បាក់​ឆ្អឹងមុខ​៨កន្លែង បន្ទាប់ពី​ប្រកួត​គុនចម្រុះ​បាន​«២៩វិនាទី»

Loading...

ការប្រកួតបានចាប់ផ្ដើម ប្រមាណតែ«២៩វិនាទី»ប៉ុណ្ណោះ តែកីឡាករអាមេរិក «Sage Northcutt» បានរងមួយដៃរបស់គូប្រកួត ធ្វើឲ្យកីឡាករវ័យ២៣ឆ្នាំរូបនេះ ដួលបះជើង នៅលើសង្វៀន «One FC» ក្របខណ្ឌគុនចម្រុះ «MMA» កាលពីថ្ងៃសុក្រសប្ដាហ៍មុន នៅក្នុងប្រទេសសិង្ហបូរី។ 

តែមួយដៃរបស់គូប្រកួត កីឡករប្រេស៊ីល «Cosmo Alexandre» គ្រប់គ្រាន់នឹងធ្វើឲ្យកីឡករ «Sage Northcutt» ត្រូវធ្វើការវះកាត់ជាបន្ទាន់ និងដាក់ដែកទ្រឆ្អឹងមុខ ចំនួន៨កន្លែង។

តាមពិតទៅ បន្ទាប់ពីរងមួយដៃយ៉ាងធ្ងន់នោះរួច កីឡាករអាមេរិកបានដួលដេកលើសង្វៀន តែបានព្យាយាម​ងើបមកវិញ ដើម្បីអនុញ្ញាតឲ្យអាជ្ញាកណ្ដាលប្រកាសលទ្ធផល។ តែចេញពីការប្រកួតនោះ កីឡាករត្រូវបញ្ជូនទៅសម្រាកព្យាបាល នៅឯមន្ទីរពេទ្យជាបន្ទាន់ ក្នុងប្រទេសសិង្ហបូរី។

នៅលើទំព័រអ៊ិនស្ដាហ្គ្រាម កីឡាករបានបង្ហោះរូបពីរសន្លឹក ដើម្បីប្រាប់អ្នកគាំទ្រ អំពីស្ថានភាពរបស់ខ្លួន នៅក្រោយពីការវះកាត់ដ៏យូរមួយ។ អមជាមួយរូបថតទាំងនេះ កីឡាករ «Sage Northcutt » បានសរសេរបែបកំប្លែងថា៖

«[ខ្ញុំ]ទើបវះកាត់រួច។ ខ្ញុំរងការបាក់ឆ្អឹង៨កន្លែង និងត្រូវធ្វើការវះកាត់ យ៉ាងហ្មត់ចត់ ក្នុងរយៈពេល៩ម៉ោង។ ខ្ញុំមានអារម្មណ៍ថា មានសំណាងណាស់ និងសូមអរគុណក្រុមគ្រូពេទ្យ ដែលបានផ្ដល់ឲ្យខ្ញុំ នូវការព្យាបាលដ៏អស្ចារ្យ។»

«មុខមនុស្សយន្ដរបស់ខ្ញុំ មិនជាអាក្រក់ណាស់ណាទេ។ តែខ្ញុំនឹងត្រឡប់មកវិញ។ ខ្ញុំនឹងបង្ហោះលើកក្រោយទៀត បន្ទាប់ពីបំពង់ទុយោ[ចាក់ថ្នាំ-ដកដង្ហើម]ទាំងនេះ ត្រូវបានដកចេញរួចរាល់៕»

» សូមប្រយ័ត្ន! រូបភាពអាចប៉ះពាល់ដល់អារម្មណ៍៖

Loading...

មតិយោបល់