កីឡា និងបច្ចេកវិទ្យាបាល់ទាត់

បារាំង​ជា​«ប្រទេស​ទី២» ដែល​ដាក់​ស្ត្រី​ជា​អាជ្ញាកណ្ដាល​បាល់ទាត់​អាជីព

បន្ទាប់ពីអាល្លឺម៉ង់ ចាប់ពីថ្ងៃអាទិត្យទី២៨ ខែមេសានេះមក បារាំងបានក្លាយជា​«ប្រទេស​ទី២» ដែលដាក់ស្ត្រីមួយរូប មកធ្វើជាអាជ្ញាកណ្ដាល សម្រាប់ការប្រកួត រវាងក្រុមបាល់ទាត់អាជីពជាបុរស។

អ្នកស្រី «Stéphanie Frappart» បានធ្វើជាអាជ្ញាកណ្ដាល នៃការប្រកួតរវាងក្រុម «Amiens» និងក្រុម «Strasbourg» នៅក្នុងក្របខណ្ឌប្រកួតបូកពិន្ទុវិលជុំ «Ligue 1» ដែលទទួលបានលទ្ធផលស្មើគ្នា នៅចុងបញ្ចប់នៃការប្រកួត។

តាមពិតទៅ អ្នកស្រីធ្លាប់បានធ្វើជាអាជ្ញាកណ្ដាល សម្រាប់ការប្រកួត រវាងក្រុមកីឡាករបុរស ជាច្រើនដងហើយ តែសម្រាប់ក្របខណ្ឌ «Ligue 1» វាជាលើកដំបូង សម្រាប់អ្នកស្រី ក៏ដូចជាសម្រាប់ពិភពបាល់ទាត់អាជីពធំៗ (លើកលែងតែនៅអាល្លឺម៉ង់) នៅលើពិភពលោកដែរ។

ចេញពីការប្រកួតខាងលើ អ្នកស្រី «Stéphanie Frappart» អាយុ៣៥ឆ្នាំ ត្រូវបានស្រង់សំដី ដោយសារព័ត៌មាន ក្នុងប្រទេសបារាំង ថាអ្នកស្រីមានមោទនភាព ដែលបានបង្ហាញ ពីអ្វី ដែលជាសមត្ថភាពរបស់អ្នកស្រី ហើយអ្នកស្រីសង្ឃឹមថា ក្រុមកីឡាករទាំងសងខាង ទទួលយកការសម្រេចរបស់អ្នកស្រី ក្នុងនាមជាអាជ្ញាកណ្ដាល ផ្លុំកញ្ចែរនៅក្នុងការប្រកួត។

ការសម្រេចឲ្យអ្នកស្រី ចេញធ្វើអាជ្ញាកណ្ដាល សម្រាប់ការប្រកួតអាជីព នៅក្នុងក្របខណ្ឌ «Ligue 1» នេះ មិនមែនធ្វើឡើង ដោយចែដន្យទេ។ តែជាការសម្រេចឡើង ដោយសហព័ន្ធបាល់ទាត់បារាំង (FFF) តាមការកំណត់ របស់សហព័ន្ធបាល់ទាត់ពិភពលោក (FIFA) ដែលតម្រូវឲ្យបណ្ដាសហព័ន្ធ ជាសមាជិកទាំងឡាយ ត្រូវពង្រឹងលក្ខខណ្ឌសមស្រប (និងសមត្ថភាព) ជូនដល់អាជ្ញាកណ្ដាលជាស្ត្រី ដើម្បីត្រៀមព្រឹត្តិការណ៍ បាល់ទាត់ពិភពលោក ផ្នែកស្ត្រី ដែលនឹងប្រព្រឹត្តិទៅ នៅចុងរដូវកាលនេះ ក្នុងប្រទេសបារាំង។

បារាំង«ប្រទេស​ទី២» បន្ទាប់ពីអាល្លឺម៉ង…

សហព័ន្ធបាល់ទាត់ពិភពលោក មានអាជ្ញាកណ្ដាលជាស្ត្រី ១០០០នាក់ មកពីច្រើនប្រទេស តែភាគច្រើន មិនមែនជាអាជ្ញាកណ្ដាលជំនាញ ជាលក្ខណៈអាជីពទេ។ យ៉ាងណា ជាមួយព្រឹត្តិការណ៍បាល់ទាត់ពិភពលោក ផ្នែកស្ត្រី ឆ្នាំនេះ សហព័ន្ធអន្តរជាតិខាងលើ គ្រោងនឹងជ្រើសរើសអាជ្ញាកណ្ដាលជាស្ត្រី ឲ្យបានដល់១៥០០នាក់។

ពីមុនមក មានតែប្រទេសអាល្លឺម៉ង់មួយប៉ុណ្ណោះ ដែលមានអាជ្ញាកណ្ដាលជាស្ត្រី នៅក្នុងការប្រកួតអាជីព ក្នុងក្របខណ្ឌ «Bundesliga» (ក្របខណ្ឌស្មើជាមួយ «Ligue 1» របស់បារាំង ឬ «Premier League» របស់អង់គ្លេស)។ ស្ត្រីអាជ្ញាកណ្ដាល ជាតិអាល្លឺម៉ង់ ដែលគេស្គាល់រូបនោះ គឺអ្នកស្រី «Bibiana Steinhaus»៕



You may also like

កីឡា និងបច្ចេកវិទ្យា

សង្គ្រាមនៅ​អ៊ុយក្រែន៖ FIFA ដករ៉ុស្ស៊ីពី​បាល់ទាត់ពិភពលោក២០២២

សង្គ្រាមនៅ​អ៊ុយក្រែន៖ សហព័ន្ធបាល់ទាត់ពិភពលោក «FIFA» បានសម្រេចដកប្រទេសរ៉ុស្ស៊ី ចេញពីការប្រកួតបាល់ទាត់ ជាលក្ខណៈអន្តរជាតិទាំងឡាយ ជាពិសេសពីការប្រកួតបាល់ទាត់ពិភពលោក ២០២២ ដែលនឹងត្រូវរៀបចំធ្វើ នៅក្នុងប្រទេសកាតា។ មិនត្រឹមតែក្រុមបាល់ទាត់ជម្រើសជាតិរ៉ុស្ស៊ីប៉ុណ្ណោះទេ ដែលរងផលប៉ះពាល់ ក្រុមបាល់ទាត់អាជីពទាំងអស់ ...
កីឡា និងបច្ចេកវិទ្យា

ប្រធាន​ផុតអាណត្តិ​របស់ ហ្វីហ្វា ត្រូវបានជ្រើសតាំងឲ្យបន្តតំណែង

ប្រធានផុតអាណត្តិ នៃសហព័ន្ធបាល់ទាត់អន្តរជាតិ «ហ្វីហ្វា (FIFA)» លោក «Gianni Infantino» ត្រូវបានជ្រើសតាំងសារជាថ្មី សម្រាប់អាណត្តិទី២របស់លោក ដើម្បីបន្តដឹកនាំ​ស្ថាប័ន​បាល់ទាត់​អន្តរជាតិ​មួយនេះ រហូតដល់ឆ្នាំ២០២៣។ ក្នុងមហាសន្និបាត នៃសហព័ន្ធបាល់ទាត់អន្តរជាតិ ...
កីឡា និងបច្ចេកវិទ្យា

FIFA ធ្វើបច្ចុប្បន្នភាព​​ចំណាត់ថ្នាក់​បាល់ទាត់​ពិភពលោក ចុងឆ្នាំ២០២២

បន្ទាប់ពីព្រឹត្តិការណ៍បាល់ទាត់ពិភពលោក ដែលបានបញ្ចប់ទៅកាលពីយប់ថ្ងៃអាទិត្យមុន សហព័ន្ធបាល់ទាត់អន្តរជាតិ «FIFA» បានចេញផ្សាយបញ្ជីសន្ទស្សន៍ ចុងឆ្នាំ២០២២ ស្ដីពីចំណាត់ថ្នាក់​នៃបណ្ដាសមាជិក ទាំង២១១ប្រទេស និងបង្ហាញថា ប្រទេសប្រេស៊ីល ដែលត្រូវបានជម្រុះចេញ នៅវគ្គ១/៤ផ្ដាច់ព្រ័ត្រនោះ នៅតែបន្តកាន់កាប់ចំណាត់ថ្នាក់កំពូលដដែល។ ...

Comments are closed.

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...