ដំណឹងពិភពលោក

Covid-19 ៖ បូរីស ចនសុន ចេញពីប្លុក«សង្គ្រោះបន្ទាន់»

នាយករដ្ឋមន្ត្រីអង់គ្លេស លោក បូរីស ចនសុន (Boris Johnson) ត្រូវបានយកចេញ ពីប្លុក«សង្គ្រោះបន្ទាន់»ហើយ នៅល្ងាចថ្ងៃព្រហស្បត្តិ៍នេះ។ លោកត្រូវបានបញ្ជូនបន្តរ ទៅកាន់សេវាព្យាបាលផ្សេងទៀត នៃមន្ទីរពេទ្យ «St Thomas’ Hospital»។ នេះ បើតាមការអះអាង របស់អ្នកនាំពាក្យរបស់លោក។

លោក បូរីស ចនសុន ត្រូវបានផ្ទេរទៅកាន់ប្លុក«សង្គ្រោះបន្ទាន់» កាលពីល្ងាចថ្ងៃចន្ទ បន្ទាប់ពីគ្រូពេទ្យ បានមើលឃើញ ពីស្ថានភាពរបស់លោក ដែលកាន់តែចុះខ្សោយ នៅរសៀលថ្ងៃចន្ទដដែលនោះ។

សេចក្ដីប្រកាសព័ត៌មាន របស់អ្នកនាំពាក្យនាយករដ្ឋមន្ត្រី ដែលចេញផ្សាយ ក្នុងល្ងាចថ្ងៃព្រហស្បត្តិនេះ បានសរសេរឲ្យដឹងថា៖

«លោកនាយករដ្ឋមន្ត្រី ត្រូវបានបញ្ជូនចេញ ពីប្លុកសង្គ្រោះបន្ទាន់ ទៅកាន់ប្លុកមួយទៀត របស់មន្ទីរពេទ្យ។ នៅទីនោះ លោកនឹងត្រូវស្ថិតក្រោមការឃ្លាំមើល យ៉ាងដិតដល់ ជាបន្តទៀត សម្រាប់ជំហានជាធម្មតា ឆ្ពោះទៅកាន់ការជាសះស្បើយ។»

នៅថ្ងៃទី២៦ ខែមីនា ឆ្នាំ២០២០ លោកនាយករដ្ឋមន្ត្រី បានប្រកាសថា លោកត្រូវបានរកឃើញ បានឆ្លងមេរោគ «Covid-19»។  តែលោកបានដាក់ខ្លួន ព្យាបាលដោយឡែក នៅក្នុងវិមានរដ្ឋាភិបាល «Downing Street» រហូតលុះត្រាវេជ្ជបណ្ឌិតផ្ទាល់ខ្លួន របស់លោក ផ្ដល់យោបល់ឲ្យលោកត្រូវចូលខ្លួន ទៅសម្រាកនៅមន្ទីរពេទ្យ ក្នុងយប់ថ្ងៃអាទិត្យមុននេះ។

ក្នុងរយៈពេលនៃអវត្តមានរបស់នាយករដ្ឋមន្ត្រី គឺលោក «Dominic Raab» រដ្ឋមន្ត្រីការបរទេស ជាអ្នកដឹកនាំរដ្ឋាភិបាល និងរាល់ការប្រជុំនានា ជាពិសេសដំណោះស្រាយ ទល់នឹងវិបត្តិជំងឺ «Covid-19» ដែលកំពុងបន្តញាំញីចក្រភព។

នៅថ្ងៃនេះ ចំនួនមនុស្សស្លាប់ នៅចក្រភពអង់គ្លេសទាំងមូល មានចំនួន ៨៨១នាក់ ដែលធ្វើឲ្យមនុស្សស្លាប់ទាំងអស់ មានចំនួនកើនដល់ ៧ ៩៧៨នាក់ បើរាប់តាំងពីដើមដំបូងមក៕



You may also like

កម្ពុជា

ហ៊ុន សែន គ្រោងឲ្យ​មន្ត្រី​ទៅស្នាក់​នៅ​«សៀមរាប» ជំនួស​អ្នក​ទេសចរណ៍

ដើម្បីដោះស្រាយវិបត្តិ មេរោគ«កូរូណា»ថ្មី ដែលកំពុងរួមរិតវិស័យទេសចរណ៍កម្ពុជា លោកនាយករដ្ឋមន្ត្រី ហ៊ុន សែន គ្រោងបើកកិច្ចប្រជុំគណៈរដ្ឋមន្ត្រី និងកិច្ចប្រជុំធំៗផ្សេងទៀត នៅក្នុងខេត្ត«សៀមរាប»។ គម្រោងបើកកិច្ចប្រជុំនេះ ត្រូវបានបុរសខ្លាំងកម្ពុជា ពន្យល់ថា គឺដើម្បីឲ្យក្រុមមន្ត្រីរាប់រយ-រាប់ពាន់នាក់ ...
កម្ពុជា

អ្នកជំនាញ អ.ស.ប​៖ កម្ពុជា«បំពានធ្ងន់ធ្ងរ»​លើសិទ្ធិឯកជន​អ្នកជំងឺ​កូវីដ-១៩

អាជ្ញាធររដ្ឋាភិបាល នៃប្រទេសកម្ពុជា កំពុង«បំពានធ្ងន់ធ្ងរ»​ចំពោះសិទ្ធិឯកជន របស់បុគ្គលទាំងឡាយ ដែលបាន​ធ្វើតេស្ដិ៍​វិជ្ជមាន​កូវីដេ-១៩ (Covid-19) បន្ទាប់ពីអត្តសញ្ញាណ​របស់ពួកគេ ត្រូវបានផ្សព្វផ្សាយចេញ ជាសាធារណៈ។ នេះ បើតាមសេចក្ដីថ្លែងការណ៍ របស់ក្រុមអ្នកជំនាញសិទ្ធិមនុស្ស របស់អង្គការសហប្រជាជាតិ ...
កម្ពុជា

Covid-19៖ កម្ពុជា​មាន​ ២ករណី​ទៀត ក្នុងថ្ងៃ​២៨មិថុនា (សរុប​១៤១នាក់)

នៅថ្ងៃអាទិត្យ ទី២៨ ខែមិថុនានេះ ប្រទេសកម្ពុជាបានបញ្ចេញតួលេខ នៃការឆ្លងជំងឺ «Covid-19» ថែម ២ករណី​ទៀត ដែលធ្វើឲ្យអ្នកជំងឺសរុប កើនឡើងដល់ ១៤១នាក់។ នេះ បើតាមសេចក្ដីប្រកាសព័ត៌មាន ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...