ដំណឹងពិភពលោក

អាល្លឺម៉ង់ថា​ចិន​ដាក់សម្ពាធ ឲ្យ​និយាយល្អ ពី​ប៉េកាំង​ជុំវិញ​​«Covid-19»

មន្ត្រីការទូតចិន បានជួបជាមួយ​អ្នកទទួលខុសត្រូវមួយចំនួន នៃរដ្ឋាភិបាលអាល្លឺម៉ង់ ដើម្បីបញ្ចុះបញ្ចូលអ្នកទទួលខុសត្រូវទាំងនោះ ឲ្យ​និយាយល្អ អំពីការគ្រប់គ្រង របស់ក្រុងប៉េកាំង ទៅលើការរាតត្បាត នៃជំងឺ«Covid-19»។ នេះ បើតាមការអះអាង របស់ក្រសួងមហាផ្ទៃអាល្លឺម៉ង់ តាមរយៈលិខិតមួយ ដែលទីភ្នាក់ងាររ៉យទ័រទទួលបាន។

លិខិតចុះថ្ងៃទី២២ ខែមេសានោះ បានសរសេរថា៖

«រដ្ឋាភិបាលអាល្លឺម៉ង់ បានដឹងអំពីទំនាក់ទំនង ជាលក្ខណៈបុគ្គល ដែលធ្វើឡើងដោយមន្ត្រីការទូតចិន នៅក្នុងគោលបំណង ឲ្យ​និយាយល្អ និងជាសាធារណៈ អំពីការគ្រប់គ្រង របស់សាធារណរដ្ឋប្រជាមានិតចិន ទៅលើការរាតត្បាត នៃជំងឺកូរូណាវីរុស។»

លិខិតខាងលើ ជាចម្លើយទៅនឹងសំនួរ របស់តំណាងរាស្ត្រអាល្លឺម៉ង់មួយរូប ឈ្មោះ «Margarete Bause» ដែលបានចោទសួរ ទាក់ទងហេតុការណ៍ទាំងនេះ។ លិខិតរបស់ក្រសួងមហាផ្ទៃអាល្លឺម៉ង បានបន្តថា៖

«រដ្ឋាភិបាលសហព័ន្ធ [អាល្លឺម៉ង់] មិនបានគោរព តាមសំណើរ​ទាំងនេះទេ។»

សារព័ត៌មានអាល្លឺម៉ង់មួយ ឈ្មោះ «Welt am Sonntag» ដែលបានផ្សាយ ពីលិខិតនេះដែរ បានលើកឡើងថា ស្ថានទូតចិន ប្រចាំនៅរដ្ឋធានី ប៊ែរឡាំង បានច្រានចោលដំណឹងខាងលើ ដោយវាយតម្លៃថា ជាការកុហក និងគ្មានការទទួលខុសត្រូវ។

ទីភ្នាក់ងាររ៉យទ័រ បានអះអាងបន្ថែមថា ខ្លួនទទួលបានលិខិត យ៉ាងហោចចំនួន៤ផ្សេងទៀត ដែលមានប្រភពពីមន្ត្រីការទូត នៃសហភាពអ៊ឺរ៉ុប។ លិខិតទាំងនោះ សុទ្ធតែបានបញ្ជាក់ថា ប្រទេសចិនព្យាយាមរាំងខ្ទប់ មិនឲ្យចេញផ្សាយ នូវរបាយការណ៍មួយ របស់សហភាពអ៊ឺរ៉ុប (EU) ដែលអះអាងពីការផ្សព្វផ្សាយ ព័ត៌មានបែបបំភ្លៃ របស់រដ្ឋាភិបាលក្រុងប៉េកាំង  ទៅលើការរាតត្បាត នៃជំងឺ«Covid-19»៕



លំអិតបន្ថែមទៀត

កម្ពុជា

Covid-19៖ កម្ពុជាមាន ​៧​ករណី​​ទៀត បង្កើន​តួលេខសរុបដល់​២៣៣នាក់

​ប្រទេសកម្ពុជាអះអាង បាន​រក​ឃើញ​អ្នកជំងឺ​«Covid-19»​ចំនួន ​៧​ករណី​​ទៀត ដែល​សុទ្ធតែ​ជា​អ្នកដំណើរ​​ពី​ក្រៅ​ប្រទេស ហើយបាន​ធ្វើ​ឲ្យ​តួលេខ​​សរុប នៃអ្នកផ្ទុកមេរោគ​រាតត្បាត នៅ​ទូទាំង​ប្រទេស កើនឡើង​ដល់​២៣៣​នាក់ គិត​ត្រឹម​ថ្ងៃ​ពុធ​ទី​២៩​ ខែ​កក្កដា​នេះ។ សេចក្ដីប្រកាសព័ត៌មាន របស់ក្រសួងសុខាភិបាលកម្ពុជា បានឲ្យដឹងថា ...
កម្ពុជា

កម្ពុជាធ្វើតេស្ដិ៍មនុស្ស ៩៤៤នាក់ ដែលអាចប៉ះពាល់​ប្រមុខការទូត​ហុងគ្រី

រហូតមកដល់ថ្ងៃនេះ មន្ត្រីរដ្ឋាភិបាលកម្ពុជា មន្ត្រីរាជការ និងក្រុមគ្រួសាររបស់ពួកគេ ចំនួនសរុប ៩៤៤នាក់ ត្រូវបានធ្វើតេស្ដិ៍ ដើម្បីស្វែងរកមេរោគ «Covid-19» បន្ទាប់ពី​ពួកគេ រងការសង្ស័យ ពីការជាប់ប៉ះពាល់ ដោយផ្ទាល់​និងមិនផ្ទាល់ ...
កម្ពុជា

ស្ថានទូត​ចិន​តប​ទៅ​ស្ថានទូត​អាមេរិក ពី«ពាណិជ្ជកម្ម​កម្ពុជា-ចិន»

ស្ថានទូតនៃសាធារណរដ្ឋប្រជាមានិតចិន ប្រចាំនៅកម្ពុជា បានប្រតិកម្មនៅមុននេះ តបទៅការបង្ហោះមួយ កាលពីម្សិលម៉ិញ នៅលើទំព័រហ្វេសប៊ុក របស់ស្ថានទូតសហរដ្ឋ​អាមេរិក ដែលអះអាងថា ទំនាក់ទំនង«ពាណិជ្ជកម្ម​កម្ពុជា-ចិន» ផ្ដល់ប្រយោជនដ៏ច្រើន សម្រាប់ប្រទេសចិន ជាងសម្រាប់ប្រទេស​កម្ពុជា​ខ្លួនឯង។ ស្ថានទូតចិនបានប្រើប្រាស់ទំព័រហ្វេសប៊ុករបស់ខ្លួន ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.