កីឡា និងបច្ចេកវិទ្យាបាល់ទាត់

រ៉ូណាល់ដូ នឹងនៅ​ជាមួយ​ក្រុម​សេះបង្កង់ ១០០០% នៅ​រដូវកាល​ក្រោយ

បន្ទាប់ពីលើកពានដំបូង ជាជើងឯកនៃប្រទេសអ៊ីតាលី (ក្របខណ្ឌទាត់វិលជុំបូកពិន្ទុ) ជាក្រុមជូវេនទូស (Juventus Turin – អ៊ីតាលី) ក្នុងយប់ថ្ងៃ២០ ខែមេសានេះ កំពូលខ្សែប្រយុទ្ធជាតិព័រទុយហ្គាល់ បានចេញមុខមកអះអាងថា ខ្លួននឹងបន្តនៅទាត់ឲ្យក្រុមសេះបង្កង់ ១០០០% នៅរដូវកាលក្រោយ។

កីឡាករ គ្រីស្យាណូ រ៉ូណាល់ដូ (Cristiano Ronaldo) បានចេញពីក្រុមរៀលម៉ាឌ្រីត (Real Mardrid – អេស្ប៉ាញ) កាលពីចុងរដូវកាលកន្លងទៅ ហើយបានមកចុះហត្ថលេខា ទាត់ឲ្យក្រុម ជូវេនទូស សម្រាប់បួនរដូវកាល។

បន្ទាប់ពីក្រុមសេះបង្កង់ ត្រូវបានជម្រុះចេញ ពីការប្រកួតដណ្ដើមជើងឯកអ៊ឺរ៉ុប «Champions League» ក្រោមថ្វីជើងរបស់ក្រុម អាហ្សាក់ អាមស្ទែដាម (Ajax Amsterdam – ហូឡង់) កាលពីពេលថ្មីៗនេះមក មានពាក្យចចាមអារាម បានបង្ហើបឡើងថា ម្ចាស់បាល់មាសច្រើនជំនាន់រូបនេះ នឹងចាកចេញពីក្រុមជើងឯកអ៊ីតាលី ដើម្បីស្វែងរកទ្រនុំថ្មី ដែលអាចមានលទ្ធភាព លើកពានអ៊ឺរ៉ុបបាន។

«១០០០%»

ប៉ុន្តែមុននេះប៉ុន្មានថ្ងៃ គ្រូបង្វឹករបស់ក្រុម រួមនឹងនាយកក្លឹបផង បានអះអាង កីឡាករ រ៉ូណាល់ដូ នឹងនៅជាមួយក្រុម ជូវេនទូស បន្តទៅទៀត។ ហើយនៅយប់ថ្ងៃទី២០ ខែមេសានេះ កីឡាករខ្លួនឯង ក៏បានបានអះអាង ពីជំហរនេះដូចគ្នាដែរ។

នៅចំពោះសំនួរ របស់អ្នកសារព័ត៌មាន របស់ទូរទស្សន៍ «Dazn» កំពូលខ្សែប្រយុទ្ធដ៏ល្បីបានឆ្លើយឡើងថា៖

«ខ្ញុំពិតជាសប្បាយរីករាយណាស់។ ខ្ញុំបានឈ្នះពាន (ជាជើងឯកអ៊ីតាលី) តាំងពីរដូវកាលដំបូងទៅហើយ នៅក្នុងក្របខណ្ឌមួយនេះ។ ជារដូវកាលដ៏អស្ចារ្យ សម្រាប់ក្រុម ជូវេនទូស ព្រោះយើងក៏បានឈ្នះពាន “SuperCoupe” មួយទៀតដែរ។ វាពិតហើយថា វាមិនដូចអ្វីដែលយើងចង់បានទេ នៅក្នុងក្របខណ្ឌអ៊ឺរ៉ុប (Champions League)។ តែនៅមានឆ្នាំក្រោយទៀត៕»

#W8NDERFUL | The Trailer

🎟 After #LE6END, #MY7H and many other successes, Juventus presents: #W8NDERFUL 🏆🏆🏆🏆🏆🏆🏆🏆 http://juve.it/iUD030oujNT

Publiée par Juventus sur Samedi 13 avril 2019


លំអិតបន្ថែមទៀត

កីឡា និងបច្ចេកវិទ្យា

រ៉ូណាល់ដូ រកគ្រាប់បាល់​បាន១០៩​គ្រាប់ សម្រាប់ក្រុម​ជម្រើសជាតិ

សម្រាប់ក្រុម​ជម្រើសជាតិ កំពូលខ្សែប្រយុទ្ធជាតិព័រទុយហ្គាល់ កីឡាករ គ្រីស្យ៉ាណូ រ៉ូណាល់ដូ (Cristiano Ronaldo) បានក្លាយជាកីឡាករ ដែលរកគ្រាប់បាល់​បាន១០៩គ្រាប់ ស្មើកីឡាករ«Ali Daei» អតីត​ខ្សែប្រយុទ្ធ​ជាតិអៀរ៉ង់ ដែល​មុន​មកដល់ថ្ងៃនេះ ...
កីឡា និងបច្ចេកវិទ្យា

ព័រទុយហ្គាល់ និង រ៉ូណាល់ដូ លើកពាន «Nations League» ដំបូងគេ

ក្រុមជម្រើសជាតិ ព័រទុយហ្គាល់ បានលើកពាន «Nations League» របស់សហភាពបាល់ទាត់អ៊ឺរ៉ុប «UEFA» ដែលទើបត្រូវបានបង្កើតឡើង សម្រាប់រដូវកាលទីមួយ (ឆ្នាំ២០១៨-​២០១៩) បន្ទាប់ពីបានប្រកួតឈ្នះក្រុម ហូឡង់ ក្នុងការប្រកួតផ្ដាច់ព្រ័ត្រ ...
កីឡា និងបច្ចេកវិទ្យា

Champions League៖ ៨ក្រុមចុងក្រោយ ដែលត្រូវប្រកួតវគ្គ១ភាគ៤

៨ក្រុមចុងក្រោយ មកពី៥ប្រទេស ក្នុងទ្វីបអ៊ឺរ៉ុបខាងលិច បានឈ្នះសំបុត្រឆ្លងវគ្គ ឡើងទៅដណ្ដើម​ពានត្រជៀកធំ ជាម្ចាស់ជើងឯកអ៊ឺរ៉ុប «Champions League» សម្រាប់ឆ្នាំ​២០១៨-​២០១៩នេះ។  ជាការកត់សម្គាល់ ប្រទេសដែលមានក្រុមបាល់ទាត់ជោគជ័យបំផុត គឺចក្រភពអង់គ្លេស ដែលឆ្នាំនេះ ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.