កម្ពុជាដំណឹង

ស្ថានទូតស៊ុយអែដ ប្រតិកម្ម​ចំពោះ​ការចាប់ខ្លួន​សកម្មជន​ ជាបន្តបន្ទាប់

ក្រុមយុវជនសមាជិកចលនាមាតាធម្មជាតិ ដែលត្រូវបានចាប់ខ្លួន និងបញ្ជូនទៅតុលាការ។ (រូបថតលើហ្វេសប៊ុក)
ក្រុមយុវជនសមាជិកចលនាមាតាធម្មជាតិ ដែលត្រូវបានចាប់ខ្លួន និងបញ្ជូនទៅតុលាការ។ (រូបថតលើហ្វេសប៊ុក)

ស្ថានទូតនៃប្រទេសស៊ុយអែដ ប្រចាំនៅកម្ពុជា បានប្រតិកម្មភ្លាមៗ នៅចំពោះ​ការចាប់​ខ្លួន​ក្រុមសកម្មជន ដែលត្រូវបានធ្វើឡើង ជាបន្តបន្ទាប់ នៅប៉ុន្មានថ្ងៃចុងក្រោយ។

នៅថ្ងៃអាទិត្យនេះ​ អាជ្ញាធរបានចោទ​ប្រកាន់​យុវជន​ជាសកម្មជន​បរិស្ថាន​ចំនួន៣នាក់​ពី “ញុះញង់​ បង្កឱ្យមានភាព​វឹកវរធ្ងន់ធ្ងរ​ ដល់សន្តិសុខ​សង្គម​” និង​បង្គាប់ឱ្យ​បញ្ជូន​អ្នក​ទាំងបី​​ទៅឃុំខ្លួន​បណ្ដោះអាសន្ ន​រង់ចាំសវនាការ​ ពាក់ព័ន្ធ​នឹងការ​អំពាវនាវ​ដោយ​សន្តិវិធី ឱ្យរបបដឹកនាំក្រុងភ្នំពេញ ​យកចិត្តទុកដាក់​ អំពីការលុបបឹងតាមោក​ នៅភាគ​ខាងជើង​​នៃរាជធានីភ្នំពេញ​ ។

ក្រុមសកម្មជនទាំងបីនាក់ ​រួមមាន​ លោក ថុន រដ្ឋា​ អាយុ ២៨ឆ្នាំ ​កញ្ញា ឡុង គន្ធា ​អាយុ ២២ឆ្នាំ ​និងកញ្ញា ភួន កែវរស្មី ​អាយុ​ ១៩ឆ្នាំ ​ដែលសុទ្ធសឹងជាសមាជិក​ ចលនា«មាតា​ធម្មជាតិ»​។

ក្នុងថ្ងៃអាទិត្យនេះដដែល ​អាជ្ញាធរបាន​ចាប់ខ្លួន​បន្ថែមទៀត នូវសមាជិក​ពីរនាក់​ នៃ​ចលនា​យុវជន ​«ប្រជាពលរដ្ឋ​សកម្ម​​ដើម្បីយុត្តិធម៌​» ដែល​គ្រោងនឹងរៀបចំ​ការជួបជុំ​ នៅ​ទីលាន​ប្រជាធិបតេយ្យ ​នៅដើមសប្ដាហ៍ក្រោយ ដើម្បីអំពាវនាវ​ឱ្យដោះលែង​ លោក រ៉ុង ឈុន​ អតីតប្រធាន​សហជីព និងអ្នកជាប់ឃុំផ្សេងទៀត ​ដែលកំពុងជាប់ឃុំ​ក្នុង​ពន្ធនាគារ។

សកម្មជនទាំងពីរនាក់ រួមមាន ព្រះតេជព្រះគុណ ​កើត សារ៉ាយ​ សមាជិកក្រុមយុវជន​«ខ្មែរថាវរៈ»​ និងលោក​ មាន ព្រហ្មមុនី​ អនុប្រធាន​សមាគមនិស្សិតខ្មែរបញ្ញាវ័ន្ដ។

សម្រាប់ស្ថានទូតនៃរាជាណាចក្រស៊ុយអែដ ដែលជាសមាជិកមួយ នៃសហភាពអ៊ឺរ៉ុប បាន​សម្តែងការនូវព្រួយបារម្ភ ជុំវិញការចាប់ខ្លួន និងចោទប្រកាន់សកម្មជនខាងលើ​នេះ។ តាមរយៈទំព័រទ្វីសធើរផ្លូវការ​របស់ខ្លួន ស្ថានទូតបានសរសេរថា៖

«គួរឲ្យសោកស្ដាយ ដែលការព្រួយបារម្ភ នៅតែបន្តកើតមាន ចំពោះការចាប់ខ្លួន​សកម្មជន​​បរិស្ថាន និងក្រុមយុវជន ក្នុងពេលថ្មីៗនេះ រួមទាំងការចោទប្រកាន់ទាំងឡាយ ប្រឆាំងពួកគេ។ បន្ថែមពីលើនេះ យើងបានទទួលដំណឹង អំពីការចាប់ខ្លួនថ្មីៗបន្ថែម នូវ​យុវជនផ្សេងទៀត ដែលអនុវត្តនូវសិទ្ធិ នៃការបញ្ចេញមតិ និងសិទ្ធិ នៃការជួបជុំ​របស់​ពួកគេ។»

ស្ថានទូតបានបន្តថា៖

«ប្រទេសស៊ុយអ៊ែត នឹងបន្តតាមដានយ៉ាងយកចិត្តទុកដាក់ ចំពោះស្ថានការណ៍ទាំងនេះ ដោយផ្អែកតាមគោលការណ៍ និងបទដ្ឋានសិទ្ធិមនុស្ស៕»



You may also like

កម្ពុជា

ព្រះរាជអាជ្ញា​ចោទប្រកាន់ ផែង វណ្ណៈ តែ​មិនទាន់​សម្រេច​ឲ្យ​ឃុំខ្លួន

លោក ផែង វណ្ណៈ ត្រូវបានព្រះរាជអាជ្ញារង លោក វង្ស ប៊ុនវិសុទ្ធ សម្រេចនៅល្ងាចថ្ងៃអង្គារនេះ ចោទប្រកាន់​ពីបទ​«ញុះញង់ឲ្យប្រព្រឹត្តបទឧក្រិដ្ឋជាអាទិ៍ និងបរិហារកេរ្តិ៍ជាសាធារណៈ» តែនៅមិនទាន់សម្រេច ថាឲ្យឃុំខ្លួនឬយ៉ាងណានៅឡើយ ដោយបញ្ជូនលោក ...
កម្ពុជា

កឹម សុខា បដិសេធ​ការយកឈ្មោះ និង​រូបភាពលោក ទៅប្រើខុសឆន្ទៈ

ប្រធានគណបក្សសង្គ្រោះជាតិ លោក កឹម សុខា បានបដិសេធការយកឈ្មោះ និងរូបភាពលោក យកទៅប្រើដោយ«បុគ្គល ក្រុម គណបក្ស ឬ ចលនានយោបាយខ្លះ» ដែលលោកហៅថា ជាការភ្ជាប់ពាក់ព័ន្ធ«នឹងសកម្មភាព ...
កម្ពុជា

សម រង្ស៊ី៖ ស្ដេច​«ទន់ជ្រាយ»​បែបនេះ គឺ​«ឥតប្រយោជន៍»​សម្រាប់​ប្រទេស

សម្រាប់លោក សម រង្ស៊ី ព្រះមហាក្សត្រកម្ពុជាសព្វថ្ងៃ ជាស្ដេច«ទន់ជ្រាយ» «ឥតប្រយោជន៍» ព្រោះ«សំងំសុខតែនៅក្នុងវាំង» និង«មិនដែលឈឺឆ្អាល» អំពីបញ្ហារាស្ត្រម្ដងណាទេ។ មេដឹកនាំប្រឆាំង បានថ្លែងដូច្នេះ នៅក្នុងប្រតិកម្មមួយរបស់លោក ដែលលោកបង្ហោះ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...