កម្ពុជាដំណឹង

ថ្ងៃនេះ​ជាខួប​ទី៥៨ ដែល​តុលាការ​អន្តរជាតិ​សម្រេចថា ព្រះវិហារ​ជា​របស់​ខ្មែរ

ព្រះវិហារ​ជា​របស់​ខ្មែរ ៖ ថ្ងៃទី១៥ ខែមិថុនានេះ កាលពី៥៨ឆ្នាំមុន (ឆ្នាំ១៩៦២) គឺជាថ្ងៃ​ដែល​ប្រជាជាតិខ្មែរ លោត​សប្បាយ បន្ទាប់ពីតុលាការយុត្តិធម៌អន្តរជាតិ នៅក្រុងឡាអេ (ហូឡង់) បានសម្រេច​ឲ្យ​កម្ពុជា​ឈ្នះថៃ លើសំនុំរឿងក្ដី នៃប្រាសាទព្រះវិហារ ដែលត្រូវបាន​ឈ្លានពាន ដោយ​កងទ័ព​ថៃ។

តុលាការក្រុងឡាអេ បានប្រកាសទទួលស្គាល់ទឹកដី នៃប្រាសាទព្រះវិហារ ថាជាកម្មសិទ្ធ​របស់កម្ពុជា ហើយបានដាក់កំហិត ឲ្យប្រទេសថៃត្រូវដកកងទ័ព ចេញពីទីនោះ ព្រមទាំង​សងមកកម្ពុជាវិញ នូវវត្ថុទាំងឡាយណា ដែលថៃបានយកចេញពីប្រាសាទ។

ប្រាសាទព្រះវិហារ ស្ថិតនៅលើខ្នងភ្នំដងរែក ដែលជាជួរភ្នំដ៏វែងអន្លាយ លាតសន្ធឹង នៅ​ស្រប​នឹងព្រំដែន កម្ពុជា-ថៃ។ ប្រាសាទនេះ ដែលសង់ឡើងដោយវីរបុរសខ្មែរ មាន​វ័យ​ចំណាស់ តាំងពីសតវត្សទី១១ និងត្រូវបានដាក់បញ្ចូល ក្នុងបញ្ជីសម្បត្តិបេតិកភ័ណ្ឌវប្បធម៌ ពិភពលោក របស់អង្គការអ៊ុយនេស្កូ នៅថ្ងៃទី៧ ខែកក្កដា ឆ្នាំ២០០៨។

រូបភាពខាងក្រោមនេះ បង្ហាញពីព្រះបាទ សម្ដេចព្រះ នរោត្ដម សីហនុ ដែលព្រះអង្គ បាន​យាងបង្ហូតទង់ជាតិកម្ពុជា នៅលេីកំពូលភ្នំនៃប្រាសាទព្រះវិហារ ដើម្បីបង្ហាញពី​ជ័យជំនះ​នេះផង និងបង្ហាញពី​មោទនភាពជាតិ របស់កម្ពុជានាពេលនោះផង។ (ឯកសារ​របស់​ព្រះបរម​រាជវាំង)

រីឯរូបភាពខាងក្រោម ជាទិដ្ឋភាព នៅក្នុងសាលាក្ដីយុត្តិធម៌អន្តរជាតិ នៅក្រុងឡាអេ (ហូឡង់)។ (ឯកសារ​របស់​ព្រះបរម​រាជវាំង)



You may also like

ទស្សនៈប្រិយមិត្ត

«បណ្ឌិត កែម ឡី និងខ្ញុំ»

«បណ្ឌិត កែម ឡី និងខ្ញុំ» ជាសំណេររៀបរាប់ឡើងវិញ​សរសេរដោយលោក លឺ ឡាយស្រេង ពីការ​ជួប​ជជែក​​រវាង​លោក និងលោក កែម ឡី នៅប្រមាណជាងមួយខែ​មុនលោក កែម ...
វិភាគ អត្ថាធិប្បាយ

អ្នកវិភាគថា វាយប្រហារ​អ្នក​គាំទ្រ​​ខ្មែរក្រហម​​នៅ អ.ស.ប គឺ​វាយប្រហារ​ចិន

ទេ! មិនមែនមហាអំណាចលោកខាងលិច ឬនិយាយឲ្យចំ មិនមែនសហរដ្ឋអាមេរិកទេ ដែលអន្ទោច ឬទាមទារ​ឲ្យរបបខ្មែរក្រហម នៅបន្តកាន់កាប់​អសនៈកម្ពុជា នៅអង្គការសហប្រជាជាតិ ( អ.ស.ប ) រយៈពេល ១២ឆ្នាំបន្ថែមទៀត ...
ដំណឹង

អាមេរិកចោទ​យោធាភូមា ពីបទ​«ប្រល័យ​ពូជសាសន៍»​ជនជាតិរ៉ូហ៊ីងយ៉ា

រដ្ឋបាលរបស់ប្រធានាធិបតីអាមេរិក បានអះអាង​ក្នុងថ្ងៃអាទិត្យនេះថា យោធាភូមាបានប្រពឹត្តឧក្រិដ្ឋកម្ម«ប្រល័យ​ពូជសាសន៍» និងឧក្រិដ្ឋកម្ម«ប្រឆាំងមនុស្សជាតិ»ធ្ងន់ធ្ងរ ប្រឆាំងបណ្ដាជនភាគតិច រ៉ូហ៊ីងយ៉ា ដែលរស់នៅក្នុងខេត្តមួយ ស្ថិតនៅភាគខាងលិចប្រទេស។ សំណុំរឿងឧក្រិដ្ឋកម្មនេះ ត្រូវបានដាក់ឡើង ទៅកាន់តុលាការយុត្តិធម៌អន្តរជាតិ (ICJ) នៅក្រុងឡាអេ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...