កំពូលខ្សែប្រយុទ្ធ ល្បឿនផ្លេកបន្ទោរបារាំង កីឡាករ គីលីយ៉ាន អ៊ឹមបាពេ (Kylian Mbappé) កំពុងស្ថិតក្នុងរាជធានី ឌូបៃ នៃរាជាណាចក្រអេមៀរាត់អារ៉ាប់ ដើម្បីលើកពានរង្វាន់ «Globe Soccer Awards» លើកទី១២ ដែលកីឡាករបានឈ្នះ ក្នុងនាមជាកំពូលកីឡាករប្រចាំឆ្នាំ២០២១។

កីឡាករវ័យ២២ឆ្នាំ បានឈ្នះពានខាងលើ ពីចំណោមបេក្ខកីឡាករដ៏ល្បីៗ ចំនួន៥នាក់ទៀត មានកីឡាករ លីយ៉ូនែល ម៉េស៊ី (Lionel Messi) ការីម ប៊េនស៊េម៉ា (Karim Benzema) រ៉ូប៊ែរ ឡេវេនដូស្គី (Robert Lewandowski) គ្រីស្យាណូ រ៉ូណាល់ដូ (Cristiano Ronaldo) និងកីឡាករ ម៉ូហាមេដ សាឡា (Mohamed Salah)។

តាំងពីដើមរដូវកាល ២០២១ នេះមក ខ្សែប្រយុទ្ធរបស់ក្រុម ប៉ារីស (Paris Saint-Germain /បារាំង) រកគ្រាប់បាល់បានចំនួន១៥គ្រាប់ និងបញ្ជូនបាល់ឲ្យអ្នកផ្សេងទាត់បញ្ចូលទី បានចំនួន១៥ដង ពីចំណោមរាល់ការប្រកួតទាំងអស់ (រាប់ទាំងជាមួយក្រុម ប៉ារីស និងក្រុមជម្រើសជាតិបារាំង)។

បើទោះជា​មិនល្បីល្បាញ ដូចពានរង្វាន់​«បាល់មាស់»​នោះក៏ដោយ ក៏«Globe Soccer Awards» ត្រូវបានគេនិយាយ​ច្រើនឡើងៗ នៅប៉ុន្មានឆ្នាំចុងក្រោយ។ ពានរង្វាន់នេះ បង្កើតឡើងដោយសមាគមក្រុមបាល់ទាត់អ៊ឺរ៉ុប (ECA) ដោយមានការចូលរួមសហការ ពីសមាគមភ្នាក់ងារកីឡាករអ៊ឺរ៉ុប (EFAA)។

ក្នុងរយៈពេល១២ឆ្នាំ ដែលពានរង្វាន់ខាងលើមានវត្តមាន (ចាប់ពីឆ្នាំ២០១០) កីឡាករ គ្រីស្យាណូ រ៉ូណាល់ដូ បានឈ្នះពានមួយនេះ មានចំនួនច្រើនជាងគេ រហូតដល់៦លើក ក្នុងនោះ៥លើកជាប់ៗគ្នា (ពីឆ្នាំ២០១៦ មកទល់ឆ្នាំ២០២០)៕



You may also like

កីឡា និងបច្ចេកវិទ្យា

ក្រុមប៉ារីស​នឹងចាត់ការ​​តប​ក្រុម​រៀល បើនៅ​​បង្អើល ណីម៉ា និង អ៊ឹមបាពេ

កាលពីដើមសប្ដាហ៍មុន លោក ផ្លរ៉ង់ទីណូ ប៉េរេស (Florentino Pérez) ប្រធានក្រុមរៀល បានបង្អើលពាក្យប៉ុន្មានម៉ាត់ ថាលោកត្រៀមខ្លួន ទិញកំពូលកីឡាករពីររូប ពីក្រុមប៉ារីស គឺកីឡាករ ណីម៉ា ...
កីឡា និងបច្ចេកវិទ្យា

បាល់ទាត់ពិភពលោក​២០២២៖ អាហ្សង់ទីន លើកពាន​ជាលើកទី៣

ក្រុមអាហ្សង់ទីន បានសម្រេចក្នុងប្រវត្តិបាល់ទាត់របស់ខ្លួន លើកពាន​ជាលើកទី៣ បន្ទាប់ពីបានប្រកួតឈ្នះ​ក្រុមមាន់គកបារាំង ដោយគ្រាប់បាល់កាត់សេចក្ដី ៤-២ ក្នុងការប្រកួតផ្ដាច់ព្រ័ត្រ យប់ថ្ងៃអាទិត្យទី១៨ ខែធ្នូ នៃព្រឹត្តិការណ៍បាល់ទាត់ពិភពលោក ក្នុងប្រទេសកាតា ឆ្នាំ២០២២។ នៅក្នុងការប្រកួតដ៏ប្ដូរផ្ដាច់ ...
កីឡា និងបច្ចេកវិទ្យា

អ៊ឹមបាពេ ចង់​ក្លាយ​ខ្លួន​ជា​គ្រូ​បង្វឹក​បាល់ទាត់​ម្នាក់

ទើបនឹងមានវ័យ២០ឆ្នាំ ក្នុងថ្ងៃនេះ (ថ្ងៃនេះ ជាថ្ងៃបុណ្យកំណើតកីឡាករ) កីឡាករ គីលីយ៉ាន អ៊ឹមបាពេ (Kylian Mbappé) បានបង្ហាញពីមហិច្ឆតារបស់ខ្លួន សម្រាប់ពេលអនាគតរួចជាស្រេច។ ខ្សែប្រយុទ្ធ របស់ក្រុម ...

Comments are closed.

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...