កម្ពុជាដំណឹង

Covid-19៖ ឯកអគ្គរដ្ឋទូត​អាមេរិក ចូលរួម​មរណទុក្ខ​ទាហាន​មួកខៀវ​ខ្មែរ

ឯកអគ្គរដ្ឋទូត​អាមេរិក លោក ប៉ាទ្រីក ម័រហ្វី (Patrick Murphy) បានចូលរួមរំលែកទុក្ខ ចំពោះសពទាហានមួកខៀវកម្ពុជា ដែលបានទទួលមរណភាព ដោយសារជំងឺ «Covid-19» នៅក្នុងប្រទេសម៉ាលី។

នៅលើបណ្ដាញសង្កមទ្វីសធើរ ឯកអគ្គរដ្ឋទូត​នៃប្រទេសមហាអំណាច ប្រចាំនៅកម្ពុជា រូបនេះ បានសរសេរ​ឲ្យដឹង​ថា៖

«យើង [សហរដ្ឋអាមេរិក] សូមចូលរួមមរណទុក្ខ ដ៏ក្រៀមក្រំបំផុត ជាមួយ​ព្រះរាជា​ណាចក្រ​កម្ពុជា រួមនិងក្រុមគ្រួសារ និងមិត្តភក្តិ របស់សពលោក​ឧត្តមសេនីយ៍ទោ ស សាវី ដែល​បាន​ទទួលមរណភាព ក្នុងពេលបំពេញបេសកកម្ម នៅប្រទេសម៉ាលី។»

សេចក្ដីប្រកាសព័ត៌មាន របស់អង្គការសហប្រជាជាតិ បានឲ្យដឹងថា លោក​ឧត្ដមសេនីយទោ ស សាវី បានទទួលមរណភាព តាំងពីព្រឹកថ្ងៃទី២៩ ខែឧសភា​​ម្សិលម៉ិញ។ លោក សាវី បានក្លាយជា ទាហានខ្មែរដំបូងគេ ដែលបានស្លាប់ ដោយសារជំងឺដ៏ប្រល័យ។

លោកឧត្ដមសេនីយ៍ទោ ស សាវី ជាទាហានម្នាក់ ពីក្នុងចំណោមទាហាន ជិត៨០០នាក់ (ស្ត្រីជិត៨០នាក់) ដែលកម្ពុជាបញ្ជូន ឲ្យទៅបំពេញបេសកកម្ម ក្រោមឆ័ត្រ​របស់​អង្គការ​សហប្រជាជាតិ នៅប្រទេសចំនួន៤ រួមមាន ប្រទេសលីបង់, ស៊ូដង់ខាងត្បូង, ម៉ាលី និង​សាធារណរដ្ឋ​​អាហ្វ្រិកកណ្តាល។

លោក ប៉ាទ្រីក ម័រហ្វី បានថ្លែង​ក្នុងនាម​សហរដ្ឋអាមេរិក បន្តថា៖

«សហរដ្ឋអាមេរិក​មានមោទនភាព ក្នុងការគាំទ្រ ដល់វិភាគទាន​ដ៏សំខាន់ របស់​ប្រទេស​កម្ពុជា ចំពោះ​ប្រតិបត្តិការ​ថែរក្សា​សន្តិភាព នៅក្នុងពិភពលោក៕»



លំអិតបន្ថែមទៀត

ពីឆ្វេងទៅស្ដាំ៖ អ្នកស្រី រ៉ូណា ស្មីត និងអ្នកស្រី ម៉ារី លោវល័រ អ្នករាយការណ៍ពិសេស អង្គការសហប្រជាជាតិ ស្ដីទីស្ថានភាពសិទ្ធិមនុស្ស។ (រូបថត UN)
កម្ពុជា

មន្ត្រីផ្លូវការ អ.ស.ប ប្រតិកម្មនឹង​ការចាប់ចង​ពលរដ្ឋ ដោយ​របប​ក្រុងភ្នំពេញ

ប្រតិកម្មនឹង​ការចាប់ចង​ពលរដ្ឋ ដែលធ្វើឡើង ដោយអាជ្ញាធររបប​ក្រុងភ្នំពេញ បាន​ធ្លាក់ចុះ​​មកជាបន្តបន្ទាប់ ជាពិសេស ប្រតិកម្មរបស់មន្ត្រីផ្លូវការ របស់អង្គការ​សហប្រជាជាតិ (UN – អ.ស.ប) ដែលមាន​ជំនាញ​ខាង​សិទ្ធិមនុស្ស។ អ្នកស្រី ម៉ារី ...
កម្ពុជា

ផៃ ស៊ីផាន ហៅ​ក្រុម​ព្រឹទ្ធសមាជិក​អាមេរិក ជា​មេក្លោង​ក្រុមប្រឆាំង​នៅ​កម្ពុជា

អ្នកនាំពាក្យរបបដឹកនាំក្រុងភ្នំពេញ លោក ផៃ ស៊ីផាន បានធ្វើប្រតិកម្មតបនឹងការស្នើច្បាប់ កាលពីសប្ដាហ៍មុន ពីសំណាក់ក្រុមសមាជិកព្រឹទ្ធសភាសហរដ្ឋអាមេរិក ដោយ​ហៅ​ទង្វើរបស់ក្រុមព្រឹទ្ធសមាជិកទាំងនោះ បង្ហាញកាន់តែច្បាស់ ថាពួកគេជា«មេក្លោង» របស់ក្រុមប្រឆាំងនៅកម្ពុជា។ សេចក្ដីស្នើច្បាប់លេខ «S.1468» ...
ដំណឹង

ត្រាំ រង​ការចោទប្រកាន់​«ដ៏ធ្ងន់ធ្ងរបំផុត»​ដែលអាច​ត្រូវ​បណ្ដេញ​ពីតំណែង

បន្ទាប់ពីសំណុំរឿង ទាក់ទងជាមួយប្រទេសរ៉ូស្ស៊ី ដែលមិនចេះចប់នោះ ប្រធានាធិបតីអាមេរិកអាមេរិក លោក ដូណាល់ ត្រាំ (Donald Trump) កំពុងប្រឈមមុខ នឹងការចោទប្រកាន់ ជាថ្មីមួយទៀត ក្នុងថ្ងៃសុក្រនេះ។ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.