កម្ពុជាដំណឹង

CNRP អះអាងថា មិនភ្លេចជន​ដែល​ត្រូវបាន​សម្លាប់ ក្រោមរបប ហ៊ុន សែន

គណបក្សសង្គ្រោះជាតិ (CNRP) អះអាងថា ខ្លួននឹងមិនភ្លេច​ជនរងគ្រោះ​ជាច្រើន​នាក់ ដែលត្រូវបានសម្លាប់ យ៉ាងឃោរឃៅ និងអយុត្តិធម៌ នៅក្រោមរបបដឹកនាំ​របស់​លោក​​នាយករដ្ឋមន្ត្រី ហ៊ុន សែន ឡើយ។ នេះ បើតាមសារនយោបាយមួយ ដែល​គណបក្ស​ប្រឆាំង លើកឡើង នៅក្នុងសេចក្ដីថ្លែងការណ៍របស់ខ្លួន ចេញផ្សាយក្នុងយប់​ថ្ងៃទី៦ ខែកក្កដានេះ។

គណបក្សប្រឆាំង ដែលត្រូវបានអាជ្ញាធរគណបក្សប្រជាជនកម្ពុជារំលាយ កាលពីចុង​ឆ្នាំ​២០១៧ បានរំឮកឡើងវិញ អំពីព្រឹត្តិការណ៍រដ្ឋប្រហារ ថ្ងៃទី៥-៦ ខែ​កក្កដា ឆ្នាំ១៩៩៧ ដែល​បង្កឡើង ដោយក្រុមលោក ហ៊ុន សែន ដែលកាលនោះ ជានាយករដ្ឋមន្ត្រីទី២ ដើម្បីទម្លាក់​ព្រះអង្គម្ចាស់ នរោត្តម រណឫទ្ធិ នាយករដ្ឋមន្ត្រីទី១។

សេចក្ដីថ្លែងការណ៍បានសរសេរថា៖

«ក្រោមរបបដឹកនាំ របស់លោក ហ៊ុន សែន ជាច្រើនទសវត្សរ៍កន្លងមក មានមនុស្ស​ច្រើន​នាក់ រួមមាន សកម្មជនគណបក្សនយោបាយ អ្នកសារព័ត៌មាន អ្នកវិភាគនយោបាយ អ្នក​ការពារសិទ្ធិមនុស្ស សកម្មជនបរិស្ថាន សកម្មជនដីធ្លី និងប្រជាពលរដ្ឋស្លូតត្រង់ ត្រូវ​បានសម្លាប់យ៉ាងឃោឃៅ និងអយុត្តិធម៌ ក្រៅប្រព័ន្ធតុលាការ ដោយឧក្រិដ្ឋជន​ពុំត្រូវបាន​នាំខ្លួន យកមកផ្ដន្ទាទោស​តាមផ្លូវច្បាប់ឡើយ។»

ក្រៅពីព្រឹត្តិការណ៍រដ្ឋប្រហារ ដែលបង្កឲ្យមនុស្សស្លាប់ ច្រើនរយនាក់នោះ គណបក្សប្រឆាំងនៅបានរំឮក ពីជនរងគ្រោះដទៃទៀត មានដូចជាព្រះសង្ឃ សំ ប៊ុនធឿន – អ្នកស្រី ពិសិដ្ឋ ពិលីកា លោក ជា វិជ្ជា លោក ឈុត វុទ្ធី និងលោក កែម ឡី ជាដើម។ គណបក្សសរសេរថា៖

«គណបក្សសង្គ្រោះជាតិ សូមអំពាវនាវដល់ប្រជាពលរដ្ឋខ្មែរ គ្រប់មជ្ឈដ្ឋាន ទាំងក្នុង និង​ក្រៅប្រទេស ដែលស្រឡាញ់យុត្តិធម៌ និងលទ្ធិប្រជាធិបតេយ្យ ចូលរួមស្វែងរកយុត្តិធម៌ សម្រាប់​ជនរងគ្រោះទាំងអស់ និងរួបរួមគ្នាបញ្ចប់វប្បធម៌និទណ្ឌភាព នៅក្នុងប្រទេស​កម្ពុជា (…)៕»



លំអិតបន្ថែមទៀត

កម្ពុជា

CNRP ទាមទារ​ឲ្យដោះលែង កឹម សុខា និង​ស្នើអន្តរជាតិ«ចាត់​វិធាន​ការ»

គណ​បក្ស​សង្គ្រោះ​ជាតិ​បាន​​ទាមទារជាថ្មី ឲ្យ​ដោះលែងប្រធានគណបក្ស លោក កឹម សុខា ជា​បន្ទាន់និងដោយ​ឥត​លក្ខខណ្ឌ ​ព្រម​ទាំង​អំពាវ​នាវ​ដល់​សហគមន៍​អន្តរជាតិ​ «ចាត់​វិធាន​ការ»ខ្លាំង​ក្លាបន្ថែម​ទៀត​ ដើម្បី​ឲ្យ​រដ្ឋាភិបាល​របស់​លោក​នាយក​រដ្ឋមន្រ្តី ​ហ៊ុន​ សែន​ ស្តា​លទ្ធិ​ប្រជា​ធិប​តេយ្យ​ និងការគោរពសិទ្ធិមនុស្សឡើង​វិញ។ ...
កម្ពុជា

សម រង្ស៊ី វិលមក​ដឹកនាំ​បក្ស​​ «ធ្វើ​ឲ្យ​យុទ្ធសាស្ត្រ ហ៊ុន សែន បរាជ័យ»

«យុទ្ធសាស្ត្រ របស់លោក ហ៊ុន សែន បរាជ័យ ទាំងស្រុង ក្នុងការប៉ុនប៉ងកម្ទេចគណបក្សសង្គ្រោះជាតិ ពីខាងក្នុង» ដោយសារការវិលត្រឡប់ របស់លោក សម រង្ស៊ី មកដឹកនាំគណបក្សសង្គ្រោះជាតិវិញ ...
កម្ពុជា

អ្នកកាសែត​​ម្នាក់​​ថា កឹម មនោវិទ្យា ជាគ្រោះ​ដល់​លទ្ធិ​ប្រជាធិបតេយ្យ

មិនខ្វល់ខ្វាយ នឹងការសាកសួរ… ហើយរារាំង (Blocked) គណនី របស់អ្នកសារព័ត៌មាន ជាពិសេស មិនចង់ឲ្យ​មាន​ការរិះគន់ ពីអ្នកដទៃ … វាជាគ្រោះថ្នាក់ សម្រាប់លទ្ធិប្រជាធិបតេយ្យ។ ហើយកញ្ញា ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...