កម្ពុជាដំណឹង

Covid-19៖ កម្ពុជា​មាន​ ២ករណី​ទៀត ក្នុងថ្ងៃ​២៨មិថុនា (សរុប​១៤១នាក់)

នៅថ្ងៃអាទិត្យ ទី២៨ ខែមិថុនានេះ ប្រទេសកម្ពុជាបានបញ្ចេញតួលេខ នៃការឆ្លងជំងឺ «Covid-19» ថែម ២ករណី​ទៀត ដែលធ្វើឲ្យអ្នកជំងឺសរុប កើនឡើងដល់ ១៤១នាក់។ នេះ បើតាមសេចក្ដីប្រកាសព័ត៌មាន របស់ក្រសួងសុខាភិបាល ក្នុងព្រឹកថ្ងៃដដែល។

បើតាមសេចក្ដីប្រកាសព័ត៌មាន បានអះអាងថា អ្នកជំងឺ«Covid-19»ទាំងពីរនាក់ ជា​ជនជាតិ​ខ្មែរ ម្នាក់រស់នៅខេត្តត្បូងឃ្មុំ និងម្នាក់ទៀត រស់នៅខេត្តកណ្ដាល។

ក្រសួងសុខាភិបាល បានឲ្យដឹងទៀតថា បុរសទាំងពីរនាក់ ទើបត្រឡប់មកពី​ប្រទេស​ម៉ាឡេស៊ី កាលពីថ្ងៃទី២៦ ខែមិថុនា កន្លងទៅ ក្នុងជើងហោះហើរ ដែលមានអ្នកដំណើរ​សរុប ចំនួន ១០៧នាក់ (ស្ត្រី ៣៨នាក់ និងបុរស ៦៩នាក់) ក្នុងនោះអ្នកដំណើរ​ជាជនជាតិ​ខ្មែរ មានចំនួន​១០៥នាក់ (ស្ត្រី ៣៦នាក់)។

សេចក្ដីប្រកាសព័ត៌មាន បានរៀបរាប់​បន្ថែមថា បន្ទាប់ពីត្រូវបាន​រកឃើញលទ្ធផល​វិជ្ជមាន នៅថ្ងៃទី២៧ ខែមិថុនាម្សិលមិញរួច ពួកគេទាំងពីរនាក់ ត្រូវបានដាក់​ឱ្យសម្រាក​ព្យាបាល នៅមណ្ឌលសុខភាព​​ចាក់អង្រែ រាជធានីភ្នំពេញ។

រីឯអ្នកដំណើរជនជាតិខ្មែរ ១០៣នាក់ផ្សេងទៀត​ ដែលមានលទ្ធផលអវិជ្ជមាន និងដែល​មិន​មាន​​លទ្ធភាពបង់ ថ្លៃសណ្ឋាគារ ត្រូវបានដាក់ឱ្យធ្វើចត្តាឡីស័ក ក្នុងមណ្ឌល​ចត្តាឡីស័ក​ជម្ពូន រាជធានី​ភ្នំពេញ ដើម្បីរង់ចាំ​ការដឹកជញ្ជូន ទៅបន្ត​ធ្វើចត្តាឡីស័ក នៅ​តាម​បណ្ដាខេត្ត ដែលពួកគេ​រស់នៅ។

មកដល់ថ្ងៃនេះ កម្ពុជាមានតួលេខផ្លូវការ នៃអ្នកកើតជំងឺ «Covid-19» សរុបចំនួន ១៤១នាក់ ក្នុងនោះអ្នកជំងឺ១២៩នាក់ បានជាសះស្បើយ និង១២នាក់ កំពុងសម្រាក​ព្យាបាល៕



You may also like

កម្ពុជា

Covid-19៖ កម្ពុជារកឃើញ​អ្នកជំងឺ​ម្នាក់​ទៀត នៅខេត្ត​បន្ទាយមានជ័យ

ប្រទេសកម្ពុជា​ បានបន្ថែមតួលេខអ្នកជំងឺ «Covid-19» ម្នាក់ទៀត ដែលត្រូវបាន​រកឃើញ នៅខេត្ត​បន្ទាយមានជ័យ បន្ទាប់ពីយុវជនអាយុ២៦ឆ្នាំរូបនេះ បានវិលត្រឡប់​ពីប្រទេសថៃ។ នេះ បើតាមសេចក្ដីប្រកាសព័ត៌មាន របស់ក្រសួងសុខាភិបាល ដែលទើប​នឹង​ចេញផ្សាយ កាលពីមុននេះបន្តិច។ ...
កម្ពុជា

ហ៊ុន សែន ដាក់ខ្លួន​ធ្វើចត្តាឡីស័ក បន្ទាប់ពីជួប​ប្រមុខការទូត​ហុងគ្រី

លោក ហ៊ុន សែន ដែលហៅខ្លួនលោក ថាជា«បុរសសង្ហាដើរបញ្ច្រាសទិស» បានប្រកាស​«ដាក់ខ្លួន​ធ្វើចត្តាឡីស័ក» ចំនួន១៤ថ្ងៃ នៅថ្ងៃពុធ ទី៤ ខែវិច្ឆិកានេះ មួយថ្ងៃក្រោយពី​លោកបានដឹកនាំរដ្ឋាភិបាល ឲ្យជួបចាប់ដៃជើង ជាមួយប្រមុខការទូត ...
កម្ពុជា

ក្រុងភ្នំពេញដេញ​អ្នកកាសែតចិនម្នាក់ ព្រោះផ្សាយ​ថា កម្ពុជាលក់វ៉ាក់សាំង

ចាងហ្វាងការផ្សាយ របស់សារព័ត៌មាន «Angkor Today» លោក «Shen Kaidong» ត្រូវបានរដ្ឋមន្ត្រីមហាផ្ទៃ លោក ស ខេង សម្រេចបណ្ដេញចេញពីកម្ពុជា និងហាមឃាត់​វិលចូលកម្ពុជា​ជាថ្មី ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...