ដំណឹងពិភពលោក

ស្ថិតនៅ​ក្រៅ​ផែនដី អាវកាសយានិកភ្ញាក់ផ្អើល​នឹង​ការរាតត្បាត​«Covid-19»

ស្ត្រីអាវកាសយានិកអាមេរិក អ្នកស្រី «Jessica Meir» ដែលកំពុង ស្ថិតនៅ​ក្រៅ​ផែនដី ក្នុង​ស្ថានីយ៍​អាវកាស​អន្តរជាតិ «ISS» បានបង្ហាញក្ដីតក់ស្លុត និងការភ្ញាក់ផ្អើល នៅ​ចំពោះ​ការរាតត្បាត នៃជំងឺ «Covid-19» នៅលើភពផែនដី។

អ្នកស្រី «Jessica Meir» អាយុ៤២ឆ្នាំ ដែលត្រូវវិលត្រឡប់ មកកាន់ផែនដីវិញ នៅ​សប្ដាហ៍​ខាងមុខ បានថ្លែងដូច្នេះ ប្រាប់ក្រុមអ្នកយកព័ត៌មាន ក្នុងការជជែក ដោយផ្ទាល់មួយ កាលពី​ថ្ងៃសុក្រ។ អ្នកស្រីថ្លែងថា៖

«វាពិតជាគួរឱ្យរន្ធត់ណាស់ នៅពេលយើងដឹង អំពីអ្វីៗដែលកំពុងកើតឡើង នៅលើភព​ផែនដី ដែលស្ថិតនៅ ខាងក្រោមយើង។»

ស្ត្រីអាវកាសរូបនេះ បានចាកចេញពីផែនដី ដើម្បីឡើងទៅធ្វើការ នៅស្ថានីយ​អាវកាស​អន្តរជាតិ តាំងពី៧ខែកន្លងមកហើយ។ អ្នកស្រីបន្តថា៖

«បើមើលពីទីនេះទៅ ផែនដីតែងតែ មានសភាពគួរឱ្យចាប់អារម្មណ៍ណាស់។ ដូច្នេះ វាពិបាកជឿ អំពីការផ្លាស់ប្តូរទាំងអស់ ដែលបានកើតឡើង ដ៏ឆាប់រហ័ស ចាប់តាំងពីយើងមកដល់ទីនេះ។»

រាល់អាវកាសយានិកទាំងអស់ មានជំនាញ និងត្រូវហ្វឹកហាត់ ឲ្យរស់នៅឯកោ ស្ថិតនៅ​ក្រៅ​ផែនដី យ៉ាងហោចចាប់ពី ៦ខែឡើងទៅ។ តែការរស់នៅឯកោ របស់ពួកគេ ជាជំនាញ​ដែល​មានការស្ម័គ្រចិត្ត ដែលខុសពីមនុស្សលោកទូទៅ ដែលកំពុងរងការកំហិត ឲ្យសំងំនៅក្នុង​ផ្ទះ ដើម្បីគេចផុតពី និងទប់ស្កាត់ ជំងឺ«Covid-19»។

ប៉ុន្តែជីវភាពប្រចាំថ្ងៃ របស់អាវកាសយានិក ខុសគ្នាឆ្ងាយពីជីវិតប្រចាំថ្ងៃ របស់មនុស្ស​លោក។ អាវកាសយានិក គ្មានកូនចៅ ដែលត្រូវចិញ្ចឹមថែរក្សា ឬគ្មានភារកិច្ច ត្រូវចេញ​ទៅទិញម្ហូបចំណី ដូចមនុស្សលោកទេ។

អ្នកស្រី «Jessica Meir» បានត្រៀមចិត្ត ត្រៀមអារម្មណ៍ នៅមុនការវិលត្រឡប់ មកកាន់​ផែនដីវិញថា ថា៖

«នៅលើផែនដី ខ្ញុំខ្លាចតែមានអារម្មណ៍ឯកោ ជាងនៅក្នុងស្ថានីយ៍អាវកាស។ នៅទីនេះ (ក្នុងស្ថានីយ៍) យើងមានទម្លាប់ហើយ យើងមានកិច្ចការ អស្ចារ្យជាច្រើន ដែលត្រូវធ្វើ។ តែសម្រាប់នៅឯភពផែនដី យើងមានអារម្មណ៍ដូចៗគ្នា។»

ដើម្បីជួយសម្រួល ដល់ការសំងំនៅក្នុងផ្ទះ ដែលមនុស្សលោកកំពុងជួបប្រទះ លោក «Andrew Morgan» ដែលជាអាវកាសយានិកមួយរូបទៀត និងជាវេជ្ជបណ្ឌិតមួយរូប របស់ទីភ្នាក់ងារ«NASA»ផង បានថ្លែងផ្ដល់យោបល់ថា៖

«យើងមានកម្មវិធីប្រចាំថ្ងៃ ហើយយើងអនុវត្តតាម គ្រប់ពាក្យទាំងអស់។ យើងមាន​កម្មវិធី ធ្វើកីឡា ត្រូវមានអនាម័យផ្ទាល់ខ្លួន ចូលគេងតាមម៉ោងពេល… គឺសុទ្ធតែបាន​គ្រោងទុករួចស្រេច។ ជារឿងសំខាន់ណាស់ ដែលត្រូវគោរព រាល់កាលវិភាគទាំងនេះ។»

លោកបន្តថា៖

«យើងតែងមានចិត្តថា សកម្មភាព ឬទង្វើរបស់យើងម្នាក់ៗ អាចប៉ះពាល់ ទៅដល់ សហសេវិក របស់យើងផ្សេងទៀត៕»



លំអិតបន្ថែមទៀត

លោក អេម៉ានុយអែល ម៉ាក្រុង ប្រធានាធិបតីបារាំង នៅក្នុងវិមានប្រធានាធិបតី។ (រូបថតផ្លូវការរបស់វិមានប្រធានាធិបតី)
ដំណឹង

២០២១៖ ម៉ាក្រុង ជូនពរឆ្នាំថ្មីជុំវិញ«Covid-19 វ៉ាក់សាំង Brexit…»

លោក អេម៉ានុយអែល ម៉ាក្រុង (Emmanuel Macron) ប្រធានាធិបតីបារាំង បានប្រើប្រាស់ឱកាស នៃប្រពៃណីជូនពរឆ្នាំថ្មី នៅយប់​ថ្ងៃទី៣១ ខែឆ្នូ ឆ្នាំ២០២០ ដើម្បីលើកឡើង អំពីជំងឺរាតត្បាត ...
ដំណឹង

យន្ដហោះ​ចុះចត​ខុសផ្លូវ ហើយ​ធ្លាក់ចូល​ទន្លេ នៅ​ផ្លរីដា

ការភ័យតក់ស្លុត បានកើតឡើងនៅភាគអាគ្នេយ៍ នៃសហរដ្ឋអាមេរិក៖ យន្ដហោះប្រភេទ ប៊ូអីង (Boeing 737) មួយគ្រឿងបានបញ្ចប់ការហោះហើររបស់ខ្លួន នៅក្នុងទឹកទន្លេ ដែលនៅក្បែរព្រលានយន្ដហោះយោធា «Jacksonville» ក្នុងរដ្ឋ​ផ្លរីដា ។ ...
កម្ពុជា

ហ៊ុន សែន ថាបានរក«វិធីនានា ដែលអាចធ្វើបាន» ដើម្បីជួយ​ជនក្រីក្រ

ខណៈវិបត្តិបានផ្ទុះឡើង តាំងពីប៉ុន្មានខែមុន លោកនាយករដ្ឋមន្ត្រី ហ៊ុន សែន ប្រកាស​ក្នុងថ្ងៃអាទិត្យនេះ ថារដ្ឋាភិបាលបានរិះរក «វិធីនានា ដែលអាចធ្វើបាន» ដើម្បី​ជួយ​ពលរដ្ឋក្រីក្រ នៅតាមតំបន់ដាច់ស្រយាល ដែលខ្វះខាតម្ហូបអាហារ។ ការប្រកាសរបស់បុរសខ្លាំង ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.