កម្ពុជាដំណឹង

រដ្ឋមន្ត្រីក្រសួងព័ត៌មាន អះអាង​កំពុង​បង្កើតច្បាប់​ការពារ​អ្នកជំងឺ​ក្នុងស្រុក

រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ បានអះអាងថា ក្រសួងរបស់លោកកំពុងតាក់តែងច្បាប់ ស្ដីពីសិទ្ធិទទួលបានព័ត៌មាន ដោយរួមបញ្ចូលចំណុចមួយ នោះគឺអ្នកជំងឺឬក្រុមគ្រួសារ ដែលសង្ស័យថាពេទ្យព្យាបាលខ្លួន ដោយមិនត្រឹមត្រូវនោះ អាចទាមទារឲ្យមាន«ការអង្កេតឯករាជ្យ»មួយបាន។

ការលើកឡើងនេះ ត្រូវបានលោករដ្ឋមន្ត្រីពន្យល់ថា ដើម្បីបង្កការជឿជាក់ ទៅលើការព្យបាលក្នុងស្រុក ជាជាងចេញទៅព្យាបាល នៅក្រៅស្រុក ដែលលោកអះអាងថា «តាមពិត» គឺគ្រូពេទ្យបរទេសទាំងនោះ គ្រាន់តែចង់យកអ្នកជំងឺខ្មែរ ដែលឈឺជំងឺ«ធ្ងន់» និង«មានលុយ» ទៅដកពិសោធន៍ប៉ុណ្ណោះ។

លោក ខៀវ កាញារីទ្ធ បានសរសេរនៅលើបណ្ដាញសង្គម កាលពីប៉ុន្មានម៉ោងមុនថា៖

«ខ្ញុំទទួលស្គាល់ថា សមត្ថភាពពេទ្យ​យើងមួយចំនួន​នៅទាប តែខ្ញុំបានដឹងរឿងមួយចំនួនដែលបងប្អូនខ្មែរយើងយល់ថា មានតែពេទ្យក្រៅប្រទេស​ដែលល្អ។ តាមពិតជំងឺសាមញ្ញគេពូកែមែន តែបើដល់រឿងជំងឺធ្ងន់ និងជំងឺកែលែងឡើង ហើយគេដឹងថា យើងមានលុយទៀត គេហុតឈាមទាំងរស់។»

«ម្យ៉ាង គេចង់ដកពិសោធន៍ពីជំងឺ ដែលគេមិនសូវជួប ម្យ៉ាងគេចង់សាកថ្វីដៃគេ តាមវិធីថ្មី ម៉្យាងឆ្លៀតយកលុយ ព្រោះបើគង់តែងាប់ដដែល ខ្មែរគ្មានលទ្ធភាព និង គ្មានបណ្តាញនឹងទារគេសងលុយទេ។»

លោក«រដ្ឋមន្ត្រីក្រសួងព័ត៌មាន» ដែលកំពុងខ្វល់​ពីបញ្ហា​«សុខាភិបាល» បានបន្តថា៖

«ខ្ញុំនិយាយនេះ អ្នកណាដែលប៉ះខ្លួនឯងពិតជាដឹង តែមិននិយាយ ព្រោះបានជាអួតពេទ្យស្រុកគេ បង្អាប់ពេទ្យស្រុកឯងទៅហើយ។ ក្រសួងព័ត៌មានកំពុងតាក់តែងច្បាប់ ស្តីពីសិទ្ធិទទួលបានព័ត៌មាន ក្នុងនោះមានចំនុចដែលថា អ្នកដែលសង្ស័យថា ពេទ្យមើលមិនត្រឹមត្រូវ អាចទាមទារ​ការអង្កេតមួយ​ឯករាជ្យបាន ហើយពេលនោះ ជាសន្សឹមៗយើងនឹងជឿ លើពេទ្យរបស់យើង ជាជាងយកបងប្អូនយើង ទៅអោយពួកពេទ្យបរទេស យកបងប្អូនយើងជារបស់ពិសោធន៍។»

ការលើកឡើងរបស់លោក ខៀវ កាញារីទ្ធ ទទួលបានការចែករំលែកយ៉ាងច្រើន នៅលើបណ្ដាញសង្គម។ តែពីក្នុងចំណោមនោះ ក៏មានប្រតិកម្មជំទាស់​តបវិញដែរ។ ប្រតិកម្មខ្លះដែលអាចធ្វើឲ្យលោករដ្ឋមន្ត្រី ឆ្លើយមិនរួចនោះ មានដូចយ៉ាងខាងក្រោមជាដើម៖

រឿងដែលត្រូវធ្វើមុនគេ គឺប្រាប់លោក ហ៊ុន សែន កុំឲ្យចេញទៅមើលជំងឺខ្លួន នៅយួន ឬនៅសិង្ហបូរី !!! បែបនេះ គឺមិនចាំបាច់ចំណាយលុយ ពេលវេលា ទៅបង្កើតច្បាប់ស្អីទេ តែធានាមានប្រសិទ្ធិភាព ១០០%។

Gepostet von Cambodia My love am Montag, 28. Januar 2019


លំអិតបន្ថែមទៀត

កម្ពុជា

លឺ ឡាយស្រេង អរគុណ ហ៊ុន សែន ដែល​បើកផ្លូវ​ឲ្យវិល​ចូល​កម្ពុជា

«ខ្ញុំសូមអរគុណសម្តេចតេជោ ព្រោះខ្ញុំស្គាល់សម្តេច ច្បាស់ណាស់។ អរគុណសម្តេច បានតបមកភ្លាមៗ» នេះ ជាការថ្លែងឡើង របស់លោក លឺ ឡាយស្រេង នៅមុននេះបន្តិច ដើម្បី«អរគុណ»តបទៅលោក ហ៊ុន ...
លោក ហ៊ុន សែន នាយករដ្ឋមន្ត្រីតាំងពីឆ្នាំ១៩៨៥ នៅប្រទេសកម្ពុជា។ (រូបថតឆ្នាំ២០២០ បង្ហោះលើទំព័រហ្វេសប៊ុក)
កម្ពុជា

ព្រឹត្តិការណ៍២០កុម្ភៈ៖ ហ៊ុន សែន ឲ្យបិទសាលារៀន និងបន្ថែមវិធានការ

ក្រៅពីសម្រេច​«ឲ្យបិទសាលារៀន» ក្នុងរយៈពេលពីរសប្ដាហ៍ លោកនាយករដ្ឋមន្ត្រី ហ៊ុន សែន បានប្រកាស​ចាត់​វិធានការ​​បន្ថែមមួយចំនួនទៀត នៅក្នុងរាជធានីភ្នំពេញ និងខេត្តកណ្ដាល។ នេះ បើតាមរយៈសារពិសេសមួយ ដែល​លោកបានបង្ហោះ នៅលើបណ្ដាញសង្គម នៅយប់ថ្ងៃចន្ទ​ទី២២ ...
កម្ពុជា

សម រង្ស៊ី៖ មូលហេតុ២​ដែល ហ៊ុន សែន ដាក់​កម្ពុជា​ជា«អាណានិគម​របស់​ចិន»

មេដឹកនាំប្រឆាំងនៅកម្ពុជា លោក សម រង្ស៊ី បានលើកពីមូលហេតុចំនួនពីរ ដើម្បីអ្វីមួយ ដែលលោកអះអាងថា បាននាំឲ្យលោកនាយករដ្ឋមន្ត្រី ហ៊ុន សែន ដាក់កម្ពុជា ឲ្យក្លាយជា«អាណានិគម​របស់​ចិន»។ ការអះអាងរបស់ប្រធានស្ដីទីគណបក្សប្រឆាំង ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

កម្ពុជា

កឹម សុខា បដិសេធ​ការយកឈ្មោះ និង​រូបភាពលោក ទៅប្រើខុសឆន្ទៈ

ប្រធានគណបក្សសង្គ្រោះជាតិ លោក កឹម សុខា បានបដិសេធការយកឈ្មោះ និងរូបភាពលោក យកទៅប្រើដោយ«បុគ្គល ក្រុម គណបក្ស ឬ ចលនានយោបាយខ្លះ» ដែលលោកហៅថា ជាការភ្ជាប់ពាក់ព័ន្ធ«នឹងសកម្មភាព ...
កម្ពុជា

សម រង្ស៊ី ថា ស ខេង អាចចូលក្នុង​«រដ្ឋាភិបាល​បង្រួបបង្រួមជាតិ»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានហៅការបង្កើត​«រដ្ឋាភិបាល​បង្រួបបង្រួមជាតិ» ដែលមាន​ការចូលរួម ពីលោក ស ខេង ថា«ជាគំនិតមួយ ដ៏ត្រឹមត្រូវ»។ ការអះអាងរបស់មេដឹកនាំប្រឆាំង ធ្វើឡើងក្នុង​ខណៈ​លោក ...