កីឡា និងបច្ចេកវិទ្យាបច្ចេកវិទ្យា

ហួវៃ បញ្ចេញ​កម្មវិធី​ផែនទី ដើម្បី​ប្រជែង​នឹង «Google Maps»

ក្រុមហ៊ុនយក្សខាងទូរគមនាគម របស់ប្រទេសចិន ហួវៃ (Huawei) បានដាក់បន្ថែម នូវកម្មវិធីថ្មីមួយ ដែលមានជំនាញខាងផែនទី ដើម្បីអាចប្រកួតប្រជែងបាន ទល់នឹងកម្មវិធីផែនទី «Google Maps» របស់មហាយក្ស ហ្គូហ្គ័ល (Google)។

បណ្ដាអ្នកប្រើប្រាស់ទាំងឡាយ អាចរកបានកម្មវិធីនេះ តាំងពីថ្ងៃព្រហស្បត្តិ៍ ទី២៣ ខែមេសាកន្លងមក នៅក្នុងប្រអប់​បណ្ណាល័យ​កម្មវិធីរបស់ ហួវៃ ដែលមានរួច​ជាស្រេច នៅក្នុងទូរស័ព្ទ ហួវៃ។

បើតាមទស្សនាវដ្ដីអាមេរិក «Forbes» បានឲ្យដឹងថា សហគ្រាស ហួវៃ ចង់ជំនួសកម្មវិធីផែនទីរបស់ ហ្គូហ្គ័ល ដោយកម្មវិធីមួយផ្សេង​តាំងពី​ច្រើនខែ​ហើយ។ ដំបូងឡើយ ហួវៃ ចង់ប្រើកម្មវិធីរបស់សហគ្រាស​«TomTom» ដែលជំនាញខាងផែនទីបង្ហាញផ្លូវ «GPS»។ តែនៅទីបំផុត ហួវៃ បានជ្រើសរើស​«Here WeGo» របស់សហគ្រាស​«HERE Technologies» ដែលជាអតីតសាខាមួយ​របស់ក្រុមហ៊ុនយក្ស​«Nokia»។

សារព័ត៌មានបារាំង «Frandroïd» ដែលជំនាញខាងព័ត៌មាន ជុំវិញទូរស័ព្ទដៃវៃឆ្លាត បានរៀបរាប់ថា ការស្វែងរកកម្មវិធីថ្មីៗ និងការអភិវឌ្ឍកម្មវិធីខ្លួនឯង ពីសំណាក់ ហួវៃ ធ្វើឡើងក្រោយទណ្ឌកម្ម​របស់រដ្ឋបាលលោក ដូណាល់ ត្រាំ (Donald Trumps) កាលពីច្រើនខែមុន ដែលតម្រូវឲ្យ​«Google» ត្រូវព្យួរសិទ្ធិរបស់ ហួវៃ ក្នុងការប្រើប្រាស់កម្មវិធី​ទាំងឡាយរបស់ ហ្គូហ្គ័ល។

នៅខែកញ្ញាកន្លងមក ហួវៃ បានខ្ជាក់ប្រាក់វិនិយោគ​ប្រមាណជា១កោដដុល្លារ ដើម្បីទាក់ទាញអ្នក «IT» ទាំងឡាយ ឲ្យធ្វើការឲ្យខ្លួន ដើម្បីបង្កើតប្រព័ន្ធមេ និងកម្មវិធី ដើម្បីអាចជំនួសកម្មវិធី​ទាំងឡាយ​របស់ ហ្គូហ្គ័ល។ ហើយការយកកម្មវិធី «Here WeGo» របស់សហគ្រាស «Here Technologies» មកដាក់ក្នុងបណ្ណាល័យរបស់ខ្លួន ក៏ស្ថិតក្នុងទស្សនវិស័យខាងលើនេះដែរ។

គួរបញ្ជាក់ដែរថា នៅឆ្នាំ២០១៥ ក្រុមហ៊ុនយក្ស «Nokia» បានលក់ «HERE Technologies» ដោយរួមទាំងកម្មវិធី «Here WeGo» ទៅឲ្យបរិស័ទនៃសហគ្រាសផលិតរថយន្ដ អាល្លឺមង់ ដែលរួមមាន «Daimler» «BMW» និង «Audi» ក្នុងទំហំទឹកប្រាក់ប្រមាណជា ៣កោដដុល្លារ (ត្រូវជា២,៨កោដអ៊ឺរ៉ូ)៕



លំអិតបន្ថែមទៀត

ដំណឹង

ចិន​ទាមទារ​ឲ្យ​កាណាដា​ដោះលែង​នាយិកា​ហិរញ្ញវត្ថុ ក្រុមហ៊ុន​«Huawei»

ក្រសួងការបរទេសចិន បានទាមទារកាលពីម្សិលម៉ិញ ឲ្យមានការដោះលែងជាបន្ទាន់ អ្នកស្រី «Meng Wanzhou» នាយិកា​ទទួលបន្ទុក​ហិរញ្ញវត្ថុ របស់ក្រុមហ៊ុនទូរស័ព្ទចិន យីហោ «Huawei» និងជាកូនស្រី របស់ស្ថាបនិកក្រុមហ៊ុនយក្សមួយនេះ។ អ្នកស្រីនាយិការូបនេះ ...
រូបសញ្ញារបស់ក្រុមហ៊ុន «Huawei» នៃប្រទេសចិន នៅចំពោះបច្ចេកវិទ្យាថ្មី «» សម្រាប់ប្រព័ន្ធទូរស័ព្ទដៃ។ (រូបថតផ្តិតពីអេក្រង់)
កីឡា និងបច្ចេកវិទ្យា

5G៖ ស៊ុយអែតសម្រេច​ហាមឃាត់​ក្រុមហ៊ុន«Huawei»និង«ZTE»

ក្រោមវិធានការការពារសន្តិសុខជាតិ ប្រទេសស៊ុយអែត បានសម្រេចធ្វើការហាមឃាត់ នូវរាល់សម្ភារៈបរិក្ខា របស់ក្រុមហ៊ុនចិនចំនួនពីរ គឺក្រុមហ៊ុន «Huawei»​និង«ZTE» សម្រាប់បំពាក់​លើបច្ចេកវិទ្យាថ្មី «5G» នៃសេវាកម្មទូរស័ព្ទដៃ។ នេះ បើតាមការប្រកាស របស់អាជ្ញាធរជាតិ ...
កីឡា និងបច្ចេកវិទ្យា

អគ្គនាយក «Google» ពន្យល់​ហេតុអ្វី​ចុច​ពាក្យ​គន្លឹះ«ភ្លើ»​ចេញរូប ត្រាំ!

អគ្គនាយកក្រុមហ៊ុនយក្ស «Google» លោក «Sundar Pichai» បានព្យាយាមពន្យល់ នៅចំពោះគណៈកម្មាធិការមួយ របស់សភាជាតិអាមេរិក អំពីថាហេតុអ្វី បានជាគេចុចពាក្យ «ភ្លើ» នៅក្នុងប្រអប់រុករក របស់ ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

FIFA ធ្វើបច្ចុប្បន្នភាព​​ចំណាត់ថ្នាក់​បាល់ទាត់​ពិភពលោក ចុងឆ្នាំ២០២២

កីឡា និងបច្ចេកវិទ្យា

បាល់ទាត់ពិភពលោក​២០២២៖ ម៉ាក្រុង លួង អឹមបាពេ ដូចម្ដេចខ្លះ?

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានចូលក្នុងទីលានប្រកួត ដើម្បីជាឱកាសទៅលើកទឹកចិត្ត​កីឡាករបារាំង គីលីយ៉ាន អឹមបាពេ (Kylian Mbappé) ដែលកំពុងខកចិត្តខ្លាំង ...
កីឡា និងបច្ចេកវិទ្យា

បាល់ទាត់ពិភពលោក​២០២២៖ អាហ្សង់ទីន លើកពាន​ជាលើកទី៣

ក្រុមអាហ្សង់ទីន បានសម្រេចក្នុងប្រវត្តិបាល់ទាត់របស់ខ្លួន លើកពាន​ជាលើកទី៣ បន្ទាប់ពីបានប្រកួតឈ្នះ​ក្រុមមាន់គកបារាំង ដោយគ្រាប់បាល់កាត់សេចក្ដី ៤-២ ក្នុងការប្រកួតផ្ដាច់ព្រ័ត្រ យប់ថ្ងៃអាទិត្យទី១៨ ខែធ្នូ នៃព្រឹត្តិការណ៍បាល់ទាត់ពិភពលោក ក្នុងប្រទេសកាតា ឆ្នាំ២០២២។ នៅក្នុងការប្រកួតដ៏ប្ដូរផ្ដាច់ ...