ប្រធានាធិបតីចប់អាណត្តិ លោក ដូណាល់ ត្រាំ (Donald Trump) បានប្រកាសនៅថ្ងៃសុក្រនេះ ថាលោកនឹងមិនចូលរួម ក្នុងពិធីស្បថ​«ចូលកាន់តំណែង»​របស់លោក ចូ បៃដិន (Joe Biden) ប្រធានាធិបតីជាប់ឆ្នោត នៅថ្ងៃទី២០ ខែមករាខាងមុខនេះទេ។

តាមរយៈសារមួយ បង្ហោះនៅលើបណ្ដាញសង្គម​ទ្វីសធើរ លោក ដូណាល់ ត្រាំ បានសរសេរឲ្យដឹងថា៖

«ជូនចំពោះអ្នកទាំងឡាយ ដែលចង់ដឹងពីរឿងនេះ ថាខ្ញុំនឹងមិនចូលរួម ក្នុងកម្មវិធីស្បថ (ចូលកាន់តំណែង) នៅថ្ងៃទី ២០ ខែមករាទេ។»

ការសម្រេចខាងលើ បានធ្វើឲ្យលោក ដូណាល់ ត្រាំ ក្លាយជាប្រធានាធិបតីដំបូង នៅក្នុងប្រវត្តិសាស្ត្រសហរដ្ឋអាមេរិក ដែលមិនបាន​ចូលរួម​ក្នុងពិធីស្បថ របស់ប្រធានាធិបតី ដែលត្រូវមកបន្តតំណែងពីខ្លួន រាប់ពីជំនាន់ប្រធានាធិបតី «Andrew Johnson» ក្នុងឆ្នាំ១៨៦៩​នោះមក។

ពិធីស្បថចូលកាន់តំណែង របស់លោក ចូ បៃដិន ក្នុងឋានៈជាប្រធានាធិបតី និងអ្នកស្រី កាម៉ាឡា ហារី (Kamala Harris) ក្នុងឋានៈ​ជាអនុប្រធានាធិបតី នៃសហរដ្ឋអាមេរិក នឹងប្រព្រឹត្តិទៅជាផ្លូវការ នៅថ្ងៃទី២០ ខែមករា វេលាថ្ងៃត្រង់ (ម៉ោងនៅរដ្ឋធានី វ៉ាស៊ីនតោន)។

នៅមុនសារបង្ហោះខាងលើ លោក ដូណាល់ ត្រាំ នៅបានសរសេរសារមួយផ្សេង ដែលមានសរសេរថា៖

«សម្លេងម្ចាស់ឆ្នោត ប្រមាណជា៧៥លានសម្លេង ដែលបានបោះឆ្នោតសម្រាប់ខ្ញុំ, “ប្រទេសអាមេរិក មុនគេបង្អស់ និងត្រូវផ្ដល់​ភាពអស្ចារ្យជាថ្មី ជូនប្រទេសអាមេរិក (*)”, នឹងឮរន្ទឺសារជាថ្មី និងយ៉ាងយូរ។ ក្នុងកាលៈទេសៈ​ណាក៏ដោយ សម្លេង​ម្ចាស់ឆ្នោត​ទាំងនេះ មិនត្រូវបានគេមើលងាយ ឬធ្វើបាបដោយអយុត្តិធម៌ ទោះតាមរបៀបណាក៏ដោយ៕»

(*) “AMERICA FIRST, and MAKE AMERICA GREAT AGAIN”



លំអិតបន្ថែមទៀត

កម្ពុជា

អាមេរិក​លើកពី​«សេរីភាព និង ចំណង​ទ្វេភាគី» ដើម្បី​ជូនពរ​ឆ្នាំថ្មី​ដល់​កម្ពុជា

សម្រាប់ឱកាសបុណ្យចូលឆ្នាំថ្មី ប្រពៃណីជាតិនេះ សហរដ្ឋអាមេរិកបានផ្ញើរសារ ជូនពរប្រជាជនកម្ពុជា ប្រកបដោយអត្ថន័យសង្កត់ធ្ងន់ ទៅលើ«សេរីភាព» និងលើកឡើង ពីក្ដីសង្ឃឹម នៃការពង្រឹង«ចំណងទ្វេភាគី» កាន់តែខ្លាំងឡើង ក្នុងឆ្នាំខាងមុខ។ ​អ្នកនាំពាក្យ​ក្រសួង​ការបរទេស របស់ប្រទេសមហាអំណាច ...
ដំណឹង

ត្រាំ ឲ្យប្រើទឹកម្សៅ​បាញ់​ពី​យន្ដហោះ​ដើម្បី​ពន្លត់​ភ្លើង​នៅ Notre-Dame

ទិដ្ឋភាពដ៏រន្ធត់ នៃអគ្គិភ័យ ដែលកំពុងឆេះកម្ទេចព្រះវិហារ «Notre-Dame» ដ៏ល្បីនៃរដ្ឋធានីប៉ារីស បានជំរុញឲ្យប្រធានាធិបតីអាមេរិក លោក ដូណាល់ ត្រាំ (Donald Trump) ចេញមុខធ្វើប្រតិកម្ម ដោយស្នើឲ្យប្រើម្សៅ ...
កម្ពុជា

នេះជា​ផ្ទះ​ដែល​ឯកអគ្គរដ្ឋទូត​អាមេរិក​ស្នាក់នៅ ក្នុង​ចុង​សប្ដាហ៍​កន្លង​មក

ក្នុង​ចុង​សប្ដាហ៍​កន្លង​មក ឯកអគ្គរដ្ឋទូតសហរដ្ឋអាមេរិក ប្រចាំនៅកម្ពុជា លោក ប៉ាទ្រីក ម័រហ្វី (Patrick Murphy) បានធ្វើដំណើរ​ទៅកាន់​ទឹកដីភាគឦសាន នៃប្រទេស​កម្ពុជា ជាពិសេសនៅក្នុងខេត្ត​មណ្ឌលគិរី ដោយស្នាក់ក្នុង​ក្រុង សែនមនោរម្យ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.