ដំណឹងពិភពលោក

បាតុកម្ម​នៅ​វេណេហ្សុយអេឡា៖ អាមេរិក​ប្រាប់ ម៉ាឌូរ៉ូ ឲ្យ​ចាកចេញ

ក្នុងខណៈភាពតានតឹង កំពុងផ្ទុះឡើងនៅតាមដងផ្លូវនានា នៃរដ្ឋធានី ការ៉ាកាស (វេណេស៊ុយអេឡា) នោះ រដ្ឋបាលអាមេរិកសឹងតែទាំងមូល រាប់តាំងពីទីប្រឹក្សាផ្នែកសន្តិសុខ លោក ចន ប៊លថុន (John Bolton) រដ្ឋមន្ត្រីការបរទេស លោក ម៉ៃ ភមភីអូ (Mike Pompeo) និងជាពិសេសលោកប្រធានាធិបតី លោក ដូណាល់ ត្រាំ (Donald Trump) ខ្លួនលោកផង បានអះអាងជាថ្មី និងជាបន្តបន្ទាប់ ស្នើលោក នីកូឡា ម៉ាឌូរ៉ូ (Nicolas Maduro) ប្រធានាធិបតីក្នុងតំណែង នៃប្រទេសវ៉េណេស៊ុយអេឡា «ឲ្យ​ចាកចេញ»ពីតំណែង។

លោក ម៉ៃ ភមភីអូ បានថ្លែងក្នុងកិច្ចសម្ភាសមួយ នៅតាមកញ្ចក់ទូរទស្សន៍ «CNN» ថា៖

«នីកូឡា ម៉ាឌូរ៉ូ មានយន្ដហោះមួយ នៅក្នុងចំណតឯកជនរបស់គាត់ គាត់ត្រៀមខ្លួនចាកចេញ នៅព្រឹកនេះ បើតាមព័ត៌មានរបស់យើង ដែលទទួលបាន។ តែរដ្ឋាភិបាលរ៉ូស្ស៊ី បានប្រាប់ឲ្យគាត់បន្តនៅក្នុងអំណាច បន្តទៀត។»

រដ្ឋមន្ត្រីការបរទេសអាមេរិករូបនេះ អះអាងទៀតថា លោក ម៉ាឌូរ៉ូ មានគម្រោងថា នឹងភៀសខ្លួន ចេញទៅជ្រកកោន នៅក្នុងប្រទេសគុយបា។ នៅពេលអ្នកសារព័ត៌មាន សាកសួរពីប្រភព លោក ភមភីអូ បានបដិសេធ មិនធ្វើអត្ថាធិប្បាយអ្វីច្រើនទេ ដោយគ្រាន់តែបញ្ជាក់ថា សហរដ្ឋអាមេរិក​មានទំនាក់ទំនង ជាមួយមនុស្សជាច្រើន នៅក្នុងប្រទេសវេណេស៊ុយអេឡា។

«ត្រាំ ស្នើកងទ័ពគុយបា ឲ្យ​ចាកចេញ»

នៅមុននេះបន្តិច លោក ដូណាល់ ត្រាំ បានតម្លើងសម្លេង ដាក់ប្រទេសគុយបា ដោយគម្រាម កោះកុម្មុយនីស្ដិ៍មួយនេះ អំពី«វិធានការទាំងស្រុង»មួយ ប្រសិនជាកងកម្លាំងប្រដាប់​អាវុធគុយបា មិនបញ្ឈប់ជាបន្ទាន់ ប្រតិបត្តិការយោធា របស់ខ្លួន នៅក្នុងប្រទេស វេណេស៊ុយអេឡា ទេនោះ។ ប្រធានាធិបតីអាមេរិក បានបន្តថា៖

«សង្ឃឹមថា ទាហានគុយបាទាំងអស់ នឹងវិលត្រឡប់ចូលប្រទេសវិញ ក្នុងពេលភ្លាមៗ និងដោយសន្តិភាព។»

សម្រាប់ទីប្រឹក្សាជាតិផ្នែកសន្តិសុខ លោក ចន ប៊លថុន វិញ បានអះអាងថា មន្ត្រីសំខាន់ៗ នៃរបបដឹកនាំរបស់លោក នីកូឡា ម៉ាឌូរ៉ូ បានធ្វើការចរចាជាសម្ងាត់ ជាមួយនឹងមេដឹកនាំប្រឆាំងវេណេស៊ុយអេឡា នៅប៉ុន្មានសប្ដាហ៍ចុងក្រោយនេះ។

លោក ចន ប៊លថុន បានដាក់ឱសានវាទ ទៅឲ្យមន្ត្រីវេណេស៊ុយអេឡាទាំងនោះ មានដូចជារដ្ឋមន្ត្រីការពារជាតិ មេអង្គរក្សប្រធានាធិបតី និងប្រធានតុលាការកំពូល ដូច្នេះថា៖

«ពេលវេលារបស់អស់លោក បានមកដល់ហើយ។ គឺជាសំណាងចុងក្រោយ របស់អស់លោក។»

តាំងពីចុងខែមករាមក ប្រទេសវេណេស៊ុយអេឡា មានប្រធានាធិបតីពីររូប៖ មួយរូបជាមេដឹកនាំប្រឆាំង លោក រ៉ន់ ហ្គេដូ ដែលបានប្រកាសខ្លួន ជាប្រធានាធិបតីស្តីទី ហើយទទួលបានការគាំទ្រ ពីមហាអំណាច លោកខាងលិច និងប្រទេសជាច្រើន ប្រមាណជា ៥០ នៅលើពិភពលោក។

មួយរូបទៀត គឺលោក នីកូឡា ម៉ាឌូរ៉ូ ប្រធានាធិបតីក្នុងតំណែង ដែលទទួលបានការគាំទ្រ ពីរ៉ុស្ស៊ី និងចិន។ លោក ម៉ាឌូរ៉ូ ត្រូវបានជ្រើសតាំងសារជាថ្មី ពីការបោះឆ្នោតមួយ ដែលមិនមានការទទួលស្គាល់ ពីសហភាពអ៊ឺរ៉ុប និងសហរដ្ឋអាមេរិកនោះទេ ដោយពួកគេចាត់ទុកថា ការបោះឆ្នោតនោះ មានលក្ខណៈជាការបន្លំ និងបង្គ្រប់កិច្ច។



លំអិតបន្ថែមទៀត

ដំណឹង

ចូ បៃដេន កំពុងឈ្នះ ត្រាំ ក្នុងការបោះឆ្នោត​​ប្រធានាធិបតី​អាមេរិក២០២០

ការរាប់សន្លឹកឆ្នោត​បន្ថែមទៀត ក្នុងថ្ងៃពុធទី៤ ខែវិច្ឆិកានេះ បង្ហាញទំនោរថា លោក ចូ បៃដេន (Joe Biden) បេក្ខជន​ពីគណបក្សប្រជាធិបតេយ្យ ទំនងជាឈ្នះលោក ដូណាល់ ត្រាំ ...
ដំណឹង

រដ្ឋសភា​បើក​ការអង្កេត​ផ្លូវការ ក្នុងការ​ដក​ប្រធានាធិបតី ត្រាំ ចេញពី​តំណែង

កាលពីថ្ងៃព្រហស្បតិ៍នេះ ក្រុមអ្នកតំណាងរាស្ត្រអាមេរិក មកពីគណបក្សប្រជាធិបតេយ្យ បានឈានដល់ជំហានថ្មីមួយ នៃនីតិវិធីផ្លូវការ ក្នុងដំណើរឆ្ពោះទៅដកលោក ដូណាល់ ត្រាំ (Donald Trump) ចេញពី​តំណែង ជាប្រធានាធិបតី។ នីតិវិធីផ្លូវការនោះ ...
ដំណឹង

សមាជិកបក្សប្រជាធិបតេយ្យ ទាមទារឲ្យ«FBI»ស៊ើបអង្កេត​លើសំដី ត្រាំ

ក្រុមមេដឹកនាំ-សមាជិក​​គណបក្សប្រជាធិបតេយ្យ បានទាមទារ​ឲ្យភ្នាក់ងារស៊ើបអង្កេត​​សហព័ន្ធ «FBI» បើកសំនុំរឿង ដើម្បីស៊ើបអង្កេត​​លើលោក ដូណាល់ ត្រាំ (Donald Trump) ជុំវិញសំដីរបស់​ប្រធានាធិបតី​ចប់អាណត្តិរូបនេះ ដែលបានជំរុញ ឲ្យលោក «Brad ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...