កីឡា និងបច្ចេកវិទ្យាបាល់ទាត់

រៀល បំបាក់ បាសា ក្នុង​ផ្ទះ​ខ្លួនឯង ដើម្បីដណ្ដើម​ចំណាត់ថ្នាក់​លេខ១

ក្រុម រៀល (Real Madrid – អេស្ប៉ាញ) ហៅអធិរាជអាវស បានបំបាក់ក្រុម បាសា (Fc Barcelone – អេស្ប៉ាញ) ក្នុងយប់ថ្ងៃអាទិត្យនេះ ដោយពិន្ទុ២-០ ហើយឡើងទៅអង្គុយ លើចំណាត់ថ្នាក់លេខ១ នៃក្របខណ្ឌបូកពិន្ទុ «La Liga» របស់ប្រទេសអេស្ប៉ាញ។

បើទោះជាក្រុម រៀល បានបើកការប្រកួត មានសភាពល្អប្រសើរជាក្រុម បាសា តែគឺក្រុមអ្នកមានបុណ្យទៅវិញទេ ដែលរកបានឱកាសជាច្រើន ក្នុងការទាត់បញ្ចូលទីក្រុម រៀល សម្រាប់ពាក់កណ្ដាលម៉ោងទី១។

ប៉ុន្តែ ក្នុងការប្រកួតនេះ ដែលប្រព្រឹត្តិទៅ នៅក្នុងកីឡដ្ឋាន «Bernarbéu» ដែលជាផ្ទះរបស់អធិរាជអាវស ក្រុម បាសា ដែលសម្បូរដោយកីឡាករល្បី របស់ពិភពលោក ពិបាករកទិសដៅ និងមិនបានទាត់បាល់ បញ្ចូលទីក្រុមគូប្រកួត ឲ្យមានប្រសិទ្ធិភាពទេ។

ដូចជាគ្រាប់បាល់ របស់កីឡាករ «Arthur»​ ដែលទទួលបានដាច់តែឯង ពីម្ចាស់ពានជើងឯកពិភពលោក កីឡាករ អង់ទ័ន គ្រីស្មាន់ (Antoine Griezmann) នៅនាទីទី៣៤ ត្រូវអ្នកចាំទីក្រុម រៀល កីឡាករ «Thibaut Courtois» ទះចេញយ៉ាងអស្ចារ្យ។

កីឡាករ «Thibaut Courtois» ដដែលក៏បានទប់ គ្រាប់បាល់មួយទៀត របស់ម្ចាស់បាល់មាស ៦ជំនាន់ កីឡាករ លីយ៉ូនែល ម៉េស៊ី (Lionel Messi) បានដែរ នៅនាទីទី៣៨។

នៅពាក់កណ្ដាលម៉ោងទី២ ដល់វេនក្រុមអធិរាជអាវសម្ដង ដែលបង្កើនការវាយលុក និងរកឱកាសទាត់បញ្ចូលទី បានជាច្រើនដង។ ហើយទីបំផុតទៅ ក្រុម រៀល រកគ្រាប់បាល់បានមែន ដំបូងនៅនាទីទី ៧១ ដោយខ្សែបម្រើស្លាបខាងឆ្វេង កីឡាករ «Vinicius Junior» និងនៅជិតចប់ការប្រកួត នៅនាទីទី ៩០+២ ដោយខ្សែប្រយុទ្ធ កីឡាករ «Mariano Diaz»។

ជ័យជំនះនេះ ធ្វើឲ្យក្រុម រៀលម៉ាឌ្រីត មានពិន្ទុ៥៦ លើសក្រុម បាសឺឡូន ដែលមានត្រឹមតែ ៥៥ ដែលជាឱកាសឲ្យក្រុម រៀល ឡើងមកកាន់ចំណាត់ថ្នាក់ទី១ ជាបណ្ដោះអាសន្នសិន សម្រាប់ក្របខណ្ឌបូកពិន្ទុ ប្រចាំឆ្នាំ «La Liga»។ យ៉ាងណា ចំណាត់ថ្នាក់នៅចុងបញ្ចប់ ដើម្បីក្លាយជាជើងឯក ប្រចាំឆ្នាំ២០១៩-២០២០ របស់ប្រទេសអេស្ប៉ាញ មិនអាចនរណា​ទាយដឹងបាន​នៅឡើយ ដោយហេតុថា ការប្រកួតវិលជុំ ក្នុងក្របខណ្ឌនេះ នៅសល់​១២ប្រកួត​ទៀ៕



You may also like

កីឡា និងបច្ចេកវិទ្យា

បាសឺឡូន សង្គ្រោះការប្រកួតខ្លួនដោយយកស្មើ ណាប៉ូលី

CHAMPIONS LEAGUE ៖ រកគ្រាប់បាល់បាន ក្នុងការប្រកួត នៅខាងក្រៅផ្ទះរបស់ខ្លួន ទល់នឹងក្រុម ណាប៉ូលី (SSC Napoli) បានផ្ដល់ទឹកមាត់ឲ្យ ក្រុម បាសឺឡូន ...
កីឡា និងបច្ចេកវិទ្យា

Champions League៖ រៀល និងឆែលស៊ី បានត្រឹម​ស្មើ ១-១ ជុំទី១

ក្រុមយក្សពីរនៅអ៊ឺរ៉ុប​បានបញ្ចប់ការប្រកួត វគ្គពាក់កណ្ដាលផ្ដាច់ព្រ័ត្រ ជុំទី១ ដោយលទ្ធផលស្មើ ១-១ ក្នុងយប់​ថ្ងៃអង្គារ​​ទី២៧ ខែមេសា ឆ្នាំ២០២១នេះ។ ជាការប្រកួតរវាងក្រុម រៀលម៉ាឌ្រីត (Real Madrid – ...
កីឡា និងបច្ចេកវិទ្យា

អ្នកចាំទីក្រុម រៀល ចុះហត្ថលេខា​៤ឆ្នាំ លេង​ឲ្យ​ក្រុម ប៉ារីស

ក្នុងល្ងាចថ្ងៃចន្ទនេះ «អតីត»អ្នកចាំទីរបស់ក្រុម រៀល (Real Madrid) និងធ្លាប់លើកពានអ៊ឺរ៉ុបបីជំនាន់ កីឡាករ កីល័រ ណាវ៉ាស់ (Keylor Navas) បានចុះហត្ថលេខា លេង​ឲ្យ​ក្រុម ...

Comments are closed.

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...