ដំណឹងពិភពលោក

Covid-19 ៖ មកដល់​ម៉ោង​នេះ អ្នកជំងឺ​សរុប​ជាង១១ពាន់​នាក់ បានស្លាប់

មកដល់​ម៉ោង​នេះ ជំងឺរលាកផ្លូវដង្ហើម ប្រភេទថ្មី បណ្ដាលមកពីមេរោគ«កូរូណា» ឬ«Covid-19» បានសម្លាប់​អ្នកជំងឺសរុប ជាង១១ពាន់នាក់ហើយ។

តុល្យភាពចុងក្រោយ ដែលទស្សនាវដ្ដី មនោរម្យ.អាំងហ្វូ បានចូលទៅពិគ្រោះ បង្ហាញថា មនុស្សចំនួន ១១ ៥៥៤នាក់ បានស្លាប់ ពីក្នុងចំនួនអ្នកជំងឺសរុប ២៧៨ ៤៧៤នាក់ នៅលើពិភពលោក។

តួលេខខាងលើ បានអះអាងថា ប្រទេសចិនដែលមានចំនួនអ្នកឆ្លង ច្រើនជាងគេ (៨១ ០០៨នាក់) មានចំនួនអ្នកស្លាប់ ៣ ២៥៥នាក់ ដែលតិចជាងប្រទេសអ៊ីតាលី ដែលមានមនុស្សស្លាប់ រហូតដល់ ៤ ០៣២នាក់ ពីក្នុងចំណោមពលរដ្ឋអ៊ីតាលី ដែលឆ្លងមេរោគ ចំនួន ៤៧ ០២១នាក់។

បើរាប់ចាប់ពីការរាតត្បាតដំបូង មកដល់​ពេល​នេះ អ្នកជំងឺចំនួន ៥ ១២៩នាក់ ក្នុងប្រទេសអ៊ីតាលី បានជាសះស្បើយ ខណៈក្នុងប្រទេសចិន អ្នកជំងឺជាសះស្បើយ មានចំនួន ៧៤ ៧៣១នាក់។

ប្រទេសដែលរងការរាតត្បាតខ្លាំង បន្ទាប់ពីប្រទេសទាំងពីរខាងលើ គឺប្រទេសអេស្ប៉ាញ ដែលចំនួនអ្នកឆ្លង បានកើនឡើងដល់  ២៤ ៩៨០នាក់ និងចំនួនអ្នកស្លាប់ បានកើនឡើងដល់ ១ ៣៤៧នាក់។

ផ្ទុយទៅវិញ ក្នុងប្រទេសអៀរ៉ង់ អត្រាអ្នកស្លាប់ មានចំនួនច្រើនជាងគេ (១ ៥៥៦នាក់) បើធៀបនឹងចំនួនអ្នកឆ្លង ដែលមានចំនួន ២០ ៦១០នាក់។ ចំនួនអ្នកឆ្លងនេះ ធ្វើឲ្យប្រទេសអៀរ៉ង់ ឈរនៅលេខ៥ បន្ទាប់ពីចិន អ៊ីតាលី អេស្ប៉ាញ និងអាល្លឺម៉ង់។

បន្ទាប់ពីប្រទេសអៀរ៉ង់ គឺសហរដ្ឋអាមេរិក ជាមួយនឹងតួលេខអ្នកឆ្លង មានចំនួន ១៩ ៨៤៣នាក់ និងអ្នកស្លាប់ មានចំនួន ២៧៦នាក់។ រីឯប្រទេសបារាំង មានអ្នកជំងឺឆ្លងមេរោគចំនួន ១២ ៦១២នាក់ និងអ្នកស្លាប់ចំនួន ៤៥០នាក់។

មកដល់​ម៉ោង​នេះ កម្ពុជាមានអ្នកជំងឺ ៥៣នាក់

ដោយឡែក ប្រទេសកម្ពុជា មានអ្នកឆ្លងជំងឺ បានកើនឡើងដល់៥៣នាក់។ នេះ បើតាមតួលេខ ផ្ដល់ដោយនាយកដ្ឋានប្រយុទ្ធនឹងជំងឺឆ្លង នៃក្រសួងសុខាភិបាលកម្ពុជា នៅមុននេះបន្តិច។

ករណីអ្នកជំងឺស្លាប់ ជាលើកដំបូង បានកើតមាន នៅក្នុងប្រទេសមួយចំនួន ដូចជាប្រទេសអារ៉ាប់រួម លីតួអានី អ៊ីស្ត្រាអែល និងប៉ារ៉ាហ្គាយជាដើម។

មកដល់​ម៉ោង​នេះ បណ្ដាប្រទេស​ និងដែនដី ចំនួន១៦៤ ក្នុងពិភពលោកទាំងមូល បានឆ្លងជំងឺខាងលើ។ ប៉ុន្តែចំនួនអ្នកឆ្លងមេរោគ«Covid-19» អាចមានចំនួនច្រើនជាង ២៧៤ ៤៧៤នាក់ ដោយហេតុថា ប្រទេសនិងដែនដីមួយចំនួនធំ បានរកឃើញករណីឆ្លង តែនៅពេលដែលអ្នកជំងឺ ទៅស្វែងរកការធ្វើតេស្ដិ៍ ដោយខ្លួនឯងប៉ុណ្ណោះ៕



You may also like

កម្ពុជា

ព្រឹត្តិការណ៍២០កុម្ភៈ៖ ករណីឆ្លង​ក្នុងសហគមន៍ កើនដល់​១០៣នាក់

មកដល់ម៉ោងនេះ ករណីឆ្លង​ក្នុងសហគមន៍ នៃអ្នកជំងឺកូវីដ-១៩ (Covid-19) ត្រូវបានរកឃើញ កើនឡើង​ដល់​ចំនួន​សរុប ១០៣នាក់។ ខាងក្រោមនេះ ជាតួលេខត្រួសៗ បង្ហាញពីការរកឃើញប្រចាំថ្ងៃ នៃករណីឆ្លងក្នុងសហគមន៍ រាប់ចាប់ពី​ថ្ងៃទី២០ ខែកុម្ភៈមក៖ ...
លោក ហ៊ុន សែន នាយករដ្ឋមន្ត្រីតាំងពីឆ្នាំ១៩៨៥ នៅប្រទេសកម្ពុជា។ (រូបថតឆ្នាំ២០២០ បង្ហោះលើទំព័រហ្វេសប៊ុក)
កម្ពុជា

ព្រឹត្តិការណ៍២០កុម្ភៈ៖ ហ៊ុន សែន ឲ្យបិទសាលារៀន និងបន្ថែមវិធានការ

ក្រៅពីសម្រេច​«ឲ្យបិទសាលារៀន» ក្នុងរយៈពេលពីរសប្ដាហ៍ លោកនាយករដ្ឋមន្ត្រី ហ៊ុន សែន បានប្រកាស​ចាត់​វិធានការ​​បន្ថែមមួយចំនួនទៀត នៅក្នុងរាជធានីភ្នំពេញ និងខេត្តកណ្ដាល។ នេះ បើតាមរយៈសារពិសេសមួយ ដែល​លោកបានបង្ហោះ នៅលើបណ្ដាញសង្គម នៅយប់ថ្ងៃចន្ទ​ទី២២ ...
ដំណឹង

«កំប្លោកសមុទ្រ» កំពុង​វាយលុក​ឆ្នេរសមុទ្រ​ភាគឦសាន​អូស្ត្រាលី

មនុស្សច្រើនជាង ៣៥០០នាក់ បានរងគ្រោះ ព្រោះសត្វត្រី កំប្លោកសមុទ្រ (ហៅជា​អង់គ្លេស “Portuguese man o’ war”) ដែលកំពុងវាយលុយ តំបន់ឆ្នេរសមុទ្រ ភាគ​ឦសាន​នៃកោះអូស្ត្រាលី។ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...