ដំណឹងពិភពលោក

ហោះ​ត្រឡប់​មក​ចុះចត​វិញ ព្រោះ… បង្គន់​ខូច​ទាំងអស់!

យន្ដហោះប្រភេទ «Airbus» មួយគ្រឿង របស់ក្រុមហ៊ុនអាកាសចរណ៍ស្វីស បានបង្ខំចិត្ត ហោះ​ត្រឡប់​មក​ចុះចត​វិញ នៅព្រលានយន្ដហោះក្រុង ហ្សូរីស (Zurich) វិញ កាលពីថ្ងៃសុក្រមុន ក្រោមហេតុផលថា បង្គន់ទាំង៧នៅក្នុងយន្ដហោះ បានគាំងលែងដំណើរការ នៅខណៈយន្ដហោះ កំពុងហោះហើរឆ្ពោះទៅកាន់ក្រុង មីអាមី សហរដ្ឋអាមេរិក។

ហេតុការណ៍នេះ ត្រូវបានក្រុមហ៊ុនអាកាសចរណ៍ខ្លួនឯង ជាអ្នកអះអាងបន្ថែម បន្ទាប់ពីគេហទំព័រមួយចំនួន បានរាយការណ៍ឲ្យដឹង ក្នុងជំហ៊ានដំបូងរួច។

ស្រង់សំដីដោយសារព័ត៌មាន ក្នុងប្រទេសស្វីស លោក «Stefan Vasic» អ្នកនាំពាក្យរបស់ក្រុមហ៊ុន បានថ្លែងថា នៅទីបំផុត អ្នកដំណើរទាំង២៣៦នាក់ ដែលជិះនៅក្នុងយន្ដហោះ បានធ្វើដំណើរ ទៅដល់សហរដ្ឋអាមេរិក នៅ៨ម៉ោង យឺតជាពេលវេលា ដែលបានគ្រោងទុក។

អ្នកនាំពាក្យពន្យល់ថា បន្ទប់ទឹកបានគាំង លែងមានដំណើរការ ដោយសារមានបញ្ហាបច្ចេកទេស ផ្នែកប្រព័ន្ធបង្ហូរចេញ។ ហើយនៅពេលរកឃើញ ពីបញ្ហានេះ យន្ដហោះបានហោះទៅដល់ភាគខាងលិច នៃប្រទេសអៀឡង់រួចជាស្រេច និងនៅពេលភ្លាមៗ ក្រុមបុគ្គលិក បម្រើការនៅលើយន្ដហោះ បានបិទបង្គន់ទាំងអស់ ដោយមិនអនុញ្ញាតឲ្យភ្ញៀវ អាចចូលទៅប្រើប្រាស់ បានទៀតទេ។

នៅពេលហោះមកចុះចត នៅព្រលានយន្ដហោះអន្តរជាតិ នៃក្រុង ហ្សូរីស វិញ ប្រព័ន្ធបង្គន់អនាម័យទាំងនេះ ត្រូវបានជុសជុលបានត្រឹមត្រូវឡើងវិញ ហើយបានហោះងើបខ្លួន ចេញពីទីនោះ នៅ៤ម៉ោងក្រោយមក។ លោក «Stefan Vasic» បញ្ជាក់ទៀតថា៖

«ហេតុការណ៍របៀបនេះ មិនមែនជារឿង គួរឲ្យសប្បាយរីករាយទេ។»

យ៉ាងណា នៅក្នុងប្រវត្តិអាកាសចរណ៍ស៊ីវិល បញ្ហាដែលពាក់ព័ន្ធ បង្គន់អនាម័យនៅក្នុងយន្ដហោះ ជារឿងដែលកម្រកើតមានណាស់៕



You may also like

កម្ពុជា

ហ៊ុន សែន ថាសំណង់​ព្រលាន​យន្ដហោះ​ថ្មី សម្រេច​បាន​៣០%​ហើយ

ការប្រកាស​របស់លោកនាយករដ្ឋមន្ត្រី ហ៊ុន សែន បានផ្ដល់ក្ដីសង្ឃឹមថា ក្នុងរយៈពេល​៣ឆ្នាំខាងមុខ កម្ពុជានឹងមានព្រលានយន្ដហោះអន្តរជាតិ ដ៏ធំមួយ ប្រភេទ «4F» ដែល​ពេលនេះ បានសាងសង់ចេញជារូបរាង សម្រេច​បាន​៣០%​ហើយ ។ ...
ដំណឹង

ប្រធានាធិបតី​ចិន​នៅ​ប៉ារីស៖ ចិននឹងទិញ «AirBus» ៣០០គ្រឿង

សហគ្រាសរដ្ឋរបស់ប្រទេសចិន នឹងទិញយន្ដហោះអ៊ែរប៊ូស «Airbus» ៣០០គ្រឿង ពីប្រទេសបារាំង ក្នុងនោះយន្ដហោះប្រភេទមធ្យម «A320» ចំនួន២៩០គ្រឿង និងយន្ដហោះប្រភេទធំ «A350» ចំនួន១០គ្រឿង។ នេះ បើតាមការប្រកាសឲ្យដឹង ...
ដំណឹង

បាតុករ​«ហុងកុង»​កាន់កាប់​ព្រលាន​យន្ដហោះ-​ជើង​ហោះហើរ​ត្រូវ​លប់ចោល

ក្រុមបាតុករច្រើនពាន់នាក់ ដែលនិយមលទ្ធិប្រជាធិបតេយ្យ បានបន្តកាន់កាប់ព្រលានយន្ដហោះ ហុងកុង ក្នុងយប់ថ្ងៃចន្ទនេះ ដើម្បីបរិហារពីទង្វើហិង្សា របស់កងកម្លាំងនគរបាល អំពីអ្វីដែលក្រុមបាតុករអះអាងថា ជាការបង្ក្រាបទល់នឹងការតស៊ូ ដោយសន្តិវិធីរបស់ពួកគេ ប្រឆាំងនឹងលូកដៃជ្រៀតជ្រែក ពីសំណាក់រដ្ឋាភិបាលក្រុងប៉េកាំង និងប្រឆាំង​ការដើរថយក្រោយ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...