កម្ពុជាដំណឹង

ហ៊ុន សែន ធ្លោយឲ្យដឹង​ពី​សម្ព័ន្ធភាព រវាង​កងទ័ព​និង​ក្រុមហ៊ុន​ឯកជន

ការប្រកាសប្រើលុយ របស់ក្រុមហ៊ុនឯកជន ឬក្រុមឧកញ៉ា ដើម្បីទិញរថយន្ដ​យោធា​ពីចិន យកមក​បំពាក់​ឲ្យកងកម្លាំងជាតិ បានតម្រូវឲ្យលោក ហ៊ុន សែន បញ្ចេញប្រតិកម្ម ដើម្បីការពារ​នយោបាយ​របស់លោក​មួយនេះ រហូតលោកបានធ្លោយមាត់ ឲ្យដឹងថា នៅ​ក្នុងព្រះរាជាណាចក្រ​អច្ឆរិយៈ គឺពិតជាមាន​សម្ព័ន្ធភាព រវាង​កងទ័ព​និង​ក្រុមហ៊ុន​ឯកជន ។

ការធ្លោយមាត់​របស់លោក ហ៊ុន សែន ធ្វើឡើងក្នុងការចុះ ពិនិត្យមើល​ការដ្ឋាន​សាងសង់ អាកាស​យានដ្ឋាន​អន្តរជាតិភ្នំពេញថ្មី ដែលស្ថិតនៅឃុំព្រែកស្លែង ស្រុក​កណ្តាលស្ទឹង ខេត្ត​កណ្តាល នាព្រឹកថ្ងៃចន្ទទី២២ ខែមិថុនានេះ។

បុរសខ្លាំងនៅកម្ពុជា បានរៀបរាប់ឡើងថា៖

«នៅទីនេះ សូមបញ្ជាក់ឡើងវិញថា យើងអត់បានប្រើប្រាស់ថវិការដ្ឋ សូម្បីតែមួយ​សេន។ ប៉ុន្តែនយោបាយរបស់ខ្ញុំ គឺខឿនការពារជាតិ របស់ប្រជាជន។ អញ្ចឹង មិនមែន​ជារឿងថ្មី​ទេ ដែល ហ៊ុន សែន បានធ្វើរឿងនេះ ជោគជ័យខ្លាំងណាស់។»

បន្ទាប់មក បុរសអង្គុយក្នុងអំណាច តាំងពីជាង៣៥ឆ្នាំ បានបង្ហើប​យកករណី នៃការ​ចង​សម្ព័ន្ធភាព រវាងកងទ័ព និង​ក្រុមហ៊ុន​ឯកជន មកបញ្ជាក់ថា៖

«អញ្ចឹង បានជាមានអង្គភាព​ ធ្វើសម្ព័ន្ធភាព​ជាមួយគ្នា។ ក្រុមហ៊ុននេះ ធ្វើសម្ព័ន្ធភាព ជាមួយកងពលនោះ ឬក្រុមហ៊ុននេះ ធ្វើសម្ព័ន្ធភាព ជាមួយអង្គភាពនោះ។ អញ្ចឹងទេ វាទៅជាការផ្សារភ្ជាប់ រវាងកងទ័ពនិងប្រជាជន បេះមិនដាច់។ រហូតដល់ក្រុមហ៊ុនខ្លះ ក៏ធ្វើសម្ព័ន្ធភាព ជាមួយនឹងកងនគរបាល ការពារព្រំដែន។»

កាលពីពីរសប្ដាហ៍មុន រថយន្ដយោធាចិន ប្រមាណជា​២៩០​គ្រឿង ត្រូវបានរដ្ឋាភិបាល​លោក ហ៊ុន សែន ទិញពីប្រទេសចិន ដោយប្រើប្រាក់​​ដែល​មន្ត្រីរដ្ឋាភិបាល​អះអាងថា ​​រៃអង្គាស​បាន ពីសប្បុរសជន ដែលសុទ្ធសឹងជាឧកញ៉ាៗ អ្នកមានប្រាក់។

លោក ហ៊ុន សែន នៅបានប្រើវេទិកា ក្នុងព្រឹកថ្ងៃចន្ទនេះ ដើម្បីវាយបក ទៅកាន់ក្រុម​អ្នក​រិះគន់ និងមន្ត្រី​គណបក្សប្រឆាំង ដែលបានបរិហារការចំណាយខាងលើ ថាធ្វើឡើង​មិន​ត្រូវ​ទិសដៅ និង​មិនចំពេល។ លោកនាយករដ្ឋមន្ត្រី បានហៅក្រុមអ្នករិះគន់ទាំងនេះ ថាជា​ក្រុម​«តិរច្ឆាន» ដែលពូកែទើសសព្វគ្រប់។

លោកថា៖

«អញ្ចឹងឥឡូវនេះ បើគេមិនមែនជា”តិរច្ឆាន”ទេ ពួកគេក៏គួរសប្បាយចិត្តថា រថយន្ដ​ដែល​បំពាក់ ឲ្យ​កងកម្លាំង​ប្រដាប់​អាវុធនេះ វាជាមធ្យោបាយជាតិ មិនគ្រាន់តែការពារជាតិទេ តែមធ្យោបាយ ក្នុង​ការដឹកជញ្ជូន ដឹកកងទ័ព​ទៅសង្គ្រោះ នៅកន្លែង​ណាមួយ (…)៕»



លំអិតបន្ថែមទៀត

កម្ពុជា

CNRP៖ បាតុករ​៣០មិនា ពលី​ដើម្បី​លទ្ធិ​ប្រជាធិបតេយ្យ សេរីភាព និងយុត្តិធម៌

គណបក្សសង្គ្រោះជាតិ បានអះអាងថា បណ្ដាបាតុករទាំងអស់ ដែលបានស្លាប់ក្នុងព្រឹត្តិការណ៍ គប់គ្រាប់បែក​នៅខាងមុខ​អតីត​រដ្ឋសភា​ជាតិ កាលពីថ្ងៃទី៣០ ខែមិនា ឆ្នាំ១៩៩៧ ថាជាបុព្វហេតុ ដើម្បី«លទ្ធិប្រជាធិបតេយ្យ សិទ្ធិសេរីភាព និងយុត្តិធម៌» នៅក្នុងប្រទេសកម្ពុជា។ ...
កម្ពុជា

សម រង្ស៊ី៖ «ហ៊ុន សែន ចង់ដាក់ ហ៊ុន ម៉ានី ជំនួស ស ខេង នៅក្រសួងមហាផ្ទៃ»

នៅប៉ុន្មាននាទីមុន ប្រធានស្ដីទី​គណបក្ស​​សង្គ្រោះជាតិ បានបង្ហោះសារខ្លីមួយថា លោក ស ខេង ឧបនាយករដ្ឋមន្ត្រី រដ្ឋមន្ត្រីមហាផ្ទៃ និងជាអនុប្រធាន​គណបក្ស​​ប្រជាជនកម្ពុជា កំពុងរៀបចំបែក ពីលោក​នាយករដ្ឋមន្ត្រី ហ៊ុន សែន ដោយសារប្រមុខ​រដ្ឋាភិបាល​កម្ពុជា ...
កម្ពុជា

សម រង្ស៊ី ព្រមាន​រឹបអូស​ទ្រព្យត្រកូល ហ៊ុន នៅពេល ហ៊ុន សែន អស់អំណាច

តបនឹងការថ្លែងរបស់លោកនាយករដ្ឋមន្ត្រី ហ៊ុន សែន ដែលឲ្យមេធាវីលោកប្ដឹងរឹបអូសទ្រព្យសម្បត្តិបណ្ដាមន្ត្រីប្រឆាំងកាលពីព្រឹកម៉ិញនេះ មេដឹកនាំប្រឆាំងរបស់ប្រទេសកម្ពុជា លោក សម រង្ស៊ី បានថ្លែងខ្លាំងៗព្រមានឡើងថា ក្រុមលោកនឹងរឹបអូសទ្រព្យសម្បត្តិ របស់ក្រុមគ្រួសារត្រកូល ហ៊ុន វិញ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...