ដំណឹងពិភពលោក

អភិបាល​ក្រុងឡុងដ៍​វាយបក​វិញ បន្ទាប់ពី​រង​ការ«ប្រមាថ»​ពី ដូណាល់ ត្រាំ

អភិបាលរាជធានី ឡុងដ៍ លោក សាឌីក ខាន់ (Sadiq Khan) បានឆ្លើយតបលោក ដូណាល់ ត្រាំ (Donald Trump) វិញ បន្ទាប់ពីត្រូវប្រធានាធិបតីអាមេរិករូបនេះ «ប្រមាថ»ថា ជាជនបរាជ័យទាំងស្រុង។ លោក ខាន់ បានរំលឹកលោក ត្រាំ ឲ្យពិនិត្យមើលឡើងវិញ ពីការដើរថយក្រោយ នៃការគោរពសិទ្ធស្ត្រី នៅសហរដ្ឋអាមេរិក។

ភ្លាមៗ បន្ទាប់ពីបានចុះជាន់ដីចក្រភពអង់គ្លេស ក្នុងថ្ងៃចន្ទនេះ លោក ដូណាល់ ត្រាំ បានបង្ហោះសារ នៅលើទំព័រទ្វីសធើររបស់លោក ហៅអភិបាលរាជធានី ឡុងដ៍ ថាជា«ជនបរាជ័យទាំងស្រុង» ដើម្បីប្រតិកម្មនឹងការរិះគន់រូបលោក ពីសំណាក់លោកអភិបាលរូបនេះ។ លោក ត្រាំ បានសរសេរថា៖

«សាឌីក ខាន់ ដែលបានធ្វើការងារដ៏អាក្រក់ ក្នុងតំណែងជាអភិបាលរាជធានី ឡុងដ៍ បានធ្វើអត្ថាធិប្បាយដ៏កោងកាច ទាក់ទងនឹងប្រធានាធិបតី នៃសហរដ្ឋអាមេរិក ដែលជាសម្ព័ន្ធមិត្តដ៏ចាស់វស្សាមួយ នៃចក្រភពអង់គ្លេស។ គាត់គឺជាជនបរាជ័យទាំងស្រុងម្នាក់ ដែលគួរផ្ចង់ការងាររបស់គាត់ ក្នុងការប្រយុទ្ធប្រឆាំងឧក្រិដ្ឋកម្ម នៅក្នុងរាជធានី មិនមែនត្រូវរិះគន់ខ្ញុំទេ…»

មិនបង្អង់យូរ លោក សាឌីក ខាន់ បានបង្ហោះវីដេអូមួយ តបទៅលោក ដូណាល់ ត្រាំ ដោយសង្កត់ធ្ងន់អំពីបញ្ហាសិទ្ធិស្ត្រី នៅក្នុងសហរដ្ឋអាមេរិក។ លោកអភិបាលថ្លែងឡើងថា៖

«លោកប្រធានាធិបតី ត្រាំ! ប្រសិនជាលោកទស្សនាវីដេអូខ្ញុំនេះ សូមលោកយលថា គុណតម្លៃរបស់លោក និងអ្វីដែលលោកកំពុងប្រយុទ្ធទាមទារនោះ មានលក្ខណៈផ្ទុយគ្នាទាំងស្រុង ពីគុណតម្លៃនៃរាជធានី ឡុងដ៍ និងប្រទេសអង់គ្លេសមួយនេះ។»

លោកអភិបាល បានចុចយកការហាមឃាត់ស្ត្រី មិនឲ្យធ្វើការរំលូតកូន នៅតាមបណ្ដារដ្ឋមួយចំនួន នៃសហរដ្ឋអាមេរិក ខណៈលោក ដូណាល់ ត្រាំ ខ្លួនឯងបានប្រកាសយល់ស្រប អំពីនិន្នាការនៃជីវិត (Editor’s Note៖ បានសេចក្ដីថា បើមានផ្ទៃពោះ ម្ដាយត្រូវតែទុកកូននេះ បើទោះជាខ្លួន ឬគ្រួសារមិនចង់បានកូនក៏ដោយ)។

លោក ខាន់ បានលើកឡើងថា៖

«បច្ចុប្បន្ន ក្នុងរដ្ឋមួយចំនួន នៃសហរដ្ឋអាមេរិក វាសឹងតែគ្មានលទ្ធភាពទាល់តែសោះ សម្រាបអនុញ្ញតឲ្យស្ត្រី អាចរំលូតកូនបាន។ ក្នុងនាមលោក ជាប្រធានាធិបតីនៃសហរដ្ឋអាមេរិក លោកមានការទទួលខុសត្រូវដ៏ធំធេង នៅក្នុងការសម្រេចចិត្តរបស់លោក។»

«នៅរាជធានី ឡុងដ៍ យើងគិតថា ភាពចម្រុះមិនមែនជាកម្សោយទេ តែជាកម្លាំងមួយ។ យើងគោរពស្ត្រី។ ហើយយើងគិតថា ពួកនាងមានសិទ្ធិស្មើជាមួយបុរស។ យើងគិតថា វាជាការចាំបាច់ណាស់ ក្នុងការរក្សាសិទ្ធិសេរីភាពរបស់យើង សម្រាប់ទាំងអស់គ្នា ជាពិសេសសម្រាប់បណ្ដាជន ដែលងាយរងគ្រោះ និងដែលងាករងការចាប់បង្ខំ៕»



You may also like

វិភាគ អត្ថាធិប្បាយ

វិភាគ ៖ Covid-19 – ហេតុអ្វី ត្រាំ ឆេះដុំ​ដាក់​អង្គការ​សុខភាព​ពិភពលោក?

វិភាគ ៖ តាំងពីច្រើនសប្ដាហ៍ហើយ ដែលសហរដ្ឋអាមេរិក បានក្លាយជាប្រទេសទីមួយ ដែលជំងឺ «Covid-19» វាយលុកខ្លាំងជាងគេ និងទទួលបាន ការយកចិត្តទុកដាក់ខ្លាំងបំផុត ពីសំណាក់អង្គការសុខភាពពិភពលោក (WHO /OMS)។ ...
ដំណឹង

អង់គ្លេស៖ «កាន់​កាំបិត​ដើរចាក់​មនុស្ស» របួសច្រើននាក់ ចាប់ខ្លួន​ម្នាក់

«កាន់​កាំបិត​ដើរចាក់​មនុស្ស»៖ ហេតុការណ៍ដ៏រន្ធត់ បានកើតឡើង ក្នុងល្ងាចថ្ងៃសៅរ៍នេះ នាឧទ្យាន «Forbury Garden» នៃក្រុង «Reading» ដែលស្ថិតនៅភាគខាងលិច នៃ​រាជធានីឡុងដ៍ ចក្រភពអង់គ្លេស ។ ...
ដំណឹង

បារាំង​ប្រតិកម្ម​តប ដូណាល់ ត្រាំ ជុំវិញ​«បាតុកម្ម​អាវកាក់​លឿង»

មួយថ្ងៃ ក្រោយការលើកឡើង របស់ប្រធានាធិបតីអាមេរិក លោក ដូណាល់ ត្រាំ (Donald Trump) អំពីបាតុកម្មរបស់បណ្ដាជនបារាំង ពាក់អាវកាក់ពណ៌លឿង លោក ហ្សង់-អ៊ីវ ឡឺឌ្រីយ៉ង់ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...