កីឡា និងបច្ចេកវិទ្យាប្រដាល់

ផាគីអៅ យកឈ្នះ ប្រ៊ូន័រ ដោយពិន្ទុនិង​ទទួល​ខ្សែក្រវាត់ WBA មកពាក់

កីឡាករប្រដាល់ដ៏ល្បី ជាតិហ្វីលីពីន លោក មានី ផាគីអៅ (Manny Pacquiao) ទទួលបានខ្សែក្រវាត់ «WBA» មកពាក់ទាំងក្ដីរំភើប បន្ទាប់ពីបានវាយឈ្នះកីឡាករ ជាតិអាមេរិក លោក អាឌ្រីអ៊ាង ប្រ៊ូន័រ (Adrien Broner) ក្នុងយប់ថ្ងៃទី១៩ ចូលមកថ្ងៃទី២០ ខែមករា ឆ្នាំ២០១៩នេះ នៅក្រុងឡាសវេហ្គាស សហរដ្ឋអាមេរិក។

ជ័យជំនះរបស់កីឡាករ មកពីទ្វីបអាស៊ី ត្រូវបានកាត់សេចក្ដី ដោយសម្លេងជាឯកច្ឆ័ន្ទ ពីសំណាក់ចៅក្រមទាំងអស់ នៅក្នុងការប្រកួត១២ជុំ ដ៏សម្បើមមួយនេះ។

ការកាត់សេចក្ដី របស់អស់លោកចៅក្រម ក៏មិនខុសប៉ុន្មានឡើយ ពីការកាត់សេចក្ដី របស់បណ្ដាអ្នកទស្សនា នៅផ្ទាល់កន្លែង និងនៅជុំវិញពិភពលោក ដែលមើលឃើញថា កីឡាករជាតិហ្វីលីពី មានប្រៀបយ៉ាងខ្លាំង និងបានវ៉ៃចេញបានច្រើនដៃ ចំកណ្ដាលមុខកីឡាករ ប្រ៊ូន័រ។

គូប្រកួតជាច្រើន របស់កំពូលកីឡាករ ផាគីអៅ តែងរំលឹកប្រាប់គ្នីគ្នាថា ឲ្យប្រយ័ត្នបំផុតចំពោះកណ្ដាប់ដៃសន្ធាប់ នៅពេលកីឡាករហ្វីលីពីនរូបនេះ វាយចេញទៅម្ដងៗ។ នៅក្នុងការប្រកួតលើកនេះ អមដោយសម្លេងហ៊ោរកញ្ជៀវ ពីសំណាក់អ្នកទស្សនា នៅផ្ទាល់កន្លែង​ផង កីឡាករ ផាគីអៅ បើកការវាយចេញជាច្រើនដង ប្រកបដោយសន្ទុះយ៉ាងខ្លាំងក្លា ទៅលើគូប្រកួតខ្លួន។

កីឡាករ ប្រ៊ូន័រ ដែលរងមួយដៃៗ ធ្ងន់ៗពីគូប្រកួត បានស្រវាឱបកីឡាករ ជាតិហ្វីលីពីនវិញ ដើម្បីទប់ស្កាត់ការវាយសន្ធាប់ទាំងនោះ និងដើម្បីចៀសវាង ការដួលចាញ់ (KO) ទាំងមិនទាន់ចប់ការប្រកួត។

បន្ទាប់ពីជ័យជំនះនេះទៅ កំពូលកីឡាករប្រដាល់ មកពីទ្វីបអាស៊ី ដែលមានវ័យ៤០ឆ្នាំរូបនេះ មានបំណងងាក​ទៅរកការប្រកួតមួយទៀត​ ដែលអាចជា​ការប្រកួតចុងក្រោយ នៃជីវិតប្រដាល់​របស់ខ្លួន៖ នោះ គឺការសងសឹក​ តាមរយៈការវិល​​មករកសង្វៀនវិញ ជាមួយកីឡាករ ផ្លយ ម៉ាយវេឌើរ (Floyd Mayweather) ដែលបានវាយកីឡាករ ផាគីអៅ ឲ្យចាញ់ដោយពិន្ទុ កាលពីឆ្នាំ២០១៥៕



លំអិតបន្ថែមទៀត

កីឡា និងបច្ចេកវិទ្យា

កីឡាករ​កាស​ដ៏​សម្បើម​ម្នាក់​នេះ លោតពីជាន់ទីពីរ បង្ក្រាប​គូប្រកួត

ដើម្បីបង្ក្រាបគូប្រកួតខ្លួន កីឡាករ​កាស​ដ៏​សម្បើម​ម្នាក់​នេះ បានឡើងទៅជាន់ទីពីរ នៃអគារផ្សារទំនើបមួយ ក្នុងរដ្ឋ «Louisiane» សហរដ្ឋអាមេរិក ដើម្បីលោតពីទីនោះ មកលើសង្វៀន។ កីឡាកររូបនោះ ឈ្មោះ «PJ Hawx» ...
ដំណឹង

បាតុករ​បារាំង​ម្នាក់​ដែល​ដាល់​ភ្នាក់ងារ​នគរបាល ជា«កីឡាករ​អាជីព»

កីឡាករ​អាជីព – ជារូបភាពគួរឲ្យកត់សម្គាល់ សម្រាប់រលកទី៨ នៃបាតុកម្មអាវកាក់លឿង នៅថ្ងៃសៅរ៍ទី៥ ខែមករា ឆ្នាំ២០១៩នេះ នៅពេលបាតុករម្នាក់ បានដាល់នគរបាល។ ហេតុការណ៍កើតឡើង នៅលើស្ពាន «Leopold-Sédar-Senghor» ...
កីឡា និងបច្ចេកវិទ្យា

រំពេចនោះ… កីឡា​បាល់បោះ​ក្នុងទឹក ក្លាយ​ជា​ប្រដាល់​គុនចម្រុះ​​ MMA

រឿងរ៉ាវបានកើតឡើង ក្នុងការប្រកួត រវាងក្រុម «Moskvich» និងក្រុម «Kazan» នៅប្រទេសរ៉ុស្ស៊ី ក្នុងសប្ដាហ៍កន្លងមក៖ កីឡាបាល់បោះក្នុងទឹក «Water-polo» បានប្រែក្លាយភ្លាមៗ ទៅជាប្រដាល់គុនចម្រុះ «MMA»។ ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

[ដំណឹងផ្លូវការ] អ៊ឹមបាពេ បន្ត​កិច្ចសន្យា​៣ឆ្នាំ ជាមួយក្រុម ប៉ារីស

កីឡា និងបច្ចេកវិទ្យា

ក្រុមអតីត​កីឡាករបាល់ទាត់​នៅបារាំង ប្រកួតគ្នា​ដើម្បីជួយ​កុមារ​អ៊ុយក្រែន

ជាការជួប«ប្រកួតគ្នា​ដើម្បីជួយ​កុមារ​អ៊ុយក្រែន» ធ្វើឡើងដោយក្រុមអតីតកីឡាករ-កីឡាការិនី ដែលធ្លាប់លេង​ឲ្យក្រុមបាល់ទាត់អាជីព នៅក្នុងប្រទេសបារាំង។ ជាជំនួប«មិត្តភាព» ដែលរៀបចំឡើងជាលើកទី២ ដោយអង្គការ«UNICEF» ដើម្បីចូលរួមក្នុងបុព្វហេតុ របស់អង្គការដ៏ធំមួយនេះ (UNICEF ជាផ្នែកមួយ របស់អង្គការសហប្រជាជាតិ ទទួលបន្ទុកខាងកុមារ)។ ...
កីឡា និងបច្ចេកវិទ្យា

Champions League៖ លីវើភូល បំបាក់​ក្ដីសុបិន្ដ​ផ្ដាច់ព្រ័ត្រ វីឡារ៉េអាល

ក្ដីសុបិន្ដរបស់ក្រុម វីឡារ៉េអាល (Villarreal – អេស្ប៉ាញ) មានជីវិត​ត្រឹមតែ​៤៥នាទីដំបូង ក្នុងការប្រកួតល់នឹងក្រុម លីវើភូល (Liverpool – ) ប៉ុណ្ណោះ។ ជាការប្រកួតជុំទី២ ...