ដំណឹងពិភពលោក

រដ្ឋមន្ត្រី​ការពារ​ជាតិ​អាមេរិក ជំទាស់ ត្រាំ ដែល​ចង់​ពង្រាយ​ទ័ព​​ទប់ស្កាត់​បាតុករ

លោក ម៉ាក អេស្ព័រ (Mark Esper) រដ្ឋមន្ត្រីការពារជាតិអាមេរិក បានប្រកាសក្នុងថ្ងៃពុធ ទី៣ ខែមិថុនានេះ «ជំទាស់»នឹងការដាក់ពង្រាយយោធា ដើម្បីទប់ស្កាត់ ចលនាបាតុកម្ម ដែលផ្ទុះឡើងយ៉ាងសន្ធោសន្ធៅ ដើម្បីទាមទាររកយុត្តិធម៌ ឲ្យមរណភាពរបស់លោក ជច៍ ផ្លយ (George Floyd) និងដើម្បីសំដែងការជំទាស់ ទល់នឹងការរើសអើង ពណ៌សម្បុរ ក៏ដូចជាអំពើហិង្សា ពីសំណាក់កងកម្លាំងនគរបាល។

លោក ជច៍ ផ្លយ បុរសអាមេរិកាំងស្បែកខ្មៅ អាយុ៤៦ឆ្នាំ បានទទួលមរណភាព កាលពី​យប់​ថ្ងៃចន្ទដើមសប្ដាហ៍មុន បន្ទាប់ពីលោក ត្រូវបាននគរបាល៤នាក់ ចាប់ឃាត់ខ្លួន យ៉ាងហិង្សា ក្នុងរសៀល​ថ្ងៃដដែលនោះ។

នៅចំពោះរលកបាតុកម្ម ដែលកើតឡើងជាបន្តបន្ទាប់ និងដែលប្រែក្លាយ ជាអំពើហិង្សា រវាងក្រុមបាតុករ និងក្រុមកងកម្លាំងនគរបាលនោះ លោកប្រធានាធិបតី ដូណាល់ ត្រាំ (Donald Trump) បានព្រមានកាលពីថ្ងៃចន្ទ ថាលោកនឹងដាក់ពង្រាយកងទ័ព ដើម្បីអ្វីមួយ ដែលលោកថា ជាដំណោះស្រាយ ឲ្យបានឆាប់រហ័ស ទល់នឹងបញ្ហាទាំងនេះ។

ក្រុមអ្នកនយោបាយប្រឆាំង បានបរិហារការលើកឡើង របស់លោក ត្រាំ ថាជាការបោះជំហាន ឈានទៅរក«ភាពផ្ដាច់ការ»។ 

សម្រាប់លោក ម៉ាក អេស្ព័រ បានបញ្ជាក់ជំហររបស់លោកថា លោកមិនគាំទ្រ ឲ្យប្រកាសភាពអាសន្ន សម្រាប់សហរដ្ឋអាមេរិក នោះឡើយ។ ប្រមុខមន្ទីរប៉ង់តាហ្គោន (The Pentagon – ក្រសួងការពារជាតិ) បានថ្លែងថា៖

«ជម្រើស​ក្នុងការ​ប្រើ​កង​កម្លាំងទ័ព​ ដែល​ត្រូវបំពេញ​ភារកិច្ច​ ក្នុងការ​អនុវត្ត​ច្បាប់ គួរតែ​ត្រូវបាន​ប្រើ​ ជា​ជម្រើស​ចុងក្រោយ​បំផុត ហើយប្រើ​ តែ​នៅ​ក្នុង​ស្ថានការណ៍​បន្ទាន់ និង​ធ្ងន់ធ្ងរ​បំផុត​ប៉ុណ្ណោះ។ ឥឡូវនេះ សហរដ្ឋអាមេរិក​មិន​ស្ថិត ​នៅក្នុង​ស្ថានការណ៍​ណា​មួយ ក្នុង​ចំណោម​ស្ថានការណ៍​ ខាងលើ​នេះ​ទេ៕»



លំអិតបន្ថែមទៀត

កម្ពុជា

ស្ថានទូតអាមេរិកថា កឹម សុខា គ្មានកំហុសនិងជាប់ឃុំដោយអយុត្តិធម៌

ស្ថានទូតសហរដ្ឋអាមេរិក បានចេញមុខ មកអះអាងថា លោក កឹម សុខា ប្រធានគណបក្សសង្គ្រោះជាតិ ដែលកំពុងជាប់ឃុំ ក្នុងគេហដ្ឋានសព្វថ្ងៃ គឺជាមនុស្សស្អាតស្អំ ដែលត្រូវបានឃុំខ្លួនដោយអយុត្តិធម៌ ក្រោមបទចោទប្រកាន់មិនពិត។ ទំព័រហ្វេសប៊ុកផ្លូវការ ...
កម្ពុជា

មូលដ្ឋានទ័ពចិន៖ អាមេរិក​«ចាប់»​កម្ពុជា ឲ្យ​គោរព​ការប្ដេជ្ញា​ចិត្ត​របស់​ខ្លួន

សម្រាប់លោកសាស្ត្រាចារ្យ អៀ សុផល មកពីសាកលវិទ្យាល័យមួយ នៃសហរដ្ឋអាមេរិក បានពន្យល់ថា ការអះអាងចុងក្រោយបំផុត របស់រដ្ឋមន្ត្រី​ការ​បរទេស​អាមេរិក​ ស្វាគមន៍ការបដិសេធរបស់កម្ពុជា ចំពោះវត្តមានមូលដ្ឋានយោធាចិន នៅខេត្តព្រះសីហនុនោះ មានលក្ខណៈជាការ«ចាប់»កម្ពុជា ឲ្យត្រូវតែគោរព«ការប្ដេជ្ញាចិត្តរបស់ខ្លួន»។ ...
កម្ពុជា

អត្ថបទ​ច្បាប់​«HR 526»​​ដាក់​​​ទណ្ឌកម្ម​​មន្ត្រី​​កម្ពុជា ឡើង​ដល់​ព្រឹទ្ធសភា​អាមេរិក

សេចក្ដីព្រាងច្បាប់ «HR 526» ដែលត្រូវបានសភាតំណាងរាស្ត្រ នៃសហរដ្ឋអាមេរិកអនុម័តដោយគ្មានសំឡេងជំទាស់ កាលពីរសៀលថ្ងៃទី១៥ ខែកក្កដា (ត្រូវនឹងព្រឹក ថ្ងៃអង្គារ ថ្ងៃទី១៦ ខែកក្កដា ម៉ោងនៅកម្ពុជា) នោះ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.