លោកតំណាងរាស្ត្រ ហ៊ុន ម៉ានី បានរងការរិះគន់​ពីបណ្ដាអ្នកប្រើប្រាស់បណ្ដាញសង្គម ជុំវិញការ​​លើកឡើង​របស់លោក​ដែលថា គណបក្សប្រជាជនកម្ពុជា ដឹកនាំដោយឪពុករបស់លោកសព្វថ្ងៃ កើតចេញ​ពីប្រជាជន ។ ក្រុមអ្នករិះគន់ បានអះអាង​ដោយមាន​ឯកសារ​ប្រវត្តិសាស្ត្រ មកបញ្ជាក់ផងថា គណបក្សប្រជាជនកម្ពុជា កើតចេញពី​គណបក្សកុម្មុយនីស្ដិ៍វៀតណាម ដែលជាគំនិត​និងស្នាដៃ​របស់លោក ហូ ជីមិញ។

កាលពីថ្ងៃអង្គារ (ទី២៦ ខែមករា ឆ្នាំ២០២១) លោក ហ៊ុន ម៉ានី ដែលជាកូនប្រុសពៅរបស់នាយករដ្ឋមន្ត្រី បានសរសេរ​នៅលើ​ទំព័រហ្វេសប៊ុករបស់​លោកថា គណបក្សប្រជាជនកម្ពុជា «កើតចេញ​ពីប្រជាជន ដើម្បីប្រជាជន និងសម្រាប់ប្រជាជន»។ អ្នកតំណាងរាស្ត្រ​វ័យក្មេង មណ្ឌលខេត្តកំពង់ស្ពឺ ដែលចេញពីការបោះឆ្នោត ឆ្នាំ២០១៨ បានសរសេរបន្តថា៖

«ការជាប់ឆ្នោតជាបន្តបន្ទាប់ របស់គណបក្សប្រជាជនកម្ពុជា ពីមួយអាណត្តិ ទៅមួយអាណត្តិ មិនមែនជារឿងចៃដន្យឡើយ ប៉ុន្តែជាការសរបញ្ជាក់ ឲ្យឃើញយ៉ាងច្បាស់ ពីការប្រគល់នូវការជឿទុកចិត្ត និងការគាំទ្រមិនងាករេ របស់ប្រជាជនគ្រប់ស្រទាប់វណ្ណៈ មកលើគណបក្សយើង។»

លោក ហ៊ុន ម៉ានី បន្តថា៖

«ការជឿជាក់ និងការបន្តគាំទ្រនេះ ស្តែងចេញពីអ្វី ដែលពួកគាត់ទាំងអស់បាន និងកំពុងទទួល ដែលក្នុងនោះ គឺការរស់នៅក្នុងសន្តិភាព និងការអភិវឌ្ឍ ជាមួយនិងក្តីសង្ឃឹមរបស់ពួកគាត់ ទៅថ្ងៃអនាគត ជាមួយគណបក្សយើង។»

បើទោះជាសំណេររបស់កូនប្រុសនាយករដ្ឋមន្ត្រី ត្រូវបានប្រិយមិត្តច្រើននាក់ ចូលចិត្ត និងចែករំលែកបន្តក្ដី តែប្រិយមិត្តផ្សេងទៀត បានលើកឡើងផ្ទុយទៅវិញ ថាគណបក្សប្រជាជនកម្ពុជា មិនមែនជាតម្រូវការ របស់ប្រជាជនកម្ពុជានោះឡើយ។ ពីក្នុងចំណោម​ប្រិយមិត្ត ដែលបញ្ចេញប្រតិកម្មទាំងនោះ ក៏មានលោក ហ៊ីង សុខសាន ដែលជាមន្ត្រីជាន់ខ្ពស់មួយរូប របស់គណបក្ស​សង្គ្រោះជាតិ​ម្នាក់ផង។

លោក ហ៊ីង សុខសាន ដែលជិតដិតជាមួយលោក កឹម សុខា ប្រធានគណបក្សសង្គ្រោះជាតិ បានចាត់ទុកការលើកឡើងរបស់លោក ហ៊ុន ម៉ានី គឺមានបំណងបំភាន់ ដើម្បីឲ្យស្រដៀងនឹងពាក្យសំដីដ៏ល្បីរបស់លោក អាប្រាហាម លីងខោន (Abraham Lincoln) អតីតប្រធានាធិបតីអាមេរិក ដែលថា«By the people, Of the people, For the people..!»។

លោកសរសេរនៅលើបណ្ដាញសង្គម តបទៅលោក ហ៊ុន ម៉ានី វិញថា៖

«ការមិនដឹងប្រវត្តិសាស្ត្រពិត វាមិនបញ្ហានោះទេ។ ការបំភាន់អ្នកដទៃ ឲ្យមានការយល់ច្រឡំប្រវត្តិសាស្ត្រ ទើបជាបញ្ហា។ ខ្ញុំ​សូមចែក​រំលែកសៀវភៅ “អ្នកឃោសនា”​ ដែលបោះពុម្ភឆ្នាំ១៩៨៣ ដោយគណបក្សរបស់លោកផ្ទាល់។ CPP​ បង្កើតដោយខ្មោច​ ហូ ជីមិញ ថ្ងៃទី​២៨ ខែមិថុនា​ ឆ្នាំ១៩៥១។ ហើយ​ CPP​ ក៏ប្រារព្ធខួបរាល់ឆ្នាំផងដែរ នៅថ្ងៃទី២៨ មិថុនា៕»

ជូនលោក ហ៊ុន​ ម៉ានី!*******ការមិនដឹងប្រវត្តិសាស្ត្រពិត វាមិនបញ្ហានោះទេ។…

Posted by Hing Soksan on Tuesday, January 26, 2021


លំអិតបន្ថែមទៀត

កម្ពុជា

សភា​នឹង​ប្រជុំ​អនុម័ត​កំណែ​ច្បាប់​ថ្មី ស្ដីពី​គណបក្ស​នយោបាយ នៅ​ថ្ងៃទី១៣ ខែ​ធ្នូ​ខាង​មុខ

រដ្ឋសភាឯកបក្ស របស់ប្រទេសកម្ពុជា នឹងបើកសម័យប្រជុំពេញអង្គរបស់ខ្លួន នៅថ្ងៃព្រហស្បត្តិ៍ទី១៣ ខែធ្នូ ឆ្នាំ២០១៨នេះ ដើម្បីពិភាក្សា និងអនុម័ត លើសេចក្ដីស្នើវិសោធនកម្មច្បាប់ ស្ដីពីគណបក្សនយោបាយ នៅត្រង់មាត្រា៤៥ថ្មី និងសេចក្ដីព្រាងច្បាប់មួយទៀត ស្ដីពីបរធនបាលកិច្ច។ ...
កម្ពុជា

អេង ឆៃអ៊ាង៖ នៅស្រុក​រំដួល «បាតផ្សារ ក្លាយជា​សម្ដេច»

សង្គ្រាមពាក្យសំដី នៅតែបន្តផ្ទុះ! អនុប្រធាន​គណបក្ស​សង្គ្រោះជាតិ បានប្រើពាក្យធ្ងន់ៗ នៅថ្ងៃនេះ ហៅក្រុមអ្នកអន្ទ្រើសៗ នៅកម្ពុជា ថាជាមនុស្ស ដែលមានសារជាតិ «ពាល តិរច្ឆាន និង បាតផ្សារ»។ ...
កម្ពុជា

ហេតុអ្វី​ឧកញ៉ា​«ទាំង៤នាក់» ត្រូវ​បាន​ស្នើ​ដាក់​ចូល​បញ្ជី​ខ្មៅ?

ឧកញ៉ាមហាសេដ្ឋី​ខ្មែរ«ទាំង៤នាក់» ដែលក្នុងនោះ មាន​៣នាក់​ជា​សមាជិក​ព្រឹទ្ធសភា របស់​គណបក្ស​ប្រជាជន​កម្ពុជា​ ត្រូវបានអង្គការ​ឃ្លាំមើល​ពិភពលោក «Global Witness» ស្នើសុំទៅសហរដ្ឋអាមេរិក ដើម្បីដាក់បញ្ចូលពួកគេ ទៅក្នុង​បញ្ជីខ្មៅ នៃបញ្ជីជនដែលត្រូវរងទណ្ឌកម្ម។ ខាងក្រោមនេះ ជាការពន្យល់ជាវីដេអូ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...