កីឡា និងបច្ចេកវិទ្យាប្រដាល់

កីឡាកាស៖ «Silver King» គាំង​បេះដូង​ស្លាប់ នៅក្នុង​ពេល​ប្រកួត

ពិភពកីឡាចំបាប់សេរី ឬហៅថា កីឡាកាស (បារាំងហៅ Catch អង់គ្លេសហៅ Wrestling) បានបាត់បង់កីឡាករល្បីម្នាក់ កាលពីយប់ថ្ងៃសៅរ៍ ចុងសប្ដាហ៍នេះ ក្នុងការប្រកួតបែបមិត្តភាពមួយ នៅរាជធានីឡុងដ៍ នៃចក្រភពអង់គ្លេស។ កីឡាករដែលមានរហស្សនាម «Silver King» ជនជាតិម៉ិចស៊ិក បានរងគ្រោះនឹងអាការៈគាំងបេះដូង នៅក្នុងការប្រកួត និងបានស្លាប់នៅពេលបន្ទាប់មក។

លោក «César Cuauhtémoc González Barrón » ដែលជាឈ្មោះពិតរបស់កីឡាករ បានទទួលមរណភាព ក្នុងអាយុ៥១ឆ្នាំ បន្ទាប់ពីលោកបានជួបប្រកួត ជាមួយកីឡាករជាតិម៉ិកស៊ិកដូចគ្នា គឺកីឡាករ «Juventud Guerrera»។

រូបភាពវីដេអូ នៃការប្រកួតរវាងកីឡាករទាំងពីរ បានបង្ហាញពីអាការៈមិនស្រួលរបស់កីឡាករ «Silver King» ដែលដំបូងឡើយ មានប្រៀបលើគូប្រកួតរបស់ខ្លួន។ កីឡាកររងគ្រោះ ថែមទាំងបានព្យាយាមងើបមកវិញ ប៉ុន្តែសភាពជំងឺទាន់ហន់ បានធ្វើឲ្យកីឡាករបាត់មាត់បាត់ក និងដេកនៅលើសង្វៀនរហូត។

អាជ្ញាកណ្ដាល ដែលមិនបានគិតដល់ ពីអាការៈខាងលើ មិនបានធ្វើប្រតិកម្មភ្លាមៗទេ។ ក្រុមអ្នកជួយសង្គ្រោះបានមកដល់ និងព្យាយាមធ្វើចលនាបេះដូង ឲ្យកីឡាករកម្រើកឡើង។ តែកីឡាករបានដាច់ខ្យល់ រួចស្រេចទៅហើយ។

សម្រាប់អាជ្ញាធរវិញ បានអះអាងថា មរណភាពខាងលើ​មិនបានបង្ក ឲ្យមានការសង្ស័យអ្វីផ្សេង ក្រៅពីបញ្ហាសុខភាពផ្ទាល់ របស់កីឡាករនោះឡើយ៕



You may also like

ដំណឹង

បាតុករ​ប្រដាល់​បានពាក់«ស្នាប់ដៃ​សំណរ» ដើម្បី​ដាល់​នគរបាល

ប្រភពមួយស្និតនឹងសំនុំរឿង បានអះអាងថា បាតុករដែលគេស្គាល់​ក្រោយមក ថាជា «អ្នកប្រដាល់អាជីព» បានពាក់ស្រោមដៃ ដែលមានបំពាក់ដោយផ្ទាំងសំណរ (មានលក្ខណៈជា ស្នាប់ដៃ​សំណរ) នៅពេលដែលជននេះ បាន«ដាល់»ភ្នាក់ងារនគរបាល កាលពីរសៀល​ថ្ងៃសៅរ៍។ ជននេះ ...
កីឡា និងបច្ចេកវិទ្យា

«អាថ៌កំបាំង»​របស់ ផាគីអៅ នៅ​មុន​ឡើង​សង្វៀន​ប្រកួត​ទល់នឹង​ ប្រ៊ូន័រ

នៅប៉ុន្មានម៉ោង មុនការប្រកួតទល់នឹងកីឡាករ អាឌ្រីអ៊ាង ប្រ៊ូន័រ (Adrien Broner) នៅក្រុងឡាសវេហ្គាស (ភាគខាងលិចសហរដ្ឋអាមេរិក) កីឡាករប្រដាល់ មានី ផាគីអៅ (Manny Pacquiao) ...
កីឡា និងបច្ចេកវិទ្យា

បាក់​ឆ្អឹងមុខ​៨កន្លែង បន្ទាប់ពី​ប្រកួត​គុនចម្រុះ​បាន​«២៩វិនាទី»

ការប្រកួតបានចាប់ផ្ដើម ប្រមាណតែ«២៩វិនាទី»ប៉ុណ្ណោះ តែកីឡាករអាមេរិក «Sage Northcutt» បានរងមួយដៃរបស់គូប្រកួត ធ្វើឲ្យកីឡាករវ័យ២៣ឆ្នាំរូបនេះ ដួលបះជើង នៅលើសង្វៀន «One FC» ក្របខណ្ឌគុនចម្រុះ «MMA» ...

Comments are closed.

កីឡា និងបច្ចេកវិទ្យា

តូម៉ាស់ ធូហែល ត្រូវបានតែងតាំង​ជាគ្រូបង្វឹក របស់ក្រុម ឆែលស៊ី

កីឡា និងបច្ចេកវិទ្យា

«FIFA» មិនទទួលស្គាល់ «SuperLeague» និងគម្រាម​ដាក់ទណ្ឌកម្ម

សហព័ន្ធបាល់ទាត់ពិភពលោក «FIFA» បានប្រកាសនៅថ្ងៃព្រហស្បត្តិ៍ ទី២១ ខែមករានេះ មិនទទួលស្គាល់ក្របខណ្ឌ «SuperLeague» ដែលត្រូវបានសារព័ត៌មាន យកមកផ្សាយថា ជាការផ្ដួចផ្ដើមឡើង របស់ក្រុមបាល់ទាត់យក្សមួយចំនួន នៅអ៊ឺរ៉ុប។ ស្ថាប័នអន្តរជាតិ ...
កីឡា និងបច្ចេកវិទ្យា

Super Cup៖ ប៊ីលបៅ លើកពាន​បន្ទាប់ពី​បំបាក់ បាសា និង ម៉េស៊ី

រដូវកាលនេះ ពាន«Super Cup»​របស់ប្រទេសអេស្ប៉ាញ បានធ្លាក់ទៅក្នុងដៃ របស់ក្រុម អាត្លេទិក-ប៊ីលបៅ (Athletic Bilbao) បន្ទាប់ពីក្រុមនេះ បានប្រកួត​យកឈ្នះក្រុម បាសឺឡូន (Barcelone) នៅក្នុងការបន្ថែម​ម៉ោង ...