ដំណឹងពិភពលោក

ISIS ចេញមុខ​ទទួលស្គាល់​ភេរវកម្ម​អត្តឃាត​ផ្ទួនគ្នានៅ ទួរនេស៊ី

អង្គការភេរវនិយម ក្រុមរដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​​ហៅ EI ​​​អង់គ្លេស​​​ហៅ ISIS ) បានចេញមុខទទួលស្គាល់ ភេរវកម្មអត្តឃាតផ្ទួនគ្នា នៅប្រទេស ទួរនេស៊ី កាលពីម្សិលម៉ិញ ដែលបានសម្លាប់ ភ្នាក់ងារនគរបាលម្នាក់ និងធ្វើឲ្យរបួសមនុស្ស ៨នាក់ផ្សេងទៀត។

ស្ថាប័នឯករាជ្យ «Site» ដែលមានជំនាញ ខាងឃ្លាំមើលសកម្មភាព របស់អង្គការភេរវនិយម នៅលើបណ្ដាញអ៊ិនធើណែត បានស្រង់ការអះអាង របស់ភ្នាក់ងារឃោសនារបស់ក្រុមរដ្ឋអ៊ីស្លាម «AMAQ» មកបញ្ជាក់ថា អ្នករៀបចំការវាយប្រហារ ចំនួន«ពីរ»កន្លែង ប្រឆាំងនឹងកងកម្លាំងអាជ្ញាធរទួរនេស៊ី ជា«យុទ្ធជននៃក្រុមរដ្ឋអ៊ីស្លាម»។

កាលពីថ្ងៃព្រហស្បត្តិ៍ ទី២៨ ខែមិថុនា វេលាម៉ោងប្រមាណ ជាង១០កន្លះព្រឹក នៅលើដងមហាវិថីដ៏សំខាន់ នៃរដ្ឋធានីទួរនីស (ប្រទេសទួរនេស៊ី) ភេរវជនអត្តឃាតម្នាក់ បានបំផ្ទុះគ្រាប់បែក នៅជាប់នឹងខ្លួន សំដៅរថយន្ដមួយគ្រឿង របស់នគរបាល បណ្ដាលឲ្យភ្នាក់ងារនគរបាលម្នាក់ស្លាប់ និងនគរបាលម្នាក់ផ្សេង រួមនឹងជនស៊ីវិលបីនាក់ទៀត រងរបួស។ នេះ បើតាមរបាយការណ៍ ចេញផ្សាយដោយក្រសួងមហាផ្ទៃទួរនេស៊ី។

របាយការណ៍បន្តថា នៅកន្លះម៉ោងក្រោយមក ភេរវកម្មអត្តឃាតមួយទៀត បានផ្ទុះឡើង សំដៅអគាររបស់ឆ្មាំជាតិទួរនេស៊ី ដែលស្ថិតនៅតំបន់ខ្សែក្រវ៉ាត់រដ្ឋធានី។ ការវាយប្រហារលើកទីពីរនេះ បានបណ្ដាលឲ្យនគរបាលបួននាក់រងរបួស។

អ្នកនាំពាក្យក្រសួងមហាផ្ទៃ លោក «Sofiène Zaaq» ត្រូវបានប្រព័ន្ធផ្សព្វផ្សាយស្រង់សំដី មកអះអាងថា៖

«មានមនុស្សម្នាក់ បានបំផ្ទុះគ្រាប់បែក នៅនឹងខ្លួន នៅខាងមុខទ្វាខាងក្រោយ នៃអគារ ដែលជាបញ្ជាការដ្ឋានរួមគ្នា នៃកងកម្លាំងឆ្មាំជាតិ និងកងកម្លាំងនគរបាលយុត្តិធម៌៕»



You may also like

ដំណឹង

ភេរវកម្ម​នៅ​ស្រីលង្កា៖ «ជនរងគ្រោះ»​កើនឡើង​ជិត​៣០០នាក់

តុល្យភាពថ្មីដែលធ្លាក់មកដល់ នៅក្នុងថ្ងៃចន្ទនេះ បានឲ្យដឹងថា «ជនរងគ្រោះ»ដល់ជីវិត បានកើនឡើងដល់ ២៩០នាក់ ខណៈជនរងរបួស មានប្រមាណជា៥០០នាក់។ អាជ្ញាធរស្រីលង្កា បានអះអាងថា បានដោះបង្កៃគ្រាប់បែកមួយ ដែលត្រូវបានរកឃើញ នៅក្បែរព្រលានយន្ដហោះអន្តរជាតិ ...
ដំណឹង

ស្រីលង្កា​ចេញ​ក្រឹត្យ អនុញ្ញាត​ជាថ្មី​​ឲ្យអាជ្ញាធរ​អាច«ផ្ទុះអាវុធ»

បន្ទាប់ពីផ្ទុះអំពើហិង្សា ប្រឆាំងបណ្ដាជនឥស្លាម បណ្ដាលឲ្យមាន​មនុស្សស្លាប់​ម្នាក់មក ប្រទេសស្រីលង្កាទាំងមូលត្រូវបានដាក់ ទៅក្នុងសភាពប្រុងប្រយ័ត្ន កម្រិតខ្ពស់បំផុត និងអនុញ្ញាតជាថ្មី ឲ្យអាជ្ញាធរ​អាច​ធ្វើការ«ផ្ទុះអាវុធ»។ ក្រឹត្យប្រកាសដាក់ប្រទេសទាំងមូល ទៅក្នុងភាពប្រុងប្រយ័ត្ន បានចេញនៅថ្ងៃអង្គារម្សិលម៉ិញ បន្ទាប់ពីអំពើហិង្សាបានផ្ទុះឡើង ជាបន្តបន្ទាប់ ...
របាយការណ៍

ស្រីលង្កា៖ «វីរបុរស»​ម្នាក់នេះ​បាន​ពលី​ជីវិត ព្រោះ​បាន​រារាំង​ភេរវជន

ជាងមួយសប្តាហ៍កន្លងទៅហើយ បន្ទាប់ពីព្រឹត្តិការណ៍បំផ្ទុះគ្រាប់បែក ដែលសម្លាប់និងធ្វើឲ្យរបួសមនុស្ស រាប់រយនាក់ តែបណ្ដាជនស្រីលង្កាជាច្រើននាក់ នៅតែត្រឡប់ទៅសំដែង​គារវកិច្ច នៅចំពោះភរិយាមេម៉ាយ និងគ្រួសារ​របស់សពលោក «Ramesh Raju» នៅឡើយ។ បុរសម្នាក់នេះ បានពលីជីវិតខ្លួនឯង ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...