កម្ពុជាដំណឹង

សម រង្ស៊ី ស្វែងរកជនម្នាក់ ដែលត្រកងជនរងគ្រោះពីព្រឹត្តិការណ៍គប់គ្រាប់បែក

មេដឹកនាំប្រឆាំង លោក សម រង្ស៊ី បានប្រកាសស្វែងរកបុរសម្នាក់ ដែលបានបីត្រកងជនរងគ្រោះ ក្នុងហេតុការណ៍គប់គ្រាប់បែកច្រើនគ្រាប់ កាលពីថ្ងៃទី៣០ ខែមិនា ឆ្នាំ១៩៩៧ នៅខាងមុខរដ្ឋសភាចាស់។

នៅលើបណ្ដាញសង្គម លោក សម រង្ស៊ី បានអះអាងថា លោកស្គាល់«អ្នកក្លាហាន»ម្នាក់នេះ ថាមានឈ្មោះ «ក្រឹម» និងមានអាយុមកដល់សព្វថ្ងៃ ជាង៤០ឆ្នាំ តែលោកមិនដឹងថា គាត់នៅឯណា និងមានជីវភាពបែបណាឡើយ។ ប្រធានស្ដីទីគណបក្សប្រឆាំង បានសរសេរឲ្យដឹងថា៖

«សូមសម្គាល់មុខបុរសដ៏ក្លាហាននេះ ដែលកំពុងតែបីជនរងគ្រោះ បន្ទាប់ភ្លាមៗ ពីការវាយប្រហារដោយគ្រាប់បែកដៃ នៅទីក្រុងភ្នំពេញ កាលពីថ្ងៃ ៣០ មិនា ១៩៩៧។ បុរសនេះ ឈ្មោះ ក្រឹម ដែលធ្លាប់ធ្វើជាសកម្មជនគណបក្ស សម រង្ស៊ី។ ឥឡូវ គាត់អាយុជាង៤០ ឆ្នាំហើយ។»

លោកបន្តថា៖

«បើលោកអ្នកជួបប្រទះគាត់ នៅប្រទេសកម្ពុជា សូមមេត្តាជួយមើលខុសត្រូវ ចំពោះជីវភាពរស់នៅរបស់គាត់ផង ហើយសូមមត្តាប្រាប់គាត់ ឲ្យទាក់ទងខ្ញុំ តាម Email។»

Posted by Sam Rainsy on Monday, June 17, 2019


នៅថ្ងៃនោះ ក្រុមបាតុករដឹកនាំដោយ លោក សម រង្ស៊ី នៅមុខវិមានរដ្ឋសភាចាស់ ក្បែរព្រះបរមរាជវាំង បានប្រមូលគ្នា ធ្វើបាតុកម្មដើម្បីទាមទាររកយុត្តិធម៌សង្គម លក្ខខណ្ឌការងាររបស់ក្រុមកម្មករ និងកែទម្រង់ប្រព័ន្ធតុលាការ។ ប៉ុន្តែ ការជួបជុំដោយសន្តិវិធីនេះ បានបញ្ចប់ទៅ ដោយការបោកគ្រាប់បែកដៃ ចំនួន៤គ្រាប់ ដែលបណ្ដាលឲ្យមានមនុស្សស្លាប់ ចំនួន១៦នាក់ និងរបួសជាង ១៥០នាក់។

ប៉ុន្តែរហូតមកទល់ពេលនេះ គឺមានរយៈពេល២២ឆ្នាំហើយ ដែលជនប្រព្រឹត្តិ និងជននៅពីក្រោយទង្វើបោកគ្រាប់បែក មិនត្រូវបានគេចាប់ខ្លួន មកផ្ដន្ទាទោសនោះឡើយ។ សម្រាប់អាជ្ញាធរកម្ពុជា នៅតែអះអាងថា ខ្លួនកំពុងបន្តចំណាត់ការនីតិវិធី និងអំពាវនាវឲ្យជនរងគ្រោះ ចូលរួមសហការ បើសិនជាដឹងតំរ៉ុយ៕



លំអិតបន្ថែមទៀត

កម្ពុជា

មេធាវី កឹម សុខា ថា​កូនក្ដី​ខ្លួន​ទាមទារ​ឲ្យ​ទម្លាក់​បទ​ចោទ​ប្រកាន់​ជាមុន​សិន

«ត្រូវទម្លាក់ចោល បទចោទប្រកាន់ ជាមុនសិន» នេះ ជាការលើកឡើង របស់លោក កឹម សុខា ប្រធានគណបក្សសង្គ្រោះជាតិ តាមរយៈមេធាវីរបស់លោក នៅមួយថ្ងៃបន្ទាប់ពីការលើកឡើង របស់លោកនាយករដ្ឋមន្ត្រី ហ៊ុន ...
កម្ពុជា

អង្គការចំនួន៣ នៅអាស៊ី រួមគ្នាថ្កោលទោស​ដីកា​ចាប់ខ្លួន​មេដឹកនាំ CNRP

អង្គការចំនួន៣ នៅអាស៊ី បានចេញសេចក្ដីថ្លែងការណ៍រួមមួយ ថ្កោលទោសការចេញ​ដីកា​របស់សាលាដំបូង​រាជធានីភ្នំពេញ កាលពីថ្ងៃទី១២ ខែមិនា ឲ្យចាប់ខ្លួនមេដឹកនាំគណបក្សប្រឆាំងទាំង៨រូប ដោយហៅដីកានោះ ថាជាភស្ដុតាងថ្មីបង្ហាញពីការប្ដេជ្ញាចិត្ត របស់របបឯកបក្សក្រុងភ្នំពេញ ក្នុងការបំបាត់សម្លេងប្រជាធិបតេយ្យ នៅក្នុងប្រទេសកម្ពុជា។ សម្រាប់អ្នកនាំពាក្យក្រសួងយុត្តិធម៌កម្ពុជា ...
កម្ពុជា

អ្នកជំនាញ អ.ស.ប «រន្ធត់ចិត្ត»​ចំពោះ​ការផ្ដន្ទាទោស​ លើមេដឹកនាំប្រឆាំង

អ្នកជំនាញអង្គការសហប្រជាជាតិ (អ.ស.ប) ចំនួនបួននាក់ បានសំដែងក្ដី«រន្ធត់ចិត្ត» នៅចំពោះការផ្ដន្ទាទោស លើ​មេដឹកនាំប្រឆាំង​ចំនួន៩នាក់ ពីសំណាក់សាលាដំបូងរាជធានីភ្នំពេញ កាលពីដើមសប្ដាហ៍នេះ ដោយហៅការសម្រេច​របស់តុលាការនោះ ថាបានធ្វើឡើង មិនសមាមាត្រ និងខ្វះមូលដ្ឋានច្បាប់ច្បាស់លាស់។ ការលើកឡើងរបស់ក្រុមអ្នកជំនាញ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...