កម្ពុជាដំណឹង

ហ៊ុន សែន អះអាង​មិនយក​«សន្តិភាព ឯករាជ្យភាព និងបូរណភាព»​ជាថ្នូរ​

មេដឹកនាំរបបក្រុងភ្នំពេញ លោក ហ៊ុន សែន បានអះអាងនៅថ្ងៃសៅរ៍នេះ ថារបបដឹកនាំរបស់លោក នឹងមិនយក «សន្តិភាព ឯករាជ្យភាព និងបូរណភាព» នៃប្រទេសកម្ពុជា ទៅដូរនឹងអ្វីមួយជាដាច់ខាត។

ការអះអាងរបស់លោក ហ៊ុន សែន ហាក់តបទៅមេដឹកនាំប្រឆាំង លោក សម រង្ស៊ី ដែលបានអំពាវនាវម្ដងហើយម្ដងទៀត ឲ្យប្រជាពលរដ្ឋគ្រប់ស្រទាប់ គ្រប់មជ្ឈដ្ឋាន ងើប​ឈរឡើងដើម្បី​ទម្លាក់​លោកនាយករដ្ឋមន្ត្រី ចេញពីអំណាចដ៏ចាស់វស្សា ដែលបុរសខ្លាំង​កម្ពុជា បានអង្គុយតាំងពីជាង៣ទសវត្សរ៍មកនោះ។

គូរបដិបក្ខនយោបាយទាំងពីរ បានប្រើប្រាស់បណ្ដាញសង្គម ដើម្បីថ្លែងពីសារនយោបាយរបស់ខ្លួន។ លោកនាយករដ្ឋមន្ត្រី ហ៊ុន សែន បានសរសរនៅលើទំព័រហ្វេសប៊ុករបស់លោកថា៖

«យើងរៀនសូត្រពីប្រវត្តិសាស្រ្ត ដើម្បីខិតខំកសាងប្រទេសជាតិឲ្យបានល្អ។ អ្វីដែលធ្វើឲ្យកម្ពុជាយើងរឹងមាំ និងកាន់តែរីកចម្រើនរុងរឿងទៅមុខ “គឺ សន្តិភាព ឯករាជ្យភាព និងបូរណភាព ទឹកដី” ដែលយើងដាច់ខាតមិនត្រូវយកទៅដូរ នឹងថ្នូរអ្វីមួយនោះឡើយ។»

«កម្ពុជាទម្រាំមានថ្ងៃនេះ គឺបានឆ្លងកាត់ឧបសគ្គ និងការលំបាកខ្លាំងណាស់ ដូច្នេះយើងមិនត្រូវបណ្តោយឲ្យជនអគតិទាំងឡាយណា មកបំផ្លិចបំផ្លាញសេចក្តីសុខ របស់កម្ពុជាបានតទៅទៀត ជាដាច់ខាត។»

https://www.facebook.com/hunsencambodia/posts/2075193969195756

ខណៈសេចក្ដីអំពាវនាវចុងក្រោយបង្អស់ របស់លោក សម រង្ស៊ី វិញ បានសរសេរអំពាវនាវឲ្យប្រជាពលរដ្ឋ គ្រប់ខេត្តក្រុង និងគ្រប់មជ្ឈដ្ឋាន ចូលរួមជាមួយលោក ដើម្បី (១) ទាមទារយកដីធ្លី គឺស្រែ ចំការ និងផ្ទះសម្បែង ដែលលោកថា ត្រូវបានប្លន់ដោយអាជ្ញាធរពុករលួយ និងឈ្មួញខិលខូច (២) ទាមទារឲ្យលុបចោលសម្បទានដីធ្លី សម្បទានព្រៃឈើ និងសម្បទានរ៉ែ រយៈពេលរាប់សិបឆ្នាំ រហូតដល់ទៅ ៩៩ ឆ្នាំ ដែលរបបក្រុងភ្នំពេញ បានប្រគល់ឲ្យក្រុមហ៊ុនបរទេស និង (៣) លុបបំបាត់បំណុលទាំងឡាយរបស់ប្រជារាស្ត្រ ដែលបានធ្លាក់ខ្លួនក្រ ក្រោមរបបដឹកនាំនេះ ដែលមេដឹកនាំប្រឆាំងហៅថា ជារបបពុករលួយ ដែលបានប្លន់ទ្រព្យសម្បត្តិរាស្ត្រ និងបានបំផ្លិចបំផ្លាញទ្រព្យសម្បត្តិជាតិ។

មេដឹកនាំប្រឆាំង បានលើកឡើងថា៖

«រដ្ឋាភិបាលថ្មី ដឹកនាំដោយគណបក្សសង្គ្រោះជាតិ នឹងរឹបអូសទ្រព្យសម្បត្តិ ពីក្រុមគ្រួសារ ហ៊ុន សែន និងបរិវារ ដែលបានលួចប្លន់ទ្រព្យសម្បត្តិរាស្ត្រ និងទ្រព្យសម្បត្តិជាតិ ហើយយកទ្រព្យសម្បត្តិដែលប្រមូលបានទាំងនោះ មកសងបំណុលជំនួសប្រជារាស្ត្រ និងរៀបចំប្រព័ន្ធសង្គមកិច្ចថ្មីមួយ មានទ្រង់ទ្រាយធំ និងលក្ខណៈទំនើប ដើម្បីលើកស្ទួយជីវភាពប្រជារាស្ត្រទូទៅ និងរួមចំណែករៀបចំសង្គមជាតិថ្មីមួយ ដែលមានលក្ខណៈស្អាតស្អំ ជឿនលឿន និងយុត្តិធម៌»៕

០៩ កុម្ភៈ ២០១៩ / 09 February 2019 – Appeal to the population (*)សេចក្តីអំពាវនាវ ដល់ពលរដ្ឋខ្មែរ…

Gepostet von Sam Rainsy am Freitag, 8. Februar 2019


You may also like

កម្ពុជា

CIA ទម្លាយថា CPP អាចកែរដ្ឋធម្មនុញ្ញ«បើកផ្លូវឲ្យចិន»ដាក់យោធានៅកម្ពុជា

របបដឹកនាំឯកបក្សក្រុងភ្នំពេញ អាចនឹងធ្វើវិសោធនកម្ម ទៅលើច្បាប់រដ្ឋធម្មនុញ្ញ ដែលជាច្បាប់កំពូលរបស់ប្រទេស ដើម្បី«បើកផ្លូវឲ្យចិន ឈានទៅដាក់មូលដ្ឋាយោធា នៅលើទឹកដីកម្ពុជា»។ នេះ បើតាមការរបាយការណ៍ប្រចាំឆ្នាំមួយ របស់លោក «Daniel Ray Coats»​ ...
កម្ពុជា

CNRP រៀបចំ​ឲ្យ សម រង្ស៊ី វិល​ចូលស្រុក​វិញ​តាម​រយៈ​«វិធានការចំនួន៥»

គណៈកម្មការអចិន្ត្រៃយ៍ គណបក្សសង្គ្រោះជាតិ ដែលបានជួបប្រជុំគ្នា នៅក្នុងក្រុងឡូវែល សហរដ្ឋអាមេរិក ក្នុងថ្ងៃទី២០ ខែមករា ឆ្នាំ២០១៩ បានប្រកាសឲ្យដឹង ពីការត្រៀមលក្ខណៈ នៃការវិលចូលប្រទេសកម្ពុជាវិញ របស់ប្រធានស្ដីទីគណបក្ស លោក ...
កម្ពុជា

ហ៊ុន សែន ឲ្យប្រើ​«ក្រមា»​ជំនួស​​«ម៉ាស់» ដើម្បី​ការពារ​«Covid-19»

ដើម្បីការពារពលរដ្ឋកម្ពុជា ពីការឆ្លងជំងឺរលាកផ្លូវដង្ហើម ដែលបណ្ដាល មកពីមេរោគ«កូរូណា»ថ្មី ឬហៅតាមពាក្យបច្ចេកទេស «Covid-19» លោកនាយករដ្ឋមន្ត្រី ហ៊ុន សែន បានប្រកាសឲ្យប្រើ«ក្រមា» ជំនួសឲ្យ«ម៉ាស់» ដែលពាក់ការពារមាត់ និងច្រមុះ។ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...