កីឡា និងបច្ចេកវិទ្យាបាល់ទាត់

អេដេន ហាហ្សា នឹងក្លាយ​ជាកីឡាករ​ក្រុមរៀល ចាប់ពី​ចុងខែ​នេះ

កីឡាករ អេដេន ហាហ្សា (Eden Hazard) ខ្សែបម្រើសព្វថ្ងៃ របស់ក្រុមតោខៀវអង់គ្លេស នឹងក្លាយជាកីឡាករក្រុមអធិរាជអាវស ចាប់ពី​ចុងខែ​នេះ ពោលគឺនៅក្រោយការប្រកួតផ្ដាច់ព្រ័ត្រ ក្របខណ្ឌ «Europa League» រវាងក្រុមតោខៀវ ឆែលស៊ី (Chelsea – អង់គ្លេស) និងក្រុមកាំភ្លើងធំ អាសឺណល (Arsenal – អង់គ្លេស)។

គឺសារព័ត៌មានបារាំង «L’Equipe» ជាអ្នកអះអាង កាលពីមុននេះបន្តិច អំពីព័ត៌មានខាងលើ ដោយបញ្ជាក់ថា ការផ្ទេរកីឡាករដ៏ល្បីរូបនេះ ធ្វើឡើងក្នុងកម្រិតទឹកប្រាក់ ប្រមាណជា១០០លានអ៊ឺរ៉ូ ហើយក្រុមអាធិរាជអាវស ត្រៀមខ្លួនរួចជាស្រេចហើយ ថានឹងធ្វើការប្រកាសជាផ្លូវការ ពីដំណឹងនេះ នៅចុងខែឧសភា។

តាំងពីច្រើនសប្ដាហ៍មុន ដំណឹងនៃការផ្ទេរកីឡាករ ត្រូវបានទម្លាយឲ្យដឹង តាមរយៈសារព័ត៌មាន ក្នុងប្រទេសអេស្ប៉ាញ។ ជាពិសេសដំណឹងនេះ កាន់តែត្រូវបាន​ពង្រីកធំឡើង បន្ទាប់ពីលោក ហ្ស៊ីណាឌីន ហ្សីដាន់ (Zinédine Zidane) បានត្រឡប់មក ធ្វើជាគ្រូបង្វឹក របស់ក្រុម រៀលម៉ាឌ្រីត (Real Madrid – អេស្បាញ) ឡើងវិញ។

ទំហំទឹកប្រាក់១០០លានអ៊ឺរ៉ូ អាចជាតម្លៃដ៏ខ្ពស់បំផុតមួយ ខណៈកីឡាករខ្សែបម្រើ ជាតិប៊ែលហ្សិក អាយុ២៨ឆ្នាំរូបនេះ នៅជំពាក់កិច្ចសន្យា ជាមួយក្រុម ឆែលស៊ី តែមួយឆ្នាំទៀតប៉ុណ្ណោះ។

កីឡាករ អេដេន ហាហ្សា បានចាកចេញពីក្រុម លីល៍ (Lille OSC – បារាំង) មកទាត់ឲ្យក្រុម ឆែលស៊ី នៅឆ្នាំ២០១២។ ក្នុងរដូវកាល ២០១៤-២០១៥ កីឡាករបានជ្រើសតាំង ជាកីឡាករឯក សម្រាប់ក្របខណ្ឌ «Premier League»។

នៅជាមួយក្រុមតោខៀវ កីឡាករបានឈ្នះជាជើងឯក «Premier League (ក្របខណ្ឌប្រកួតជុំបូកពិន្ទុ)» ចំនួនពីរដង នៅឆ្នាំ២០១៥ និងឆ្នាំ២០១៧ ឈ្នះពានអង់គ្លេស «FA Cup» ចំនួនម្ដង នៅឆ្នាំ២០១២០១៧ និងឈ្នះពាន «EFL cup» ចំនួនម្ដង នៅឆ្នាំ២០១៩។

សម្រាប់រដូវកាល ២០១៨-២០១៩នេះ កីឡាករអាចនឹងរកបានពានមួយទៀត ក្នុងក្របខណ្ឌអ៊ឺរ៉ុប គឺ «Europa League» ក្នុងការប្រកួតផ្ដាច់ព្រ័ត្រ ដែលនឹងប្រព្រឹត្តិទៅ នៅថ្ងៃទី២៩ ខែឧសភាខាងមុខ មុននឹងការចាកចេញ របស់កីឡាករ ទៅកាន់ក្រុមរៀល៕



លំអិតបន្ថែមទៀត

កីឡា និងបច្ចេកវិទ្យា

អេដេន ហាហ្សា ចុះហត្ថលេខា​ផ្លូវការ​​លេងឲ្យ​ក្រុមរៀល ៥រដូវកាល

បន្ទាប់ពីលេងឲ្យក្រុម ឆែលស៊ី (Chelsea FC – អង់គ្លេស) អស់រយៈពេល៧រដូវកាលមក ខ្សែបម្រើជាតិប៊ែលហ្សិក កីឡាករ អេដេន ហាហ្សា (Eden Hazard) ...
កីឡា និងបច្ចេកវិទ្យា

លូកា ម៉ូឌ្រិក ឈ្នះ​ជា​ម្ចាស់​«បាល់មាស»​ឆ្នាំ២០១៨

ខ្សែបម្រើប្រកបដោយទេពកោសល្យ របស់ក្រុមរៀលម៉ាឌ្រីត (Real Madrid) និងក្រុមជម្រើសជាតិ នៃប្រទេសក្រូអាស៊ី កីឡាករ លូកា ម៉ូឌ្រិក (Luka Modric) បានបន្តតំណែង ពីកំពូលខ្សែប្រយុទ្ធ ...
កីឡា និងបច្ចេកវិទ្យា

រ៉ូណាល់ដូ ទស្សនាផ្ទាល់​ការប្រកួត រៀល-បាសា ដើម្បីអបអរ​អតីត​មិត្តរួមក្រុម

កំពូលខ្សែប្រយុទ្ធ កីឡាករ គ្រីស្ទាណូ រ៉ូណាល់ដូ (Cristiano Ronaldo) គឺជាភ្ញៀវដ៏មានកិត្តិយសមួយរូប នៅក្នុង ការប្រកួត រវាងក្រុម រៀល (Real Madrid – ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

[ដំណឹងផ្លូវការ] អ៊ឹមបាពេ បន្ត​កិច្ចសន្យា​៣ឆ្នាំ ជាមួយក្រុម ប៉ារីស

កីឡា និងបច្ចេកវិទ្យា

ក្រុមអតីត​កីឡាករបាល់ទាត់​នៅបារាំង ប្រកួតគ្នា​ដើម្បីជួយ​កុមារ​អ៊ុយក្រែន

ជាការជួប«ប្រកួតគ្នា​ដើម្បីជួយ​កុមារ​អ៊ុយក្រែន» ធ្វើឡើងដោយក្រុមអតីតកីឡាករ-កីឡាការិនី ដែលធ្លាប់លេង​ឲ្យក្រុមបាល់ទាត់អាជីព នៅក្នុងប្រទេសបារាំង។ ជាជំនួប«មិត្តភាព» ដែលរៀបចំឡើងជាលើកទី២ ដោយអង្គការ«UNICEF» ដើម្បីចូលរួមក្នុងបុព្វហេតុ របស់អង្គការដ៏ធំមួយនេះ (UNICEF ជាផ្នែកមួយ របស់អង្គការសហប្រជាជាតិ ទទួលបន្ទុកខាងកុមារ)។ ...
កីឡា និងបច្ចេកវិទ្យា

Champions League៖ លីវើភូល បំបាក់​ក្ដីសុបិន្ដ​ផ្ដាច់ព្រ័ត្រ វីឡារ៉េអាល

ក្ដីសុបិន្ដរបស់ក្រុម វីឡារ៉េអាល (Villarreal – អេស្ប៉ាញ) មានជីវិត​ត្រឹមតែ​៤៥នាទីដំបូង ក្នុងការប្រកួតល់នឹងក្រុម លីវើភូល (Liverpool – ) ប៉ុណ្ណោះ។ ជាការប្រកួតជុំទី២ ...