កីឡា និងបច្ចេកវិទ្យាបាល់ទាត់

ប៉ារីស ចាញ់ ដ័រមូន ក្នុង​ការប្រកួត​«ទៅ» ក្រោមថ្វីជើងខ្សែប្រយុទ្ធអាយុ​១៩ឆ្នាំ

CHAMPIONS LEAGUE ៖ កីឡាករ «Erling Haaland» ខ្សែប្រយុទ្ធ​អាយុ១៩ឆ្នាំ​របស់ក្រុម ដ័រមូន (Borussia Dortmund – អាល្លឺម៉ង់) បានរកបាន​គ្រាប់បាល់​ពីរគ្រាប់​តែឯង បំបាក់ក្រុម ប៉ារីស (Paris Saint-Germain – បារាំង) ក្នុង​ការប្រកួត​«ទៅ» វគ្គ១ភាគ៨ផ្ដាច់ព្រ័ត្រ នៃក្របខណ្ឌដណ្ដើមជើងឯកអ៊ឺរ៉ុប (Champion League) ក្នុងយប់ថ្ងៃអង្គារនេះ។

បើទោះជាក្រុមប៉ារីស នៅសល់​ការប្រកួត​«ត្រឡប់»​ម្ដងទៀត ដែលនឹង​ត្រូវធ្វើក្នុង៣សប្ដាហ៍ខាងមុខ ក្នុងផ្ទះខ្លួនឯងក្ដី តែប្រសិទ្ធភាព នៃខ្សែប្រយុទ្ធវ័យក្មេង ជាតិណ័រវេស និងសាច់បាល់ របស់ក្រុមបាល់ទាត់ ដ័រមូន ក្នុងយប់នេះ មានប្រៀបជាងក្រុមអ្នកមានថ្មី របស់ប្រទេសបារាំង យ៉ាងច្រើន។ ក្រុមដ័រមូន មានឱកាសទាត់បញ្ចូលទី របស់ក្រុម ប៉ារីស ដល់ទៅ ១២ដង។

ពីក្នុងចំណោមឱកាស​ជាច្រើន​នោះ កីឡាករ «Erling Haaland» បានជួយរកគ្រាប់បាល់ ឲ្យក្រុមខ្លួន បានពីរគ្រាប់ នៅនាទីទី ៦៩ និង៧៧។

រីឯខ្សែប្រយុទ្ធ​ដ៏ល្បី​ទាំងបី​រូប​របស់ក្រុម ប៉ារីស រួមមានកីឡាករ ណីម៉ា (Neymar) អ៊ឹមបាពេ (Kylian Mbappé) និងកីឡាករ ឌីម៉ារីយ៉ា (Angel Di Maria) ក៏មានឱកាសច្រើន រហូតដល់១០ដង ដើម្បីរកគ្រាប់បាល់​ឲ្យក្រុមខ្លួននោះដែរ តែការវាយលុករបស់ពួកគេ មិនសូវមានប្រសិទ្ធិភាព ហើយតែងជួប​នឹង​ជញ្ជាំងការពារ​ដ៏រឹងមាំ​របស់ក្រុម ដ័រមូន។

ប៉ុន្តែជាមួយនឹងទេពកោសល្យ របស់ខ្លួន កីឡាករ អ៊ឹមបាពេ បានបណ្ដើរបាល់ ទម្លោះខ្សែការពារទាំងនោះ មុននឹងបញ្ជូនមកឲ្យកីឡាករ ណីម៉ា ទាត់បញ្ចូលទីបានមួយគ្រាប់ នៅនាទីទី ៧៥។

មួយគ្រាប់បាល់នេះ របស់ក្រុម ប៉ារីស ដែលរកបាននៅក្រៅផ្ទះខ្លួន មានតម្លៃណាស់ សម្រាប់ក្របខណ្ឌនៃការប្រកួតជើងឯកអ៊ឺរ៉ុប ដែលមានការប្រកួតដល់ទៅពីរដង ដើម្បីយកចាញ់ឈ្នះ។ សម្រាប់ការប្រកួត«ត្រឡប់» ដែលនឹងត្រូវធ្វើ ក្នុងពេលខាងមុខ ក្រុមប៉ារីស ខំយកឈ្នះក្រុមបាល់ របស់ប្រទេសអាល្លឺម៉ង់ ត្រឹមតែ១គ្រាប់ នោះក្រុមនេះ នឹងបានឆ្លងវគ្គ៕




លំអិតបន្ថែមទៀត

កីឡា និងបច្ចេកវិទ្យា

បាសឺឡូន សង្គ្រោះការប្រកួតខ្លួនដោយយកស្មើ ណាប៉ូលី

CHAMPIONS LEAGUE ៖ រកគ្រាប់បាល់បាន ក្នុងការប្រកួត នៅខាងក្រៅផ្ទះរបស់ខ្លួន ទល់នឹងក្រុម ណាប៉ូលី (SSC Napoli) បានផ្ដល់ទឹកមាត់ឲ្យ ក្រុម បាសឺឡូន ...
កំសាន្ដ

អុកឡុក​ការប្រកួត​ផ្ដាច់ព្រ័ត្រ ដើម្បី​ផ្សាយពាណិជ្ជកម្ម​ឲ្យ​គេហទំព័រ​«កូនជ្រូក»

ខណៈការប្រកួតផ្ដាច់ព្រ័ត្រ ក្របខណ្ឌ«Champions League»កំពុងប្រព្រឹត្តិទៅ ក្នុងយប់ថ្ងៃសៅរ៍នេះ រវាងក្រុម លីវើភូល (Liverpool FC) និងក្រុម ថូថែមហាម (Tottenham FC) ស្ត្រីម្នាក់ដែលស្លៀកពាក់បិទបាំង ...
កីឡា និងបច្ចេកវិទ្យា

សារព័ត៌មាន​អ៊ីតាលី លត់​ក្រុម​សេះបង្កង់ ក្រោយ​ប្រកួត​ចាញ់ លីយ៉ុង

CHAMPIONS LEAGUE 2020៖ មួយថ្ងៃក្រោយប្រកួតចាញ់ ក្រុម លីយ៉ុង (Olympique Lyonais – បារាំង) ដោយពិន្ទុ ១-០ សារព័ត៌មានក្នុងប្រទេសអ៊ីតាលី ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.