កម្ពុជាដំណឹង

អ្នកនាំពាក្យអាវុធហត្ថ បកស្រាយរឿង ដុត​សម្លៀកបំពាក់​ក្លែងក្លាយ

នៅចំពោះការរិះគន់ របស់ក្រុមអ្នកប្រើប្រាស់បណ្ដាញសង្គម ជុំវិញការដុតកម្ទេចចោល នូវសម្លៀកបំពាក់ក្លែងក្លាយ លោកឧត្ដមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថ បានចេញមុខមកបកស្រាយថា ការ«ដុត​សម្លៀកបំពាក់​ក្លែងក្លាយ»ចោលនោះ ជាទង្វើគិតគូរវែងឆ្ងាយ និងស្របតាមច្បាប់។

កាលពីព្រឹកថ្ងៃសុក្រទី២៩ ខែមិនា ឆ្នាំ២០១៩ម្សិលម៉ិញ សម្លៀកបំពាក់ក្លែងបន្លំ ២៤៥៣ កំ​ប្ល៉េ ត្រូវបាន​កងរាជអាវុធហត្ថ​លើ​ផ្ទៃ​ប្រទេស ក្រោមអធិបតីរបស់លោកឧ​ត្ត​ម​សេនីយ៍​ឯក អន សុខុន មេបញ្ជាការរង ​ដុតបំផ្លាញ​ចោល នៅ​កន្លែង​ចាក់សំរាម ​ស្ថិតនៅ​ខណ្ឌដង្កោ រាជធានី​ភ្នំពេញ​។

ប៉ុន្តែក្រុមអ្នកប្រើប្រាស់បណ្ដាញសង្គម បានយកការ«ដុត​សម្លៀកបំពាក់​ក្លែងក្លាយ»ទាំងនេះ មកធ្វើការរិះគន់ថា ជាការខ្ជះខ្ជាយ ហើយថាគួរផ្ដល់ ទៅឲ្យមជ្ឈមណ្ឌលកុមារកំព្រា ឬជនទីទ័លក្រប្រសើរជាង។

តែអ្នកនាំពាក្យ កងរាជអាវុធហត្ថ​លើផ្ទៃប្រទេស បានបញ្ជាក់ថា បើសិនជាកងរាជអាវុធហត្ថ យក «សម្លៀកបំពាក់ទាំងអស់នេះ ទៅចែកចាយ ឬចែកអំណោយ ជូនទៅអ្នកដទៃនោះ មានន័យថា សមត្ថកិច្ចឬសហព័ន្ធកីឡាបាល់ទាត់កម្ពុជា គាំទ្រនូវផលិតផលក្លែងក្លាយ»។

លោកឧត្ដមសេនីយ៍ត្រី អេង ហ៊ី បានបំភ្លឺ​តាមរយៈ​ គណនីហ្វេសប៊ុករបស់លោកថា៖

«ដោយសារមានការគិតគូរវែងឆ្ងាយ និងស្របតាមផ្លូវច្បាប់ផង សហព័ន្ធកីឡាបាល់ទាត់កម្ពុជា បានស្នើសុំអយ្យការ អមសាលាដំបូងរាជធានីភ្នំពេញ ធ្វើការបំផ្លាញចោលនូវសម្លៀកបពាក់ដែលចាប់យកចំនួន ២៤៥៣កំប៉្លេ កាលពីថ្ងៃទី០៧ ខែវិច្ឆិកា ឆ្នាំ២០១៨។»

យ៉ាងណា លោក អេង ហ៊ី អះអាងថា ស្ថាប័នលោកទទួលយក នូវមតិរិះគន់ទាំងនេះ និងបើកចំហរ ឲ្យមានការសាកសួរបន្ថែម បើសិនជាមាននរណា មិនទាន់យល់ពីការបកស្រាយ របស់លោកខាងលើ។

សូមបញ្ជាក់ដែរថា កងរាជអាវុធហត្ថ បានរឹបអូសសម្លៀកបំពាក់ ក្លែងបន្លំ«ពាណិជ្ជសញ្ញា សេវាសញ្ញា ម៉ាកសមូហភាព ពាណិជ្ជនាម»ទាំងនោះ នៅក្នុងប្រតិបត្តិការបង្ក្រាបមួយ នៅថ្ងៃទី​០៧ ខែវិច្ឆិកា ឆ្នាំ​២០១៨ ដោយមានបញ្ជាពីលោក សៅ សុខា អគ្គមេបញ្ជាការ​រង​ នៃ​កងយោធពល​ខេ​ម​ភូមិន្ទ មេបញ្ជាការ​​កងរាជអាវុធហត្ថ​​លើ​ផ្ទៃ​ប្រទេស និង​ជា​ប្រធាន​សហព័ន្ធ​កីឡាបាល់ទាត់​ជាតិ។

ការបង្ក្រាបនោះ ធ្វើឡើងទៅលើទីតាំងបីកន្លែង ដោយមាន​ការសម្របសម្រួល ​ពី​ព្រះរាជអាជ្ញា​អប​សាលាដំបូង​រាជធានី​ភ្នំពេញ ហើយថែមទាំងបាន​ឃាត់ខ្លួន ​ជនសង្ស័យ​ម្នាក់ ឈ្នោះ ហេង រស្មី បញ្ជូនទៅ​តុលាការ​ ដើម្បី​បន្ត​នី​តី​វិធី​នោះផង​៕

ខ្ញុំបាទឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស សូមធ្វើការឆ្លើយតបជាមួយបងប្អូន…

Posted by Eng Hy on Friday, March 29, 2019


លំអិតបន្ថែមទៀត

កម្ពុជា

ឈ្មោះ​​មន្ត្រី​រដ្ឋាភិបាល​កម្ពុជា ​ដែល​អាច​ជាប់​«បញ្ជីខ្មៅ»​ត្រូវ​បាន​ទម្លាយ​ឲ្យ​ដឹង

ឈ្មោះ​​មន្ត្រី​រដ្ឋាភិបាល​កម្ពុជា ចំនួន១៧រូប ត្រូវបានរដ្ឋសភាអាមេរិក បញ្ជូនឈ្មោះភ្ជាប់​មក​ជាមួយ ច្បាប់លេខ «H.R. 5754» ដែលទើបត្រូវបានអនុម័ត ជាឯកច្ឆ័ន្ទ ក្នុងថ្ងៃទី២៥ ខែកក្កដា ឆ្នាំ២០១៨នេះ ដើម្បីដាក់ទណ្ឌកម្ម ...
វប្បធម៌ និងជីវិត

នាយកវិទ្យុ RFI ឆេះដុំ​ដាក់​អ្នកលួច​ការផ្សាយ​យកទៅ​ចម្លង​កាត់ត​ថែមថយ

«សូមនិយាយបន្តិច» តែមានន័យវែង! លោក ហ្សង់ហ្វ្រង់ស៊័រ តាន់ (Jean François Tan) នាយកវិទ្យុ RFI ឬវិទ្យុបារាំងអន្តរជាតិ ក្នុងរាជធានីភ្នំពេញ បានប្រតិកម្មក្នុងថ្ងៃនេះ ...
កម្ពុជា

ក្រុងភ្នំពេញបញ្ចេញកំហឹងដាក់ ប្រ៊េដ អាដាម ដើម្បីការពារ សៅ សុខា

រដ្ឋាភិបាលក្រុងភ្នំពេញ បានបញ្ចេញប្រតិកម្មខ្លាំងៗ នៅរសៀលថ្ងៃសុក្រនេះ តបទៅលោក ប្រ៊េដ អាដាម (Brad Adams) នាយកប្រតិបត្តិប្រចាំតំបន់អាស៊ី របស់អង្គការឃ្លាំមើលសិទ្ធិមនុស្ស (Human Rights Watch) ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

កម្ពុជា

កឹម សុខា បដិសេធ​ការយកឈ្មោះ និង​រូបភាពលោក ទៅប្រើខុសឆន្ទៈ

ប្រធានគណបក្សសង្គ្រោះជាតិ លោក កឹម សុខា បានបដិសេធការយកឈ្មោះ និងរូបភាពលោក យកទៅប្រើដោយ«បុគ្គល ក្រុម គណបក្ស ឬ ចលនានយោបាយខ្លះ» ដែលលោកហៅថា ជាការភ្ជាប់ពាក់ព័ន្ធ«នឹងសកម្មភាព ...
កម្ពុជា

សម រង្ស៊ី ថា ស ខេង អាចចូលក្នុង​«រដ្ឋាភិបាល​បង្រួបបង្រួមជាតិ»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានហៅការបង្កើត​«រដ្ឋាភិបាល​បង្រួបបង្រួមជាតិ» ដែលមាន​ការចូលរួម ពីលោក ស ខេង ថា«ជាគំនិតមួយ ដ៏ត្រឹមត្រូវ»។ ការអះអាងរបស់មេដឹកនាំប្រឆាំង ធ្វើឡើងក្នុង​ខណៈ​លោក ...