កម្ពុជាដំណឹង

បក្ស«GDP»លើកឡើងពី​មូលហេតុ​៤ ដែលវៀតណាម​​ឈ្លានពាន​កម្ពុជា

នៅចំពោះភាពប្រទាំងប្រទើស រវាងក្រុមអ្នកគាំទ្រ និងក្រុមអ្នកប្រឆាំង ដែលលើក​ឡើង​ខុសៗគ្នា អំពីអត្ថន័យ​នៃថ្ងៃ៧មករា ឆ្នាំ១៩៧៩នោះ គណបក្សប្រជាធិបតេយ្យមូលដ្ឋាន ហៅកាត់ «GDP» បានពន្យល់ជាសាធារណៈ ហៅព្រឹត្តិការណ៍នៅចុងឆ្នាំ១៩៧៨ និង​ដើម​ឆ្នាំ១៩៧៩ ថាជា​ការលុកលុយប្រទេសកម្ពុជា ពីសំណាក់ប្រទេសវៀតណាម ក្រោម​«លេស»​មករំដោះប្រជាពលរដ្ឋខ្មែរ ដោយសារមូលហេតុ៤យ៉ាង។

គណបក្ស«GDP» ដែលត្រូវបានបង្កើតឡើង ដោយបញ្ញាវន្ដមួយក្រុម បានចោទសួរ​ពីករណីនេះ នៅលើបណ្ដាញសង្គមថា៖

«ហេតុអ្វីបានជា អគ្គលេខាបក្ស ឡេ ឌុកអាន ហ៊ានសម្រេចចិត្តបែបនេះ បើទោះបីដឹងថា វៀតណាមត្រូវប្រឈម នឹងការថ្កោលទោស និងការកៀបសង្កត់សេដ្ឋកិច្ច យ៉ាងធ្ងន់ធ្ងរ ពីសហគមន៍អន្តរជាតិក៏ដោយ?»

គឺនៅថ្ងៃទី២៥ ខែឆ្នូ ឆ្នាំ១៩៧៨ ដែលប្រទេស វៀតណាម​បានបើកប្រតិបត្តិការ​យោធា​ទ្រង់ទ្រាយធំ ដោយប្រើកងទ័ពប្រមាណ ២សែននាក់ ដើម្បីវាយលុយចូល​ប្រទេស​កម្ពុជា មុននឹងផ្តួលរំលំរបបកម្ពុជាប្រជាធិបតេយ្យ ដែលដឹកនាំដោយ ប៉ុល ពត បាន​ជា​ស្ថាពរ​នៅថ្ងៃទី៧ ខែមករា ឆ្នាំ១៩៧៩ ពោលគឺប្រើពេល តែជាង១០ថ្ងៃប៉ុណ្ណោះ។

គណបក្សខាងលើ ដែលបានចូលរួម​ការបោះឆ្នោតសាកល​ ឆ្នាំ២០១៨ តែគ្មានឈ្នះបាន​មួយអសនៈ ក្នុងរដ្ឋសភា​សោះ បានលើកមករៀបរាប់ នូវហេតុផលចម្បង ចំនួនបួន ដែល​វៀតណាមសម្រេច​ឈ្លានពានកម្ពុជា៖

១. វៀតណាមមានមហិច្ឆតា ជាយូរមកហើយ ក្នុងការគ្រប់គ្រងកម្ពុជា គឺតាំង​ពី​សតវត្ស​ទី១៧ មកម្ល៉េះ។
២. ប្រជាពលរដ្ឋខ្មែរ លែងគាំទ្ររដ្ឋាភិបាលកម្ពុជាប្រជាធិបតេយ្យ ដែល​សាហាវ ឃោរឃៅ ព្រៃផ្សៃ។
៣. ជាតិខ្មែរកំពុងបែកបាក់យ៉ាងខ្លាំង ដោយអ្នកដឹកនាំ និងកងទ័ពខ្មែរ កំពុង​សង្ស័យ​និងកាប់សម្លាប់គ្នា។
៤. មានសហភាពសូវៀត​ជាបង្អែក គាំទ្រនៅពីក្រោយ។

ប៉ុន្តែហេតុអ្វី ក៏មានការលើកពីករណីខាងលើ នៅពេលនេះ? ចម្លើយ ទំនងជាមាន នៅក្នុងសំណេរសន្និដ្ឋានចុងក្រោយ ដែលគណបក្ស​ប្រជាធិបតេយ្យ​មូលដ្ឋាន សរសេរអះអាងថា៖

«ពីបច្ចុប្បន្នតទៅអនាគត បើអ្នកនយោបាយខ្មែរ មាននយោបាយអត់ឱនចំពោះគ្នា ក្នុង​ស្មារតីបង្រួបបង្រួមជាតិ និងមានទស្សនវិស័យកសាងជាតិ ឱ្យខ្លាំងរឹងមាំ វៀតណាម​យក​ខ្មែរមិនបានទេ៕»



លំអិតបន្ថែមទៀត

កម្ពុជា

អ្នក​គាំទ្រ CNRP ម្នាក់​ទៀត​ទម្លាយ​ករណី កឹម មនោវិទ្យា ហៅ កែម ឡី ថា​«ភ្លើ និង​ចោលម្សៀត»

ការខ្វែងគំនិតគ្នា រវាងក្រុម សម រង្ស៊ី និយម និងក្រុម កឹម សុខា និយម នៅតែបន្តមាន ហើយការទម្លាយឯកសារឯកជន ក៏ចេះតែកើតមាន ជាហូហែរ។ ...
កម្ពុជា

វៀតណាម«មិនទាន់»តបកម្ពុជា អំពី​ព័ត៌មាន​បុរស​ឆ្លងជំងឺ​«Covid-19»

ប្រទេសវៀតណាម «មិនទាន់»បញ្ជាក់ជាផ្លូវការ ថាបុរសអាយុ៣៩ឆ្នាំ ដែលត្រូវបាន​រកឃើញ​មានជំងឺ «Covid-19» ពិតជាបានឆ្លងជំងឺនេះ ពីប្រទេសកម្ពុជា​យ៉ាងណាទេ បើទោះជា​ប្រព័ន្ធ​ផ្សព្វផ្សាយផ្លូវការ របស់ប្រទេសកុម្មុយនីស្ដិ៍ អះអាងថា បុរសរូបនេះ​ទើបនឹង​ឆ្លងកាត់​ព្រំដែន វិលត្រឡប់​ចូលមក​ក្នុង​ទឹកដី​វៀតណាមវិញ តាមច្រករបៀង​ក៏ដោយ។ ...
កម្ពុជា

ហ៊ុន សែន ថាបាន​បើក​កិច្ចសន្ទនា​ជាមួយ​​បក្ស​​នយោបាយ ដោយ​មិន​រើសអើង

បុរសខ្លាំងកម្ពុជា បានលើកឡើងថា រដ្ឋាភិបាលរបស់លោក បាន​បើកទូលាយ ឲ្យមានកិច្ចសន្ទនា​ដ៏ស្មោះសរ និង ដោយ​មិន​រើសអើង ជាមួយគ្រប់បណ្ដា​គណបក្សនយោបាយ ក៏ដូចជាអង្គការសង្គមស៊ីវិល និងមជ្ឈដ្ឋានជឿនលឿនផ្សេងទៀត ដើម្បីអ្វីមួយដែលលោកអះអាងថា ជាកិច្ចកសាង និងអភិវឌ្ឍន៍ជាតិ។ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

កម្ពុជា

Covid-19៖ កម្ពុជាប្រកាស​«ករណីស្លាប់ទី៩» ពីចំណោម​អ្នកស្លាប់១៥នាក់

ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ ...
កម្ពុជា

Covid-19៖ កម្ពុជាមានអ្នកជំងឺស្លាប់ ២នាក់ទៀត ក្រោយ​ផ្លាស់មន្ទីរពេទ្យ

អ្នកជំងឺ ២នាក់ទៀត បានទទួលមរណភាព ដោយសារជំងឺកូវីដ-១៩ (Covid-19)។ ជនរងគ្រោះទាំងពីររូបនោះ ដែល​ម្នាក់ជាជនជាតិខ្មែរ និងម្នាក់ទៀត ជាជនជាតិចិន ត្រូវបានដាក់ឲ្យព្យាបាលដំបូងឡើយ នៅទីកន្លែងផ្សេង ពីមន្ទីរពេទ្យ​រុស្ស៊ី។ រហូតលុះត្រាស្ថានភាពជំងឺធ្ងន់ធ្ងរ ...