កម្ពុជាដំណឹង

មន្ត្រី​ការទូត របស់​បស្ចឹមលោក «គាំទ្រ​ជំនួប​ ហ៊ុន សែន-កឹម សុខា»

យ៉ាងហោចណាស់ មន្ត្រី​ការទូត របស់សហភាពអ៊ឺរ៉ុប និងរបស់ប្រទេសអាល្លឺម៉ង់ ប្រចាំនៅ​ប្រទេសកម្ពុជា បានចូលសួរសុខទុក្ខលោក កឹម សុខា ប្រធានគណបក្សសង្គ្រោះជាតិ និងបាន​សម្ដែង​ការគាំទ្រ​របស់ផងខ្លួន ចំពោះ​«ជំនួប»​រវាងលោក ហ៊ុន សែន និងលោក កឹម សុខា ដែលបានធ្វើឡើង​កាលពីសប្ដាហ៍កន្លងទៅ ក្នុង​ពិធីបុណ្យសព​ម្ដាយក្មេក​របស់លោក ហ៊ុន សែន។

លោក កឹម សុខា ខ្លួនលោក បានអះអាងពីជំនួបទាំងនោះ ដោយសរសេរគូសបញ្ជាក់ នៅលើទំព័រហ្វេសប៊ុក​​របស់លោកថា ក្នុងជំនួបនាព្រឹកថ្ងៃចន្ទ លោក «Christian Berger» ឯកអគ្គរដ្ឋទូត​អាល្លឺម៉ង់ ប្រចាំកម្ពុជា បានចាត់ទុកការជជែក​រវាងលោក ហ៊ុន សែន និងរូបលោក (កឹម សុខា) ថាជារឿងវិជ្ជមាន។

រីឯក្នុងជំនួប ជាមួយមេដឹកនាំប្រឆាំង ក្នុងពេលរសៀល ថ្ងៃចន្ទដដែល អ្នកស្រី «Carmen Moreno» ឯកអង្គទូត​នៃគណៈប្រតិភូសហភាពអឺរ៉ុប ប្រចាំកម្ពុជា ក៏មានប្រសាសន៍ ប្រហាក់ប្រហែលគ្នាដែរ។ លោក កឹម សុខា បានបញ្ជាក់នៅក្រោយជំនួបថា អ្នកស្រីឯក​អង្គទូត បានសាទរចំពោះជំនួប  ហ៊ុន សែន – កឹម សុខា ដោយយល់ថា នោះគឺជា ជំហានវិជ្ជមានទី១។

ភ្នំពេញ ថ្ងៃចន្ទទី ១១ ខែឧសភា ឆ្នាំ២០២០ក្នុងសប្តាហ៍នេះ ខ្ញុំនឹងទទួលជួបជាមួយនឹងឯកអគ្គរដ្ឋទូត-ឯកអគ្គរាជទូត…

Gepostet von Kem Sokha am Montag, 11. Mai 2020

លោក ហ៊ុន សែន និងលោក កឹម សុខា បានជួបជជែក​គ្នា ប្រមាណជិតមួយម៉ោង នៅក្នុង​​គេហដ្ឋាន​លោក ហ៊ុន សែន នៅខណៈមេដឹកនាំគណបក្សប្រឆាំង បាន​ដឹកនាំ​គណៈប្រតិភូ ចូលគោរពសពម្ដាយក្មេក របស់លោកនាយករដ្ឋមន្ត្រី កាលពីថ្ងៃទី៥ ខែឧសភា កន្លងទៅ។

ក្រុមអ្នកវិភាគ និងអ្នកឃ្លាំមើលភាគច្រើន ក៏បានសាទរ ចំពោះកាយវិការនេះ ដូច«មន្ត្រី​ការទូត»ទាំងនេះដែរ។ លោក អ៊ូ វីរៈ នាយកវេទិកាអនាគត ដែលជាមជ្ឈមណ្ឌល​ស្រាវជ្រាវ​គោល​នយោបាយ បាននិយាយ​ថា មេដឹកនាំខ្មែរទាំងពីរនាក់ ពិតជា​មានរឿង​ច្រើនណាស់ ដែលត្រូវ​​និយាយ​ជាមួយគ្នា។

រីឯលោក គឹម សុខ អ្នកវិភាគឯករាជ្យវិញ បើទោះជាលោក មិនសូវមានសុទិដ្ឋិនិយម ចំពោះផ្លៃផ្កា ដែលចេញពីជំនួបនេះក្ដី ក៏លោកបានចាត់ទុកជំនួបនេះ ថាជាការបង្ហាញ នូវ«ប្រពៃណី​វប្បធម៌​នយោបាយ​ល្អមួយ»។

សម្រាប់លោក ប៉ា ងួនទៀង នាយកមជ្ឈមណ្ឌលផ្សព្វផ្សាយឯករាជ្យ (CCIM) បាន​លើក​ឡើងថា សពលោកយាយ ប៊ុន ស៊ាងលី ដែលជាម្ដាយក្មេកលោក ហ៊ុន សែន ទទួលបាន​នូវ​កិត្តិយស​ដ៏អស្ចារ្យ បើសិនជាពិធីបុណ្យ​សពលោកយាយ បានក្លាយជា«ស្ពាន» នៃ​ការផ្សះផ្សារ​ជាតិ និងដំណោះស្រាយ​​នយោបាយ នៅកម្ពុជា​មែននោះ។

លោក ងួនទៀង សរសេរថា៖

«ប្រសិនបើជំនួប របស់លោក ហ៊ុន សែន និងលោក កឹម សុខា ក្នុងពិធីបុណ្យសពរបស់​គាត់ ក្លាយជាស្ពាន នៃការផ្សះផ្សារជាតិ និងដណោះស្រាយនយោបាយ នៅកម្ពុជា។ នោះវា​មានន័យថា សពរបស់គាត់ បានកសាងរឿង ដ៏អស្ចារ្យមួយ ជូនសង្គមជាតិ ជាចុងក្រោយ​បំផុត!»



You may also like

កម្ពុជា

ក្រុមអ៊ឺរ៉ុប ផ្ដួចផ្ដើម​ដោយ EU គ្រោងផ្ដល់​​ជំនួយ​ជិត​៥០០លាន​ដុល្លារ​ឲ្យ​កម្ពុជា

ក្រុមអ៊ឺរ៉ុប (Team Europe) ដែលផ្ដួចផ្ដើមដោយ សហភាពអ៊ឺរ៉ុប (EU) កំពុង​កៀរ​គរ​ថវិកា​ចំនួន​៤៤៣​លាន​អឺរ៉ូ ដែល​ជា​កញ្ចប់​ប្រាក់​កម្ចី និង​ជំនួយ​ឥត​សំណង ដើម្បី​ធ្វើ​ការងារ​ជាមួយ​កម្ពុជា ក្នុង​ការ​កាត់​បន្ថយ​ផល​ប៉ះពាល់ ​ផ្នែក​សង្គម និង​សេដ្ឋកិច្ច​ ...
កម្ពុជា

Covid-19៖ ថៃដាក់​កម្ពុជា ក្នុងចំណោម​៥ប្រទេស ដែល​មាន​ហានិភ័យ​ខ្ពស់

ប្រទេសកម្ពុជា ជាប់ឈ្មោះក្នុងបញ្ជីប្រទេសទាំង៥ ដែល​មាន​ហានិភ័យ​ខ្ពស់ ក្នុងការឆ្លងជំងឺ «Covid-19» និងដែលថៃត្រូវផ្អាកទំនាក់ទំនង ជាបណ្ដោះអាសន្ន។ នេះ បើតាមការសេចក្ដីសម្រេច របស់ក្រសួងសុខភាពសាធារណៈ របស់ប្រទេសថៃ ដែលចេញផ្សាយឲ្យដឹង ក្នុងថ្ងៃពុធ ...
ទស្សនៈប្រិយមិត្ត

លិខិតប្រិយមិត្ត៖ ​«ការ​អស់​សុពល​​ភាព»ដ៏ចម្លែក​នៃ​កិច្ច​ព្រម​ព្រៀងក្រុងប៉ារីស

អត្ថបទខាងក្រោមនេះ មានចំណងជើង «អាថ៌កំបាំង​ពីក្រោយ​”ការ​អស់​សុពល​​ភាព”​នៃ​កិច្ច​ព្រម​ព្រៀង​ក្រុង​ប៉ារីស» ត្រូវបានផ្ញើរមកទស្សនាវដ្ដី ដោយ​ស្មេរ​ដាក់​ឈ្មោះ «សក្កដា ប្រយុទ្ធ»។ ដោយចាត់ទុកថា វាជាការជជែកវែកញែកមួយ ក្នុងក្របខណ្ឌសេរីភាពនៃការបញ្ចេញមតិ ទស្សនាវដ្ដី​​​​សូម​​យក​​​​អត្ថបទ​នេះ មកចុះ​ផ្សាយ​​ទាំង​ស្រុង (*) ...

Comments are closed.

កម្ពុជា

អ្នកវិភាគ​ជើងចាស់ ប្រាប់អ្នកវិភាគ​ជំនាន់ថ្មី ឲ្យយកគំរូ​តាម«ធនញ្ជ័យ»

កម្ពុជា

សម រង្ស៊ី ថាមិនខ្វល់​ពីសំដី«កូនក្នុងខោ-កូនក្រៅខោ»​របស់ កឹម សុខា

លោក សម រង្ស៊ី ប្រធានស្ដីទីគណបក្សសង្គ្រោះជាតិ បានអះអាងថា លោកមិនខ្វល់ចំពោះសំដី អ្នកទាំងឡាយណា ដែលនិយាយ​ជំនួសលោក កឹម សុខា ប្រធានគណបក្សនោះទេ បើទោះជាអ្នកនោះ ជា«កូនក្នុងខោ-កូនក្រៅខោ»របស់លោក ...
កម្ពុជា

បន្ទាប់ពី​ទទួលវ៉ាក់សាំងចិន ហ៊ុន សែន សុំជំនួយ​វ៉ាក់សាំង​ ពីប្រទេសឥណ្ឌា

មេដឹកនាំកម្ពុជា លោក ហ៊ុន សែន បាន​ស្នើ​សុំជំនួយ​វ៉ាក់សាំង​បង្ការជំងឺកូវីដ១៩ (Covid-19) ពីប្រទេសឥណ្ឌា បន្ទាប់ពីប្រទេសនេះ បានប្រកាសដាក់​ឲ្យប្រើប្រាស់យ៉ាងបន្ទាន់ នូវថ្នាំវ៉ាក់សាំងរបស់ខ្លួន ឈ្មោះ«Covaxin» និង«Covishield» សម្រាប់ពលរដ្ឋឥណ្ឌា ...