កម្ពុជាដំណឹង

ហេតុអ្វីពលរដ្ឋ«ញាក់សាច់» នៅពេលឃើញដីកាកោះពីតុលាការ?

ក្រៅពីសំណុំរឿង ដែលជាប់ពាក់ព័ន្ធជាមួយនយោបាយ មានសំនុំរឿងជាច្រើនផ្សេងទៀត ដែលពលរដ្ឋតែងបង្ហាញ ភាពភ័យខ្លាច«ញាក់សាច់» របស់ផងខ្លួន នៅចំពោះដីកាកោះរបស់តុលាការកម្ពុជា បើទោះជាដីកានោះ ហៅសាមីខ្លួនឲ្យចូលខ្លួន ត្រឹមតែដើម្បីការបំភ្លឺ ឬធ្វើជាសាក្សីក្ដី។

ហេតុអ្វី? លោកមេធាវី សុក សំអឿន មកពីការិយាល័យមេធាវី «អមរិន្ធ» បានពន្យល់ពីករណីនេះ នៅលើបណ្ដាញសង្គម ដោយលើកពីហេតុផលមួយចំនួន ដូចជាការស្នើសុំ ឲ្យមានឃុំខ្លួន«ជាស្វ័យប្រវត្តិ» ពីសំណាក់ស្ថាប័នអយ្យការ និងកង្វះច្បាប់ ដែលត្រូវចែងច្បាស់លាស់ ស្ដីពីការឃុំខ្លួន​ជាបណ្ដោះអាសន្ន និងការធានា​ឲ្យនៅក្រៅឃុំ។ ហើយដើម្បី ជាទីពឹងរបស់ពលរដ្ឋ គឺមានតែស្ថាប័នរដ្ឋសភា ដែលតំណាងឲ្យរាស្ត្រប៉ុណ្ណោះ ដែលត្រូវត្រួតពិនិត្យបញ្ហានេះ ឡើងវិញ។

លោក សំអឿន បានអះអាងពីការសង្កេតរបស់លោក នាពេលសព្វថ្ងៃដូច្នេះថា៖

«ឲ្យតែមានបណ្តឹងព្រហ្មទណ្ឌ ហើយប្រសិនបើបញ្ជូន​ទៅស៊ើបសួរ ដឹងតែអយ្យការស្នើឲ្យឃុំខ្លួន ហើយចៅក្រមស៊ើបសួរ ក៏ត្រូវ​តែឃុំខ្លួន ដោយសំអាងថាអយ្យការទេ ស្នើសុំ មិនមែនគាត់ចង់ឃុំទេ។»

លោកបន្តថា៖

«បើតែអញ្ចឹង រាស្រ្តណាមិនខ្លាចចៅក្រម រាស្រ្តណាមិនញាក់សាច់ ពេលដឹងថាចៅក្រមហៅខ្លួន។ គួរតែពិនិត្យមើលច្បាប់សិន ទេដឹង? ក្នុងរដ្ឋ ដែលមានតុលាការមិនសូវគិត ពីសេរីភាពរាស្រ្តអញ្ចឹង មានតែរំពឹងលើអង្គនិតិបញ្ញតិ្ត ដែលប្រមូលផ្តុំ ដោយតំណាងរបស់រាស្រ្តនោះទេ ដែលអាចពិនិត្យច្បាប់ និងកែ-សសេរច្បាប់​ឲ្យបានច្បាស់ ដើម្បីជាទីពឹងរបស់រាស្រ្តផង!»

លោកមេធាវី បានចោទសួរថា បើមានអ្នកគេចពីការចាប់ខ្លួន តើគេនឹងអាចរត់ពួន នៅទីណាទៅ? ឬអាងថា គ្មានព្រៃពួនបាន? លោកសរសេរបន្ថែមថា៖

«ជាអនុសាសន៍ គួតែពិនិត្យ និង[ធ្វើ]វិសោធនកម្មច្បាប់ ពាក់ព័ន្ធនឹងការ​ឃុំខ្លួនបណ្តោះអាសន្ន! ឬបង្កើតច្បាប់ ពីការធានានៅក្រៅឃុំ។ បង្កើតតុលាការឃុំខ្លួន “Court de Liberté” ដូចនៅបារាំង ក៏បាន! បើជ្រុលចម្លងពីគេ ម៉េចមិនចម្លងទាំងស្រុង?»

សព្វថ្ងៃសង្កេតឃើញថា ឲ្យតែមានបណ្តឹងព្រហ្មទណ្ឌ ហើយប្រសិនបើបញ្ជូន​ទៅស៊ើបសួរ ដឺងតែអយ្យការស្នើឲ្យឃុំខ្លួន ហើយចៅក្រមស៊ើបសួរ…

Posted by អម រិន្ទ on Thursday, June 13, 2019


You may also like

កិច្ចសម្ភាស

សម្ភាស​ជនរង​គ្រោះ​ក្នុង​ថ្ងៃ​៣០​មិនា​១៩៩៧៖ ការឈឺចាប់ និង​យុត្តិធម៌

បើទោះបីជាព្រឹត្តិការណ៍គប់គ្រាប់បែក កាលពីថ្ងៃទី៣០ ខែមីនា ឆ្នាំ១៩៩៧ នៅមុខអតីត មន្ទីររដ្ឋសភា បានកន្លង​អស់​១៧ឆ្នាំហើយ ក៏មែនពិត តែ«ការឈឺចាប់ ការស្វែងរកយុត្តិធម៌ និងការបន្សល់ នូវស្នាមរបួស» នៅតែជាការចងចាំ ...
កម្ពុជា

អាមេរិក​និង​មន្ត្រី​ជំនាញ អ.ស.ប បរិហារ​ការចា​ប់ខ្លួន​យុវជន​និយម កែម ឡី

ទាំងសហរដ្ឋអាមេរិក និងអ្នករាយការណ៍ពិសេស របស់អង្គការសហប្រជាជាតិ ( អ.ស.ប ) សុទ្ធតែបានសំដែងប្រតិកម្មរបស់ផងខ្លួន នៅចំពោះទង្វើចាប់ចងរបស់អាជ្ញាធរ នៃរបបក្រុងភ្នំពេញ ប្រឆាំងយុវជនពីរនាក់កាលពីសប្ដាហ៍មុន នៅខណៈពួកគេបានចូលរួម រំឭកខួបបីឆ្នាំ នៃឃាតកម្មលើលោក​បណ្ឌិត ...
វិភាគ អត្ថាធិប្បាយ

អ្នកវិភាគថា ហ៊ុន សែន ទើប​(ធ្វើជា)​ភ្ញាក់ខ្លួន អំពី​ប្រព័ន្ធយុត្តិធម៌​នៅកម្ពុជា

ក្រុមអ្នកវិភាគបានរិះគន់នាយករដ្ឋមន្ត្រីកម្ពុជា លោក ហ៊ុន សែន ថា«ទើប​(ធ្វើជា)​ភ្ញាក់ខ្លួន» បន្ទាប់ពីបុរសខ្លាំងរូបនេះ បានស្នើឲ្យចាក់ផ្សាយភាពយន្ដភាគចិន រឿង«ប៉ាវចិន» ដើម្បីធ្វើកំណែទម្រង់ប្រព័ន្ធយុត្តិធម៌ នៅកម្ពុជា។ អ្នកវិភាគខ្លះ ថែមទាំងបរិហារលោកនាយករដ្ឋមន្ត្រីទៀតថា នេះបង្ហាញឲ្យកាន់តែឃើញថា ...

Comments are closed.

កម្ពុជា

សម រង្ស៊ី ថាមិនខ្វល់​ពីសំដី«កូនក្នុងខោ-កូនក្រៅខោ»​របស់ កឹម សុខា

កម្ពុជា

បន្ទាប់ពី​ទទួលវ៉ាក់សាំងចិន ហ៊ុន សែន សុំជំនួយ​វ៉ាក់សាំង​ ពីប្រទេសឥណ្ឌា

មេដឹកនាំកម្ពុជា លោក ហ៊ុន សែន បាន​ស្នើ​សុំជំនួយ​វ៉ាក់សាំង​បង្ការជំងឺកូវីដ១៩ (Covid-19) ពីប្រទេសឥណ្ឌា បន្ទាប់ពីប្រទេសនេះ បានប្រកាសដាក់​ឲ្យប្រើប្រាស់យ៉ាងបន្ទាន់ នូវថ្នាំវ៉ាក់សាំងរបស់ខ្លួន ឈ្មោះ«Covaxin» និង«Covishield» សម្រាប់ពលរដ្ឋឥណ្ឌា ...
កម្ពុជា

Covid-19៖ កម្ពុជាប្រកាស​រកឃើញ​ករណីឆ្លង កើនឡើង​ដល់៤៣៩នាក់

មកទល់នឹងព្រឹកថ្ងៃអាទិត្យ​ទី១៧ ខែមករា ឆ្នាំ២០២១នេះ កម្ពុជាប្រកាសបានរកឃើញ ករណីឆ្លងជំងឺកូវីដ (Covid-19) កើនឡើង​ដល់៤៣៩នាក់ បន្ទាប់ពីបានរកឃើញករណីឆ្លង លើពលករខ្មែរ​៣នាក់បន្ថែមទៀត ដែលទើបធ្វើដំណើរ​មកពីប្រទេសថៃ។ នេះ បើតាមសេចក្ដីប្រកាសព័ត៌មាន របស់ក្រសួងសុខាភិបាលកម្ពុជា ...