រសិនបើនាងចង់ទៅដើរផ្សារទំនើប សួរនាងផង ប្រសិនបើនាងចង់ឱ្យអ្នកទៅជាមួយ ឬជួយមើលថាតើអ្វីដែលសមនឹងនាង។
  • ប្រាប់នាងឱ្យដឹងពីអារម្មណ៍របស់នាង ដូចជា “បងនឹកអូន” “បងស្រលាញ់អូន”។
  • ផ្ញើសារ និងទូរសព្ទទៅនាងជាប្រចាំ។ នេះបង្ហាញថា នាងតែងតែនៅក្នុងចិត្តរបស់អ្នក។
  • រំឭកនាងជារឿយៗ ឱ្យថែសុខភាព និងបង្ហាញថាអ្នកពិតជាបារម្ភពីនាង។
  • ប្រាប់នាងឱ្យដឹង នូវកន្លែងដែលអ្នកត្រូវទៅ ឬពេលអ្នកទៅដល់ផ្ទះ។
  • លើកទឹកចិត្ត និងផ្តល់កម្លាំងចិត្តដល់នាង ប្រសិនបើនាងកំពុងបាក់ទឹកចិត្ត ឬបរាជ័យចំពោះអ្វីមួយ។

៣. បង្ហាញឱ្យអ្នកផ្សេងដឹងថា អ្នកមានមោទនភាពប៉ុនណា ដែលបាននាងជាដៃគូ

  • កុំគ្រាន់តែស្រលាញ់គ្នាជាស្ងាត់ៗ បង្ហាញឱ្យអ្នកផ្សេងទៀតដឹងអំពីអារម្មណ៍ដែលអ្នកមានចំពោះនាង។
  • ឈ្លីម្រាមដៃឱ្យនាងជាការម៉ាស្សា។
  • កាន់ដៃនាងនៅទីសាធារណៈ។
  • សម្រាប់ថ្ងៃខួបកំណើតរបស់នាង ឬខួបនៃក្តីស្រលាញ់របស់អ្នកទាំងពីរ ធ្វើអ្វីពិសេសឱ្យនាងជាសាធារណ។
  • មានសកម្មភាពរ៉ូមែនទិចជាមួយនាងៈ ផ្តល់ភាពភ្ញាក់ផ្អើលដល់នាង ឬទិញរបស់ជូននាង ទោះមិនមែនក្នុងថ្ងៃពិសេសក៏ដោយ។
  • ធ្វើរឿងងាយៗសម្រាប់នាង ដូចជាច្រៀងឱ្យនាងស្តាប់ បើទោះជាអ្នកយល់ថាសំឡេងអ្នកពិបាកស្តាប់ក៏ដោយ។ វានឹងកាន់តែពិសេសបើអ្នកមានបទចម្រៀងដែលជារបស់អ្នក។
  • ថតរូបជាមួយនាងឱ្យបានច្រើន។ វាបង្កើតនូវការចងចាំដ៏ល្អរវាងអ្នក ជាមួយនាង។

៤. ស្រលាញ់នាងជាខ្លួននាង និងទទួលយកអ្វីដែលជាជំនឿរបស់នាង

  • កុំព្យាយាមផ្លាស់ប្តូរភាពជាខ្លួនរបស់នាង ព្រោះអ្វីដែលនាងកំពុងមាន គឺជាអ្វីដែលនាងពេញចិត្ត។ ឧទាហរណ៍ៈ ម៉ូតស្បែកជើងដែលនាងចូលចិត្តពាក់ ម៉ូតខោអាវ ពណ៌ក្រែម ម៉ូតសក់ ឬសូម្បីតែចំណូលចិត្តមួយចំនួន។
  • អធ្យាស្រ័យឱ្យនាង ប្រសិនបើនាងបានបង្កើតនូវកំហុស ព្រោះគ្មានអ្នកណាចង់ធ្វើខុសនោះទេ តែការអត់ឱននាង គឺស្មើនឹងការបង្ហាញឱ្យនាងដឹងថា ប្រសិនបើពេលអ្នកធ្វើខុស អ្នកក៏ចង់ទទួលបាននូវការអធ្យាស្រ័យពីនាងដូចគ្នា។
  • គោរពនាងៈ កុំប្រើពាក្យសម្តីដែលធ្វើឱ្យនាងបាក់ទឹកចិត្ត។ កុំរារាំងនាង មិនឱ្យធ្វើអ្វីដែលនាងគិតថាជារឿងត្រឹមត្រូវ។
  • ប្រព្រឹត្តចំពោះនាងឱ្យសមជាសុភាពបុរស។ ទន់ភ្លន់ និងផ្អែមល្ហែមចំពោះនាង។ ចៀសវាងការបញ្ចេញអាកប្បកិរិយាឆេវឆាវ ឬស្តីបន្ទោសនាង។
  • គោរពពេលវេលារបស់នាង ការខំប្រឹងប្រែងរបស់នាង នោះអ្នកនឹងទទួលបាននូវទំនុកចិត្តពីនាងដូចគ្នា។
  • មានទំនាក់ទំនងល្អជាមួយគ្រួសារនាង ព្រោះគ្រួសារគឺជាមនុស្សសំខាន់បំផុត និងជាចំណែកនៃសុភមង្គលដ៏ធំក្នុងជីវិតនាង។
  • ចុះសម្រុងជាមួយមិត្តភក្តិរបស់នាង បើសិនជាអ្នកមិនចូលចិត្តពួកគេក៏ដោយ។ មិត្តភក្តិក៏ជាចំណែកសំខាន់មួយនៃជីវិតរបស់នាងផងដែរ ហើយនាងក៏ចង់ឱ្យពួកគេចុះសម្រុងជាមួយអ្នកដូចគ្នា។
  • ឱ្យតម្លៃលើជំនឿរបស់នាង បើទោះជាពេលខ្លះអ្នកទាំងពីរអាចមានជំនឿខុសគ្នា តែអ្នកក៏អាចរៀនបើកចិត្តទទួលស្វែងយល់ពីគ្នាទៅវិញទៅមកដោយមិនមានការរើសអើង៕


You may also like

រូបថតជំនួស៖ អំណោយបេះដូង សម្រាប់គូស្នេហ៍ប្រចាំជីវិត។ (រូបថត Rawpixel/Unsplash)
របាយការណ៍

ប្រវត្តិ​បុណ្យ ស៊ាំងវ៉ាឡង់តាំង ឬ​ទិវានៃ​ក្ដី​«ស្រឡាញ់»

ក្នុងសម័យកាលបច្ចុប្បន្ន ច្រើនគ្នាណាស់ដែលគិតថា បុណ្យ ស៊ាំងវ៉ាឡង់តាំង (Saint Valentin day) គ្រាន់តែជា​បុណ្យ​​សង្សា ឬ​បុណ្យនៃក្ដីស្រឡាញ់ ហើយអ្នកខ្លះពីក្នុងចំណោមនេះ បានឆ្លៀតឱកាសពីបុណ្យស៊ាំងវ៉ាឡង់តាំង ដើម្បី​រក​ទទួលទាន ដូច​ជាលក់ផ្កា ...
វប្បធម៌ និងជីវិត

ប្រយោគ​សំខាន់ៗ ដែល​អ្នក​ត្រូវ​រំឭក​ខ្លួនឯង​ពេល​ដែល​ស្នេហា​បែកបាក់

ពេលខូចចិត្តព្រោះរឿងស្នេហា ឬការដែលត្រូវបានគេក្បត់ ឬការបែកបាក់គ្នា ដោយហេតុផលណាមួយក៏ដោយ សុទ្ធតែធ្វើឱ្យយើងឈឺចាប់។ ពេលអារម្មណ៍ឈឺចាប់កើតឡើង គំនិតអវិជ្ជមានជាច្រើន ក៏លេចឡើងដូចគ្នា ដែលបុគ្គលចាប់ផ្តើមបន្ទោសខ្លួនឯង ឬមើលឃើញថាខ្លួនអន់ ខ្លួនមិនល្អគ្រប់គ្រាន់ ទើបគេមិនស្រលាញ់ ឬមិនអាចស្មោះ។ ...
ជីវិតប្រចាំថ្ងៃ

ចង់​សម្លាប់​ខ្លួន​ឬ? ចូរ​ស្វែង​​យល់​សិន​ព្រោះ​​មាន​​ដំណោះស្រាយ!

គំនិតចង់សម្លាប់ខ្លួន អាចកើតមានជារឿងធម្មតា សម្រាប់បុគ្គលខ្លះ ដែលតានតឹងចិត្តខ្លាំង ឬមានអារម្មណ៍ថាអស់សង្ឃឹម តែវាក៏បាត់ទៅវិញ បន្ទាប់ពីស្ថានភាពផ្លូវចិត្ត របស់គេបានធូរស្រាល ខណៈពេលដែលបុគ្គលមួយចំនួនទៀត បានរៀបចំផែនការ ឬអាចឈានទៅដល់ការធ្វើអត្តឃាត បានសម្រេច។ កន្លងមក ...

Comments are closed.

វប្បធម៌ និងជីវិត

ទូរទស្សន៍​«Téléfoot»បារាំងបិទការផ្សាយ បន្ទាប់ពី​បើកទ្វារ​៦ខែ

ផ្ទាំងសំពត់ស

ភាពយន្ដថ្មី«Godzilla VS Kong» ចេញស្បត​ឃោសនាផ្អើលយូធូប

សត្វមាឌយក្សទាំងពីរ មួយហៅថា «Godzilla» និងមួយទៀត ជាសត្វស្វាគីងកុង «King Kong» បានជួបប្រយុទ្ធគ្នា នៅក្នុង​ភាពយន្ដ​ថ្មីមួយ របស់ផលិតកម្ម «Warner Bros» នៃពិភពហូលីវូដអាមេរិក។ ...
នគរ ស្ថាបត្យកម្ម

ព្រលានបុរាណ នៃក្រុង«Vérone» ភាគខាងជើង​អ៊ីតាលី

សង្វៀនកីឡា ឬព្រលានប្រកួតកីឡា ដែលមានវ័យ​ដ៏ចំណាស់មួយនេះ ស្ថិតនៅកណ្ដាលក្រុង​«Vérone» នៃខេត្ត«Vénétie» (ប្រទេសអ៊ីតាលី)។ វាត្រូវបានសង់ឡើង នៅឆ្នាំ៣០ នៃគ្រឹះសករាជ នាសម័យកាល​ចក្រភពរ៉ូម «ROME» ដ៏ខ្លាំងក្លា។ នៅពេលសាងសង់រួច ...