កម្ពុជាដំណឹង

សម រង្ស៊ី ព្រមាន​រឹបអូស​ទ្រព្យត្រកូល ហ៊ុន នៅពេល ហ៊ុន សែន អស់អំណាច

តបនឹងការថ្លែងរបស់លោកនាយករដ្ឋមន្ត្រី ហ៊ុន សែន ដែលឲ្យមេធាវីលោកប្ដឹងរឹបអូសទ្រព្យសម្បត្តិបណ្ដាមន្ត្រីប្រឆាំងកាលពីព្រឹកម៉ិញនេះ មេដឹកនាំប្រឆាំងរបស់ប្រទេសកម្ពុជា លោក សម រង្ស៊ី បានថ្លែងខ្លាំងៗព្រមានឡើងថា ក្រុមលោកនឹងរឹបអូសទ្រព្យសម្បត្តិ របស់ក្រុមគ្រួសារត្រកូល ហ៊ុន វិញ នៅពេលណាបុរសខ្លាំងកម្ពុជា អស់អំណាច ឬធ្លាក់ចេញពីតំណែង។

កាលពីព្រឹកថ្ងៃអង្គារ​ទី១២ ខែមិនា ឆ្នាំ២០១៩នេះ នៅក្នុងពិធីស្វែងរកការគាំទ្រ ពីក្រុមកម្មករ-កម្មការិនី ដែលប្រព្រឹត្តិទៅនៅតំបន់សេដ្ឋកិច្ចពិសេសខេត្តកោះកុង ស្ថិតនៅភូមិនាងកុក ឃុំប៉ាក់ខ្លង ស្រុកមណ្ឌលសីមា ខេត្តកោះកុង លោកនាយករដ្ឋមន្ត្រី​បានប្រាប់ ឲ្យក្រុមមេធាវីរបស់លោក សិក្សាត្រៀមដាក់ពាក្យបណ្ដឹង ប្ដឹងក្រុមមន្ត្រីគណបក្សប្រឆាំង ដែលលោក ហ៊ុន សែន អះអាង​ថា បានជេរប្រមាថអាយុជីវិតលោក តាមរយៈបណ្ដាញសង្គម។

លោក ហ៊ុន សែន អះអាងថា ពាក្យបណ្ដឹងនោះ គឺដើម្បី​ឲ្យ​​តុលាការ​​ចេញ​​ដីកា​រឹប​អូស​ទ្រព្យ​សម្បត្តិ របស់មន្ត្រីទាំងនោះ​ ដែល​មាន​នៅ​ក្នុង​ប្រទេស ដើម្បីយកទៅចែកឲ្យកុមារកំព្រា​។

តបនឹងការគម្រាមរបស់បុរសខ្លាំងកម្ពុជា មេដឹកនាំប្រឆាំងដែលកំពុងរស់នៅនិរទេសខ្លួន ក្នុងប្រទេសបារាំង បានថ្លែងក្នុងកិច្ចសម្ភាសមួយ ជាមួយវិទ្យុអាស៊ីសេរី ក្នុងយប់ថ្ងៃអង្គារដដែលនេះ តបទៅវិញថា៖

«ខ្ញុំអត់ខ្វល់ទេ [ចំពោះការប្រើប្រព័ន្ធតុលាការ ដើម្បីរឹបអូសទ្រព្យសម្បត្តិមន្ត្រីប្រឆាំង]។ អ្វីដែលខ្ញុំខ្វល់នោះ គឺ ហ៊ុន សែន ហ្នឹង គាត់ប្រើតុលាការ​ទៅរឹបអូសដីធ្លីប្រជារាស្ត្រ ទ្រព្យសម្បត្តិប្រជារាស្ត្រ ដីធ្លីផ្ទះសម្បែងប្រជារាស្ត្រ គ្រប់ខេត្តក្រុងទាំងអស់។»

លោក សម រង្ស៊ី បានព្រមានដោយប្រយោល តបទៅលោក ហ៊ុន សែន វិញថា៖ 

«គ្រាន់តែខ្ញុំសុំជម្រាបប្រជារាស្ត្រ ពេល ហ៊ុន សែន ចុះចេញពីតំណែង ខ្ញុំនឹងរឹបអូសទ្រព្យសម្បត្តិ ហ៊ុន សែន និងក្រុមគ្រួសារ ហ៊ុន សែន រាប់ពាន់លានដុល្លារ។ យើងនឹងរឹបអូសវិញ យកមកសងបំណុលជំនួសប្រជារាស្ត្រ ពីព្រោះប្រជារាស្ត្រខ្មែរ កសិករគ្រប់មជ្ឈដ្ឋានទាំងអស់ គឺជំពាក់គេវ័ណ្ឌក ដោយសារ ហ៊ុន សែន ធ្វើឲ្យក្រ ហ៊ុន សែន លួចដីលួចមុខរបរ ហ៊ុន សែន កាប់ព្រៃឈើ ធ្វើឲ្យប្រជារាស្ត្រពិបាករស់នៅ ទៅខ្ចីលុយគេ (…)។»

«ហ៊ុន សែន ធ្វើឲ្យក្រ។ អញ្ចឹងប្រជារាស្ត្រជំពាក់លុយគេវ័ណ្ឌក ដោយសារ ហ៊ុន សែន។ អញ្ចឹងថ្ងៃណា ហ៊ុន សែន បាត់បង់តំណែង អស់អំណាច យើងនឹងរឹបអូសទ្រព្យសម្បត្តិក្រុមគ្រួសារ ហ៊ុន សែន យកមកចែកប្រជារាស្ត្រ យកមកសងបំណុលជំនួសប្រជារាស្ត្រ។»៕



You may also like

លោក សម រង្ស៊ី ឈរថតរូប នៅកណ្ដាលសង្កាត់ទី៦ នៃរដ្ឋធានីប៉ារីស ក្នុងថ្ងៃទី៣០ ខែតុលា ឆ្នាំ២០២០។ (រូបថតលើហ្វេសប៊ុក)
កម្ពុជា

សម រង្ស៊ី អះអាង​មិនងាយឈឺ នឹងជំងឺ​កូវីដ-១៩ ព្រោះលោក​ជាខ្មែរ

មេដឹកនាំប្រឆាំង ដែលកំពុងរស់នៅនិរទេសខ្លួន ក្នុងប្រទេសបារាំង បានអះអាងថា លោកមិនងាយធ្លាក់ខ្លួនឈឺ នឹងជំងឺ​កូវីដ-១៩ (Covid-19) នោះឡើយ ដោយសារលោក​មានឈាមជ័រ ជាជនជាតិខ្មែរ។ លោក សម រង្ស៊ី ...
កម្ពុជា

Covid-19៖ ហ៊ុន សែន បញ្ចេញម៉ាស់ ២លាន ឲ្យខ្មែរបន្ថែមទៀត

បន្ទាប់ពីប្រកាសផ្ដល់ម៉ាស់«២លាន» សម្រាប់ពលរដ្ឋក្នុងរាជធានី កាលពីប៉ុន្មានថ្ងៃមុនរួច លោក ហ៊ុន សែន បានសម្រេចបញ្ចេញម៉ាស់​«២លាន»​បន្ថែមទៀត សម្រាប់ចែកជូន​ពលរដ្ឋ នៅក្នុងខែត្រសៀមរាប (១លានម៉ាស់) និងនៅក្នុងរាជធានីភ្នំពេញ (១លានម៉ាស់)។ នេះ ...
ដំណឹង

កម្ពុជា​ប្ដឹង EU ឡើងទៅ​តុលាការ​អ៊ឺរ៉ុប​«ឲ្យ​ដកចេញ​វិញ»​ការយក​ពន្ធ​អង្ករ

របបក្រុងភ្នំពេញ រួមនឹងសហព័ន្ធស្រូវអង្ករកម្ពុជា បានសម្រេចកាលពីថ្ងៃទី១១ ខែមេសា ឆ្នាំ២០១៩នេះ ដាក់ពាក្យបណ្ដឹង ឡើងទៅសាលាក្ដីយុត្តិធម៌ របស់សហភាពអ៊ឺរ៉ុប (EU) ដើម្បីទាមទារ«ឲ្យ​ដកចេញ​វិញ នូវសេចក្ដីសម្រេចរបស់គណៈកម្មការអ៊ឺរ៉ុប» ដែលកំណត់កាលពីខែមករា ឲ្យយកពន្ធអង្ករនាំចូល ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...