កីឡា និងបច្ចេកវិទ្យាបាល់ទាត់

ណីម៉ា ទៅ​ហ្វឹកហាត់​ជាមួយ​ក្រុម​ជម្រើសជាតិ ដោយ​ជិះ… ឧទ្ធម្ភាគចក្រ

កំពូលខ្សែប្រយុទ្ធរបស់ក្រុមប៉ារីស កីឡាករ ណីម៉ា (Neymar) បានយកពេល​ឈប់​សម្រាក​មុនកាលកំណត់ ដើម្បីទៅចូលរួមហ្វឹកហាត់ ជាមួយក្រុមជម្រើសជាតិប្រេស៊ីល ក្នុងជំហានត្រៀមប្រកួត យកពានរង្វាន់ទ្វីបអាមេរិក ដែលនឹងប្រព្រឹត្តិទៅ នៅចាប់ពីថ្ងៃទី១៤ ខែមិថុនានេះ រហូតដល់ថ្ងៃទី៧ ខែកក្កដាខាងមុខ។

តែក្នុងខណៈកីឡាករ-មិត្តរូមក្រុមជម្រើសជាតិផ្សេងទៀត បានជ្រើសរើសមធ្យោបាយរថយន្ដ ដើម្បីធ្វើដំណើរទៅកាន់អន្តេវាសិកដ្ឋាន «Granja Comary»  របស់សហព័ន្ធបាល់ទាត់ប្រេស៊ីលនោះ កីឡាករ ណីម៉ា បានជ្រើសរើសយកឧទ្ធម្ភាគចក្រ ជាមធ្យោបាយធ្វើដំណើររបស់ខ្លួន ដោយបានជិះ«កន្ទុំរុយ»ដ៏ធំមួយនេះ ទៅចុះចតនៅក្បែរទីលានហ្វឹកហាត់តែម្ដង។ 

ជាមួយនឹងសម្លៀកបំពាក់ពណ៌ខ្មៅទាំងអស់ កំពូលតារាបាល់ទាត់ជាតិប្រេស៊ីល បានចុះពីយានធ្វើដំណើររបស់ខ្លួន ហើយបានស្វាគមន៍មនុស្សម្នា ជាពិសេសកុមារទាំងឡាយ ដែលបានរង់ចាំមើលខ្លួន។ បន្ទាប់មក កីឡាករបានចូលក្នុងរថយន្ដធំមួយទៀត ដើម្បីធ្វើដំណើរទៅកាន់ទីហ្វឹកហាត់។

ណីម៉ា បានបញ្ចប់រដូវកាលឆ្នាំ២០១៨-២០១៩ លឿនជាងពេលកំណត់ ដោយហេតុថា កីឡាករទទួលការពិន័យ ពីសំណាក់សហព័ន្ធបាល់ទាត់បារាំង ដោយហាមកីឡាករ មិនឲ្យចូលប្រកួតចំនួន៣ប្រកួត ទាក់ទងនឹងកាយវិការរបស់កីឡាករ តបទៅអ្នកគាំទ្រម្នាក់ ក្នុងការប្រកួតផ្ដាច់ព្រ័ត្រ «France Cup» រវាងក្រុមប៉ារីស និងក្រុមរ៉ែន (Rennes FC) កាលពីចុងខែមេសា។

ប្រភពព័ត៌មានជាច្រើន បានរាយការណ៍ថា កីឡាករបានយកឱកាស នៃការហាមឃាត់ការប្រកួតខាងលើ ដើម្បីធ្វើដំណើរទៅកាន់ប្រទេសប្រេស៊ីលតាំងពីថ្ងៃទី២៥ ខែឧសភា ខណៈកីឡាករប្រេស៊ីលផ្សេងទៀត របស់ក្រុមប៉ារីស គ្រោងទៅដល់ទីលានហ្វឹកហាក់ នៅថ្ងៃអង្គារទី២៨ ខែឧសភានេះ។

» វីដេអូខាងក្រោម ជាការហ្វឹកហាត់របស់ក្រុមជម្រើសជាតិប្រ៊េស៊ីល ដែលមានវត្តមានរបស់កីឡាករ ណីម៉ា ផង៖



លំអិតបន្ថែមទៀត

កីឡា និងបច្ចេកវិទ្យា

ម៉ូរីស៊ីយ៉ូ ប៉ូឆិនទីណូ នឹងក្លាយជាគ្រូបង្វឹក​របស់​ក្រុមប៉ារីស បន្ទាប់ពី ធូហែល

លោក ម៉ូរីស៊ីយ៉ូ ប៉ូឆិនទីណូ (Mauricio Pochettino) អតីតគ្រូបង្វឹករបស់ក្រុម ថូទេនហាម (Tottenham – អង់គ្លេស) នឹងក្លាយជា​គ្រូបង្វឹក​របស់ក្រុម ប៉ារីស (Paris ...
កម្រមាន

«ចោរប្លន់»ម្នាក់នេះ មិនគួរ​ចង់​ប្លន់​យក​ទូរស័ព្ទដៃ​ពីនាង​ទេ…

«ចោរប្លន់» ៖ ដូចស្ត្រីទូទៅទាំងឡាយដែរ… នាង «Polyana Viana» បានចុះមកចាំរថយន្ដឈ្នួល នៅខាងមុខផ្ទះរបស់នាង ដែលស្ថិតនៅក្រុង «Jacarepagua» ភាគខាងលិច នៃក្រុង «Rio ...
កីឡា និងបច្ចេកវិទ្យា

អ៊ឹមបាពេ ធ្វើតេស្ត​​ជំងឺ​«Covid-19» ព្រោះ​ធ្លាក់ខ្លួនឈឺ​«ក»​តាំងពី​ច្រើនថ្ងៃ

Covid-19 ៖ កំពូលខ្សែប្រយុទ្ធវ័យក្មេង​របស់ក្រុម ប៉ារីស (Paris Saint-Germain – បារាំង) កីឡាករ គីលីយ៉ាន អ៊ឹមបាពេ (Kylian Mbappé) ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.