ដំណឹងពិភពលោក

ការប៉ុនប៉ង​ធ្វើ​រដ្ឋប្រហារ​នៅ​ប្រទេស​ហ្គាបុង បាន​ទទួល​បរាជ័យ

ក្នុងថ្ងៃចន្ទទី៧ ខែមករា ឆ្នាំ២០១៩នេះ ការប៉ុនប៉ងធ្វើរដ្ឋប្រហារមួយ នៅប្រទេសហ្គាបុង បានប្រព្រឹត្តិទៅ ប៉ុន្តែត្រូវបានរដ្ឋាភិបាលបង្ក្រាបភ្លាមៗ។ អ្នកនាំពាក្យរដ្ឋាភិបាល នៃប្រទេសហ្គាបុង បានថ្លែងឲ្យដឹងថា៖

«សភាពស្ងប់ស្ងាត់ បានត្រឡប់មកវិញ។ យើងបានគ្រប់គ្រងស្ថានការណ៍ បានទាំងស្រុងហើយ។»

កាលពីពេលព្រឹក វេលាម៉ោងប្រមាណជាង៦ មេដឹកនាំយោធាប៉ុន្មាន បានចូលទៅកាន់ស្ថានីយ៍វិទ្យុផ្សាយសម្លេង របស់រដ្ឋ និងបានអានដោយផ្ទាល់ នូវសារមួយ ដែលអះអាងឲ្យដឹង ពីការបង្កើតឲ្យមានឡើង នូវ«ក្រុមប្រឹក្សាស្ដារជាតិ»មួយ នៅក្នុងប្រទេស។ ក្រុមយោធា​ទាំងនោះ បានអំពាវនាវឲ្យប្រជាជន នាំគ្នា«ងើបឈរ»ឡើង នៅតាមដងផ្លូវ។

គួរបញ្ជាក់ដែរថា ប្រធានាធិបតីជាប់ឆ្នោត នៃប្រទេសហ្គាបុង លោក «Ali Bongo Ondimba» បានធ្លាក់ខ្លួនឈឺធ្ងន់ធ្ងរ តាំងពីខែតុលាកន្លងមក ខណៈពេលដែលលោកបានធ្វើដំណើរ ទៅកាន់ប្រទេសអារ៉ាប៊ីសាអ៊ូឌីត។ មកដល់សព្វថ្ងៃ លោកប្រធានាធិបតី មិនទាន់វិលត្រឡប់ ចូលប្រទេសវិញនៅឡើយ និងកំពុងសម្រាកព្យាបាលជំងឺ នៅក្នុងរាជធានី រ៉ាបា នៃប្រទេសម៉ារ៉ុក។

ប្រធានាធិបតីនៃប្រទេសហ្គាបុង។ (រូបថត Reuters)

ក្នុងថ្ងៃចន្ទដដែលនេះ រថពាសដែកជាច្រើនគ្រឿង របស់កងទ័ពហ្គាបុង ត្រូវបានបញ្ជូន មកបិទមហាវិថី «ជ័យជំនះ» ដែលជាផ្លូវដ៏សំខាន់ នៃរដ្ឋធានី «Libreville» របស់ប្រទេស។ ស្នូរផ្ទុះអាវុធ បានលាន់ឮឡើង នៅជុំវិញស្ថានីយ៍វិទ្យុ និងទូរទស្សន៍ របស់រដ្ឋ។

បើតាមអាជ្ញាធរបានអះអាងថា មេដឹកនាំយោធា ដែលមានបំណងចង់ធ្វើរដ្ឋប្រហារ មានចំនួន​តែប៉ុន្មាននាក់​ប៉ុណ្ណោះ។ ពីក្នុងចំណោមនោះ មេដឹកនាំយោធា​៤នាក់ ត្រូវអាជ្ញាធរចាប់ខ្លួនបាន និងម្នាក់ទៀតកំពុងរត់គេខ្លួន៕

ទិដ្ឋភាពយករថពាសដែក មកដាក់ពាំងនៅកណ្ដាលមហាវិថី ជ័យជំនះ។ (រូបថតលើទ្វីសធើរ)


លំអិតបន្ថែមទៀត

ដំណឹង

បាតុកម្ម​នៅ​វេណេហ្សុយអេឡា៖ «រថពាសដែក»បើក​បុកហ្វូងបាតុករ

ការប៉ះទង្គិចគ្នា បានកើតឡើងក្នុងថ្ងៃអង្គារទី៣០ ខែមេសានេះ នៅតាមដងផ្លូវនានា ក្នុងរដ្ឋធានីការ៉ាកាស ដែលក្រុមបាតុករប្រឆាំង បានជួបប្រជុំគ្នា។ រថពាសដែក បានបើកបុកចូលហ្វូងបាតុករ និងបានធ្វើមនុស្សជាច្រើន ដួលដេកនៅលើថ្នល់ ខណៈទាហានម្នាក់ ដែលស្និតរដ្ឋអំណាចសព្វថ្ងៃ ...
ដំណឹង

បាតុកម្ម​នៅ​វេណេហ្សុយអេឡា៖ អាមេរិក​ប្រាប់ ម៉ាឌូរ៉ូ ឲ្យ​ចាកចេញ

ក្នុងខណៈភាពតានតឹង កំពុងផ្ទុះឡើងនៅតាមដងផ្លូវនានា នៃរដ្ឋធានី ការ៉ាកាស (វេណេស៊ុយអេឡា) នោះ រដ្ឋបាលអាមេរិកសឹងតែទាំងមូល រាប់តាំងពីទីប្រឹក្សាផ្នែកសន្តិសុខ លោក ចន ប៊លថុន (John Bolton) ...
ដំណឹង

ការប៉ុនប៉ង​ធ្វើ​រដ្ឋប្រហារ​ នៅ​ប្រទេស​ហ្គាបុង ទំនងជា​កំពុង​ប្រព្រឹត្តិ​ទៅ!

មានសញ្ញាជាច្រើន បានបង្ហាញឲ្យឃើញថា ការប៉ុងប៉ុងធ្វើរដ្ឋប្រហារ នៅក្នុងប្រទេសហ្គាបុង (ភាគខាងលិខទ្វីបអាហ្វ្រិក) កំពុងប្រព្រឹត្តិទៅ។ តាំងពីម៉ោង៦ ព្រឹកថ្ងៃទី៧ ខែមករា ឆ្នាំ២០១៩នេះ ថ្នាក់ដឹកនាំកងទ័ព បានថ្លែងសារ​ផ្ទាល់ នៅក្នុងវិទ្យុផ្សាយសម្លេងរបស់រដ្ឋ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

ដំណឹង

Covid-19៖ នាយករដ្ឋមន្ត្រីបារាំង​ថ្លែងពី​«រលកទី៤» និងបន្ថែម​វិធានការ

«យើងឈានមកដល់ រលកទី៤» នេះ ជាការប្រកាសឡើង របស់នាយករដ្ឋមន្ត្រីបារាំង លោក ហ្សង់ កាស្ដិក (Jean Castex) បន្ទាប់ពីលោក​បានបញ្ចប់កិច្ចប្រជុំ ក្រុមប្រឹក្សាការពារជាតិ ដែលបានបញ្ជាក់ឲ្យដឹង ...
កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...