ដំណឹងពិភពលោក

ត្រាំ ផ្ដល់​ភ្លើងខៀវ​ឲ្យ​ផលិត​«កំពូល​កាំជ្រួច» ដែល​លឿន​ជាងគេ​បំផុត

ប្រធានាធិបតីអាមេរិក លោក ដូណាល់ ត្រាំ (Donald Trump) បានសម្រេច​នៅថ្ងៃ​សុក្រ​នេះ ឲ្យផលិត«កំពូល​កាំជ្រួច» ដែលជាកាំជ្រួចប្រភេទថ្មី លឿនជាងសម្លេង និងលឿនជាង​កាំជ្រួច ដែល​ប្រទេស​រុស្ស៊ី ឬចិន មានសព្វថ្ងៃ។

ការសម្រេច របស់មេដឹកនាំប្រទេស​មហាអំណាច បានបង្ក​ឲ្យមានកង្វល់ អំពីការប្រលង​ប្រណាំង​សព្វាវុធ ដែលនឹងអាចកើតមាន ជាថ្មីទៀត។

ក្នុងឱកាស នៃការ​ដាក់ឲ្យប្រើប្រាស់ អំពីរូបសញ្ញានៃកងកម្លាំងថ្មីមួយ «Space Force» របស់សហរដ្ឋ​អាមេរិក ក្នុងសេតវិមាន លោក ដូណាល់ ត្រាំ បានថ្លែងឡើងថា៖

«ខ្ញុំបានដឹងថា កាំជ្រួចប្រភេទហ្នឹង មានល្បឿន១៧ដង លឿនជាកាំជ្រួច ដែលពួកគេ មាន​សព្វថ្ងៃ។ ដូច្នេះ វាជាកាំជ្រួច ដែលលឿនជាងគេ ជាងអ្វីដែលយើងមាន ក្នុង​ពេលនេះ។»

ប្រទេសរុស្ស៊ី បានប្រកាសកាលពីពេលថ្មីៗនេះ ថាខ្លួននឹងផលិតកាំជ្រួច ដែលមានល្បឿន លឿនបំផុត ហើយមានលទ្ធភាព អាចបំពាក់​ក្បាលគ្រាប់​នុយក្លេអ៊ែរ​បាន។ កាំជ្រួច​ប្រភេទ​ថ្មី នឹងមាន​ល្បឿន ២០ដង លឿនជាសម្លេងរបស់វា។

ប្រធានាធិបតីរុស្ស៊ី លោក វ្លាឌីមៀរ ពូទីន (Vladimir Poutine) បានប្រកាសទៀតថា កាំជ្រួចលឿនជាងសម្លេងនេះ នឹងអាចត្រូវ យកមកប្រើប្រាស់ នៅខែធ្នូខាងមុខ។

សម្រាប់ប្រទេសចិនវិញ ក៏បានអភិវឌ្ឍ នៅលើប្រភេទកាំជ្រួច ដែលមានល្បឿន លឿនជាង​សម្លេង នេះដែរ តែគម្រោងនៃការផលិតកាំជ្រួចនោះ ទំនងជាមិនមានល្បឿន ដល់​កាំជ្រួច ដែលប្រទេសរុស្ស៊ីផលិតឡើងទេ។ ប៉ុន្តែបើតាមគម្រោងនោះ កាំជ្រួចថ្មី​របស់ចិន នឹងមានល្បឿន លឿនជាងកាំជ្រួច ដែលសហរដ្ឋអាមេរិក កំពុងមានសព្វថ្ងៃ៕



លំអិតបន្ថែមទៀត

ជនសង្ស័យ «Patrick Crusius» នៃការបាញ់ប្រហារដ៏រង្គាលមួយក្នុងមជ្ឈមណ្ឌលពាណិជ្ជកម្ម នៃក្រុង «El Paso» រដ្ឋតិចសាស់។
របាយការណ៍

បាញ់ប្រហារ​នៅ​តិចសាស់ ព្រោះ​ការស្អប់ខ្ពើម? ស្លាប់​២០នាក់ របួស​២៦នាក់

បាញ់ប្រហារ​នៅតិចសាស់ – សហរដ្ឋអាមេរិកបានកាន់ទុក្ខសារជាថ្មី បន្ទាប់ពី​ការបាញ់​ប្រហារ​ដ៏រង្គាលមួយ បានកើតឡើងក្នុងថ្ងៃសៅរ៍ ទី៣ ខែសីហា ឆ្នាំ២០១៩ម្សិលម៉ិញ ក្នុង​មជ្ឈមណ្ឌលពាណិជ្ជកម្ម នៃក្រុង «El Paso» រដ្ឋតិចសាស់ ...
កម្ពុជា

អ៊ូ វីរៈ៖ ព្រឹទ្ធសមាជិក​ប្រចាំរដ្ឋ មិនមែន​ជា​សមាជិក​ព្រឹទ្ធសភា​អាមេរិក​ទេ

អ្នកវិភាគបញ្ហានយោបាយ និងសង្គម លោក អ៊ូ វីរៈ បានថ្លែងអះអាងថា ព្រឹទ្ធសមាជិក​ប្រចាំរដ្ឋ នៅសហរដ្ឋអាមេរិក មិនមែនជាសមាជិកព្រឹទ្ធសភា នៃសហរដ្ឋអាមេរិកនោះទេ។ ការលើកឡើងរបស់អ្នកវិភាគ ធ្វើឡើងបន្ទាប់ពីប្រព័ន្ធបំពងសម្លេង របស់របបក្រុងភ្នំពេញ ...
ដំណឹង

ការផ្ទុះនៅ Nashville៖ នគរបាលឮ​សម្លេង​ ព្រមានពី​គ្រាប់បែក​ក្នុងរថយន្ដ

ភ្នាក់ងារនគរបាល ដែលដើរទៅក្បែររថយន្ដកំពីង បានស្ដាប់ឮសម្លេង ដែលទំនងជាខ្សែអាត់ថតទុក ព្រមានពីគ្រាប់បែកក្នុងរថយន្ដ ថានឹងផ្ទុះឡើង ក្នុងរយះពេល១៥នាទីទៀត។ នេះ បើតាមអះអាងរបស់លោក «John Drake» នាយនគរបាលក្រុង «Nashville» ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.