ខ្សែប្រយុទ្ធល្បឿនផ្លេកបន្ទោរជាតិ​បារាំង កីឡាករ គីលីយ៉ាន អ៊ឹមបាពេ (Kylian Mbappé) បានសម្រេចនៅទីបំផុត បន្ត​កិច្ចសន្យា​៣ឆ្នាំ ជាមួយក្រុម ប៉ារីស – ស៊ាំងហ្សែរម៉ាំង (Paris Saint-Germain – បារាំង) ដែលទើបនឹងឈ្នះ ជាជើងឯកបារាំង ក្នុងក្របខណ្ឌ «Ligue 1» ឆ្នាំ២០២១-២០២២នេះ។

ជាដំណឹងផ្លូវការ ដែលធ្លាក់មកដល់ នៅក្បាលព្រលប់​ថ្ងៃសៅរ៍ ទី២១ ខែឧសភា ឆ្នាំ២០២២ ប៉ុន្មាននាទីមុន​ការប្រកួត រវាងក្រុម ប៉ារីស ទល់នឹង ក្រុម ម៉េស្ស៍ (FC Metz) ដែលជាការប្រកួត​ជុំចុងក្រោយ (ជុំទី៣៨) នៃក្របខណ្ឌក្របខណ្ឌ​បូក​ពិន្ទុ «ligue 1» និងជាដំណឹង​ដ៏កក្រើក ដែលបានបិទបញ្ចប់ព័ត៌មានទាំងឡាយ ជុំវិញការចាកចេញ របស់កីឡាករ​រូបនេះ ពីក្រុម ប៉ារីស ទៅកាន់ក្រុម រៀលម៉ាឌ្រីត (Real Madrid – អេស្ប៉ាញ) តាំងពីច្រើនខែមកហើយ។

នៅក្នុងសេចក្ដីប្រកាសព័ត៌មាន ដែលចេញផ្សាយជាផ្លូវការ ដោយក្រុម ប៉ារីស បានអះអាងថា ខ្សែប្រយុទ្ធរបស់ខ្លួន គឺកីឡាករ អ៊ឹមបាពេ បាន​«បន្ត​កិច្ចសន្យា​៣ឆ្នាំ» ដើម្បីលេងឲ្យ​ក្រុមបាល់ទាត់ នៃ​រដ្ឋធានី ប៉ារីស រហូតដល់ថ្ងៃទី៣០ ខែមិថុនា ឆ្នាំ២០២៥។ កិច្ចសន្យាលើកមុន របស់ កីឡាករ​ល្បឿនផ្លេកបន្ទោររូបនេះ នឹងត្រូវបញ្ចប់ នៅថ្ងៃទី៣០ ខែមិថុនា ឆ្នាំ ២០២២ ពោលគឺជាងមួយខែខាងមុខ។

នៅក្នុងការពិធីប្រកាសពីការបន្តកិច្ចសន្យា នៅក្នុងកីឡដ្ឋាន «Parc des Princes» មុនការប្រកួតរវាងក្រុម ប៉ារីស ទល់នឹងក្រុម ម៉េស្ស៍ កីឡាករ អ៊ឹមបាពេ បានថ្លែងឡើងថា៖

«ខ្ញុំមានសេចក្ដីរីករាយណាស់ ដែលនៅរដ្ឋធានី ប៉ារីស បន្តទៀត ដែលជាទឹកដីភូមិកំណើតខ្ញុំ។ ខ្ញុំតែងតែនិយាយ​រួចហើយ ថានេះជាផ្ទះ​របស់ខ្ញុំ។ ខ្ញុំចង់បន្ដឈ្នះពានរង្វាន់ ជាច្រើនទៀត ជាមួយអ្នកទាំងអស់គ្នា៕»



លំអិតបន្ថែមទៀត

កីឡា និងបច្ចេកវិទ្យា

រ៉ូណាល់ដូ ទស្សនាផ្ទាល់​ការប្រកួត រៀល-បាសា ដើម្បីអបអរ​អតីត​មិត្តរួមក្រុម

កំពូលខ្សែប្រយុទ្ធ កីឡាករ គ្រីស្ទាណូ រ៉ូណាល់ដូ (Cristiano Ronaldo) គឺជាភ្ញៀវដ៏មានកិត្តិយសមួយរូប នៅក្នុង ការប្រកួត រវាងក្រុម រៀល (Real Madrid – ...
កីឡា និងបច្ចេកវិទ្យា

កីឡាករ​ក្រុម​ប៉ារីស​នឹង​​ធ្វើ​យុទ្ធនាការ​​ប្រឆាំង​«Covid-19» ​ជាមួយ​«WHO»

កីឡាករល្បីៗនៃក្រុមប៉ារីស (Paris Saint-Germain – បារាំង) នឹងចូលរួមធ្វើយុទ្ធនាការ ជាមួយអង្គការសុខភាពពិភពលោក «WHO» ដើម្បីប្រយុទ្ធប្រឆាំងនឹងមេរោគ «Covid-19» ដែលកំពុងរាតត្បាតពិភពលោក។ នេះ បើតាមការបង្ហោះសារ ...
កីឡា និងបច្ចេកវិទ្យា

គីលីយ៉ាន អ៊ឹមបាប៉េ ឈ្នះពាន កូប៉ា ឆ្នាំ២០១៨

នៅក្នុងពិធីប្រគល់ពានរង្វាន់បាល់មាស កាលពីយប់ម៉ិញ ក្នុងវិមាន«ធំ» កណ្ដាលរដ្ឋធានីប៉ារីស ប្រទេសបារាំង កំពូលខ្សែប្រយុទ្ធល្បឿនរន្ទះ កីឡាករ គីលីយ៉ាន អ៊ឹមបាប៉េ (Kylian Mbappé) មិនបានឈ្នះ ជាម្ចាស់«បាល់មាស»ប្រចាំឆ្នាំទេ ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.